قصة جديدة هتعجبكم

"لقيت حد رمي ورقة عليا فالټفت اشوف مين"..

ـ اللي بتبص وراها تطلع بره..

لقيته بيكلمني فقولت بتوتر:
ـ بس يا دكتور انا...

بزعيق:
ـ اتفضلي برة..

طلعت برة وانا سامعه صوت اللي رمو الورقة بيتريقو عليا..

ــــــــــــــــــــــــــ

ـ ماماا انا رجعت أخيراً..

ـ طب ابعدي عني دلوقتي علشان مش طايقة نفسي

ـ ح حاضر..

ـــــــــــــــــــــــــــ

_ انتي يا زفته

ـ ن نعم يا محمد..

_ قومي اعمليلي قهوة

ـ اسفة بس عندي امتحان ومذاكرة كتير اوي قول لاختي هي مش عندها حاجه دلوقتي..

مسكها من ايدها بقوة وقال:
_ انا باقولك انتي

ـ ح حاضر..

ــــــــــــــــــــــــــ

_ عاملة ايه ي مرام..

ـ كويسة ..

ـ هي الحبوب اللي ف وشك كترت ليه كدا دي مخلياكي شبه الفراولة..

ـ ههه آه وشي متحسس شوية..

_ اوعي تكوني زعلتي انا بهزر

ـ لا طبعاً..

ـــــــــــــــــــــــــ

ـ مرام خالد

ـ نعم يا دكتور

ـ 11 من 20..
معرفش ډخلتي كلية زي دي ازاي

ـ.......

ـــــــــــــــــــــــ

ـ مالك يبنتي خسيتي اوي كدا وحوالين عينك اسود متاكلي  انتي مبقيتيش باينة م الأرض..

ـ يعني الاكل هيتخن! ماشي..

ـ اوعي تكوني زعلتي انا باقول دا لمصلحتك..

ـ لا مزعلتش طبعاً..

ــــــــــــــــــــــــ

ـ النهارده الجامعه كانت مرهقة اوي..
ماما انا هنام علشان تعبانه وعندي جامعه الصبح بدري..

ـ نامي وريحيني شوية..

ـ ح حاضر تصبحي ع خير ي ماما....

ــــــــــــــــــــــــ

ـ انتي يا زفته م صحيتي ليه اتاخرتي ع الجامعه..

ـ.......

ـ انتي مبترديش عليا ليه..

ـ شالت البطانية لقتها نايمه بس مش بتتحرك..

_ مرام مبترديش ليه عليا.. مرااام........

ـــــــــــــــــــــــــــــــــ

"فبينما كانوا يتعاملون معي كـ سوية كانت تتصارع الأمراض النفسية بداخلي من ستلتهمني أولاً .."❤‍🩹..

َ