رواية جميلة من الفصل الخامس حتي الثامن
بصت مطرح ما هيا بتشاور
جميله ايوه الدبلان ده صح
ميس ايوه هو ... تنظفي الزرع الدبلان ده وتشيله كله وتزرعيلي مكانه ورد .. شكله بيضايقني وده كل ما اطلع البلكونه بشوفه
جميله حاضر يا افندم بعد اذنك
ميس رايحه فين
جميله هكمل تنظيف الاول
ميس لا سيبي حد غيرك ينظف اطلعي انتي لحوض الورد ده
ميس فضلت كتير في البلكونه تراقبها ومستنياها تقعد او تتعب علشان تزعقلها او تتخانق معاها بس جميله اللي ميس ما تعرفوش بتحب الزرع جدا والاهتمام بيه وبالتالي الشغلانه دي كانت عجباها
وده كان مخليها مبتسمه وهيا بتشتغل....
نظفت الحوض وقسمته زي ما هيا عايزه وبدئت تزرع الورد فيه ... كان اخر النهار ...
وليد رجع تعبان مهدود ويدوب دخل وطالع لمح جميله في الجنينه قاعده في الارض بتعمل حاجه طبعا فضوله خلاه يطلعلها
جميله اتفاجئت خضتني
وليد اسف بس بتعملي ايه
جميله باجمل ابتسامه بزرع ورد
الطريقه اللي قالت بيها الجمله دي مع ابتسامتها خلت وليد كمان يبتسم
وليد بتزرعي ورد
كمل جواه انتي فعلا بتزرعي ورد يا جميله .. بتزرعيه جوه قلبي
جميله عندك مانع
جميله تصدق ان النهارده اجمل يوم قضيته .. انا بعشق الزرع وريحه الارض والورد .. وهزرعلك اجمل ورد هنا
وليد تزرعيلي
جميله اه كل ما تصحي من نومك وتبص من بلكونتك تشوف وردي وتبتسم له
وليد بص لفوق وفعلا بلكونته بتطل علي الحوض ده
وليد ومين قالك اني بحب الورد
وليد ضحك طيب ممكن بقي تخليني ازرع معاكي علشان ابتسم بجد
جميله انت جاي تعبان اطلع ارتاح
وليد رمي شنطته و جاكت بدلته وقلع الكرافت ورماها وشمر وقرب منها قعد جنبها في الارض علي ركبه
جميله هدومك هتتبهدل
وليد تتبهدل .. قوليلي بقي هو ده رسمه قلب اللي في النص دي ولا بيتهيألي
وليد ورود حمرا هتقولي ايه لما ابصلها
جميله اتحرجت وبصت للارض بتحط البذره
جميله تقولك اني بحبك اكتر من اي حاجه في الدنيا دي .. وان قلبي بقدمهولك
وليد ابتسم من جواه ومد ايده ليها
وليد طيب ايه رأيك نزرع القلب ده انا وانتي وبدال ما يبقي قلبك انتي بس يبقي قلبي انا كمان .. علشان انتي كمان لما تشوفيه تبتسمي
جميله كان قلبها بيرقص من السعاده وحطت ايدها في ايده وبدؤا يزرعوا بذور حبهم مع بعض ...
وده اللي مكنتش ميس عامله حسابه ابدا ....
ميس رجعت هيا كمان ودخلت علي اوضتها وبعدها افتكرت جميله فطلعت البلكونه علشان تشوف تعبها وتفرح بمنظرها وهيا ڠرقانه في الطين وهدومها المتبهدله
بس اول ما خرجت اتفاجئت بجوزها في الارض مع جميله وبدال ما تتشفي بمنظر جميله الڼار ولعت في قلبها هيا ... منظر جميله اللي بتضحك ووليد معاها بيضحك قطع قلبها زياده وۏلع الڼار جواها زياده ونزلت تجري ناويه تولع فيهم هما الاتنين ...
لازم الڼار اللي جواها دي تحرقهم هما الاتنين
رواية جميله
الحلقه السابعه
منظر جميله اللي بتضحك ووليد معاها بيضحك قطع قلبها زياده وۏلع الڼار جواها زياده ونزلت تجري ناويه تولع فيهما هما الاتنين ...
لازم الڼار اللي جواها دي تحرقهم هما الاتنين
وليد خلص هو وجميله زراعه القلب وبيبصلها مبسوط من جواه وفجأه جميله كشرت
وبتبعد عنه
وليد في ايه مالك
جميله ميس هانم جايه وشكلها ما يطمنش
وليد وقف وبص لميس اللي فعلا شكلها غني عن اي كلام ومكنش عنده اي استعداد للخناق فراح ناحيتها وهيا جايه بسرعه ونبيله جايه تجري وراها لانها متخيله اللي هتعمله والكل اتفاجئ باللي وليد عمله هو موقفهاش لأ هو مره واحده اول ما بقي قصادها وطي وشالها علي كتفه واخدها وطالع علي فوق ومهما تصرخ او تطلب منه يسيبها متجاهلها وامه ابتسمت بس بصت لجميله بتوعد
وليد دخل اوضته وحط مراته علي الارض وقفل الباب بالمفتاح واخد المفتاح
ميس وده ايه بقي ان شاء الله
وليد اهدي وبعدها نتكلم
ميس انت الظاهر اټجننت وبعدين انت بهدلتني طينه من ايديك المطينه دي
وليد غيري هدومك .. انا هدخل اخد شاور وانتي غيري هدومك وبعدها نتكلم تكوني هديتي
لسه ھتنفجر فيه بس كان دخل الحمام وقفل الباب وراه وهيا فضلت رايحه جايه هتولع لانها ما اخدتش حقها من جميله
وليد واقف تحت الشاور وبتلقائيه عقله راح لجميلة وهيا بتزرع الورد ولمسات ايديهم العشوائيه وهما بيزرعوا وابتسامتها الخجوله واتمني انها تكون معاه دلوقتي وشويه ووليد خرج
وليد هاه هديتي ولا لسه
ميس هو انت شايفني مجنونه علشان اهدي
وليد ايوه اللي كانت جايه تحت دي مكنتش طبيعيه ابدا
ميس هو انت بتسمي غيرتي جنون
وليد غيرتك اللي بتغير ما تروحش تجيب واحده لجوزها يتجوزها ولما يتجوزها تتحول هيا !! بقولك ايه يا ميس انتي بطبعك مش غيوره وطول عمرك عندك ثقه كفايه في نفسك.. معقوله جميله الفلاحه الجاهله زي ما انتي مسمياها هزت الثقه دي وحولتك للكائن المچنون اللي قدامي ده انتي شايفه جميله احلي منك مثلا
ميس اټجننت دي احلي مني انا الظاهر ان انت اللي اټجننت مش انا
وليد طيب مش احلي منك اتفقنا .. متعلمه عنك اغني منك عندها حسب ونسب زيك اذكي منك
ميس انت عايز توصل لايه يا وليد
وليد ايه اللي انتي شايفه جميله متميزه فيه عنك فغيرانه قوي كده منها الواحده مش بتغير الا لو حست انها مهدده .. جميله مهدداكي ازاي وبايه
ميس الغيره مش كده
وليد امال الغيره ايه
ميس معرفش بس مش كده ...
وليد طيب بلاش غيره هسألك سؤال وتجاوبيني عليه بمنتهي الصراحه .. كام مره شفتيني قبل كده مع علية مثلا في المطبخ او بساعدها في حاجه كام مره شوفتيني مع عم عباس الجنايني بزرع معاه قبل كده كام مره ساعدت العمال وهما بينظفوا حمام السباحه مثلا او الجنينه او او او عمرك ما اعترضتي اشمعني دلوقتي بتعترضي لو حتي قلت تسلم ايدك علي اكل
ميس الاول كنت بتعمل الحاجات دي من باب المساعده مش اكتر لكن
قاطعها وليد ومازلت بعمل الحاجات دي من باب المساعده انتي بس اللي شيفاها غير كده .. اعقلي بقي يا ميس وكفايه الجنان ده ..
ميس برضه بتقولي جنان
وليد ملهاش اي معني تاني
