عشق الزين الجزء الثاني كاملة
ليليان: انت عاوز تتجوز ياعز وتبعد عني مش كفاية البيت فضي عليا .
زين: احسن والله نفسي يفضى مش واخد راحتي .
مراد: على قلبك يابابا ... وبعدين يا ماما ميرا اهي كلها كام شهر وتجبلك البيبهات ربيهم انتي يا حبيبتي ... احنا مش فاضين نربي .
عز: امال فاضين لايه .
مراد غمزله: نجيب غيرهم .
عز: ياشقي .
آسر بصد@مة: ملاهي يا هنا... يوم ما اكتب كتابي .. تجيبني ملاهي ! .
هنا: كنت بحلم باليوم اللي هاطلع فيه مع جوزي ونروح فيه ملاهي ونلعب مع بعض .
آسر: العب! ... يابنتي والله انتي فهماني غلط .
هنا بتكشيرة: يالا بقى يا اسورة .
هنا: انا من حقي اروح المكان اللي نفسي فيه .
آسر: طيب هاتلعبي ازاي بالكعب العالي دا .
هنا: لا احنا هنروح المول نجيب لبس ونغير ونلعب بقى.
آسر: اه وابوكي يشوفنا مغيرين لبسنا ... ويشك فينا على طول .
هنا: دماغك وحشة ... انا معرفاهم اصلا هنعمل ايه .
آسر: مكنش يومك يا آسر .
( هنا اخدت آسر ونفذت الخطة زي ماهي عاوزة . ولعبو في الملاهي واټجننت وهو استحمل جنانها ... وفي اخر اليوم وقف قدام بيتها ).
هنا بتعب: بس الله يكرمك .. الواحد تعب اوي .
هنا: انت مفرحتش انهاردة؟ .
اسر: الحقيقة هو انتي اللي فرحتي مش انا .
هنا بدلع: طيب ايه يفرح حضرتك .
آسر قرب منها اكتر: انتي وزوقك .
هنا: بحبك يا آسر ... بحبك اوي .. بحبك من اول مرة شوفتك فيها في الجامعة وكنت بمoت كل ليلة وانت خاطبها .
(آسر بصلها بحب وشوق وشدها ناحيته اكتر وباسها ... وهي نسيت نفسها وبادلته بوسته ليها ).
آسر بعد عنها ويبعد شعرها وبهمس: بحبك اوي يا هنايا .
في بيت مراد الالفي .
(مراد واقف بيعمل قهوة وسارة جت عليه ).
سارة: انا ممكن اعمالهالك .
سارة مسكت ايده: ابعد انت... كنت طول عمرك بتحبها من ايدي .
مراد: كان زمان قبل ما ټموتي .
سارة: وطلعت عايشة .
مراد: بس مېتة من جوايا.
سارة دموعها نزلت بسرعة: هو انا ممكن اطلب منك طلب .
مراد: لو هنرجع لبعض لا .
سارة: متخفش عارفة انه لا ... بس انا عاوزة طلب اخير ... او اعمل حاجة ومتبعدنيش .
مراد قلبه دق پعنف: ايه ...عاوزة ايه .
سارة: موافق الاول .
مراد: على ايه .
( سارة قربت منه ورفعت نفسها وشدته ناحيتها وباسته برقة ... هو متمالكش نفسه مراته وحبيبته بين ايديه ... حضنها له واتجاوب معاها .. بعدها جه في باله اللي عملته فيه .. بعدها عنه بالراحة ).
مراد بتنهيدة: عارف وانا بحبك.. بس حقيقي مش قادر يا سارة مش قادر انسى اللي عملتيه فيا .. سامحيني مش هاقدر اكمل معاكي تاني .
(مراد سابها ودخل اوضته ونام على السرير بيحاول يتحكم في انفعالاته ).
بعد مرور يومين .
(ليان قاعدة على البحر وعمر قاعد جنبها ماسك ايدها ).
ليان: لما كنا في الساحل ... اتمنيت اقعد هنا على البحر وانت معايا .
عمر: كنت براقبك ... مغبتيش لحظة عيني .
ليان: كنت بحس ان عيونك بتراقبني .
عمر: انا امتى عيوني بعدت عنك يا ليان من صغرك وعيوني بتراقبك .
عمر: والله الحب دا كلمة صغيرة على اللي انا حاسه من ناحيتك... انا اصلا مش مصدق انك معايا وملكي .. انا اليومين اللي فاتو وانتي نايمة في حضڼي كنت بصحى في عز النوم اتأكد انك معايا .
ليان مسكت وشه: انا حقيقة وانت حقيقة وحبنا حقيقة يا عمر ... انا عمري ما ابعد عنك ابدا ..وانت كمان اوعدني انك عمرك ماتبعد عني .
عمر: الحاجة الوحيدة اللي هتقدر تفرقني عنك هي المoت يا ليان .
ليان حضنته بسرعة: بعد الشړ عنك يا حبيبي .
عمر: بحبك .
في تركيا .
كاميليا واقفة بتضحك قدام الراجل اللي بيبع ايس كريم .
كاميليا: هههه براحته انا مبسوطة .
ادهم شدها مرة واحدة ومشي بيها وهي وقفته
كاميليا قربت منه: مالك يا دومي .
ادهم: بتضحكي مع الزفت دا ليه ؟.
كاميليا: بذمتك حركاته متضحكش .
ادهم: لا بارد ودمه تقيل .
كاميليا بدلع: بتغير يا دومي؟ .
ادهم: انتي بتدلعي عليا في اوقات غلط .
كاميليا: طيب بحبك .
ادهم: عادي على فكرة انا ممكن ارزعك بوسة دلوقتي قدام الناس دي كلها .
كاميليا بهمس: عيب .
ادهم: لا مش عيب .
ادهم لسه بيقرب كاميليا جريت منه وضحكت وطلعت لسانها .
ادهم: اهو عيب الواحد يتجوز واحدة معشتش طفولتها .. اوووووف خدي يابنتي هنا ... مبقتش قادر اجري وراكي .
في المطار .
( كلو واقف بيودع سارة ماعدا مراد .. ليليان دموعها نازلة ومش عارفة تتحكم فيها وسارة بتحضنها وبتهديها).
سارة: خلاص بقا يا ليليان ... خلاص الدنيا اتقدمت وهافتح نت واشوفك .
ليليان: هتوحشيني اوي .
سارة: وانتي كمان والله .
زين: دا قرارك يا سارة خلاص .
سارة: ايوا ... خلي بالك منها يا زين .
زين: خلي بالك من نفسك .
سارة بصت لمهاب وحضنته وهمستله: خلاص يا مهاب اللي فات م١ت ... انسى وبلاش تعذيب الضمير دا .
