حلم الجنوب بقلم دينا النجاشي الحلقة السابعة

حلم الجنوب
الحلقة السابعة
بقلم دينا النجاشي

في مكان خالي عن الكل كان قاعد شخص في الخمسين من عمره

الشخص بجمود.. عملتو اي في اللي طلبته

شخص تاني... عملنا كل المطلوب سعتك بس للاسف موصلناش لأي حاجه... مشيهم مظبوط وشغلهم في السليم ومفيش اي طرف نمسكه

بصله پغضب لان الكلام مش علي هواه.. انت عاوز تفهمني ان كل الثروه والعز ده مكنش وراه اي شغل غير قانوني

الشخص بتوتر.... دا فعلا اللي وصلنا ليه سعتك وتقدر تتأكد من الكلام ده بنفسك

اتحولت ملامح وشه للڠضب وضړب الكرسي برجليه.... تمام اوي ان مكنش ليه اغلاط فانا هعمل الاغلاط وهتكون تمنها حبل مشنقه علي رقبته ويانا ياهو والزمن هيحكي

في الجامعه الخاصه بشروق...... 
كانت قاعده في الحديقه وحاسه بالملل فسمعت صوت وراها

_محتاجه مساعده

_بصت شروق وراها باستغراب بتكلمني انا

ابتسم بهدوء وقرب منها اه انتي..... أخدت بالي انك مديقه من حاجه في الماده فقلت اقدم نفسي واساعدك

شروق بهدوء... احم لا متشكره انا مش محتاجه مساعده

حرك راسه بهدوء.... تمام علي العموم انا اسمي ايان وانتي

شروق بتوتر مقدرتش تتصرف فبصتله.... اسمي شروق

لاحظ ايان توترها وكان متفهم... تشرفنا يا شروق المهم لو احتجتي حاجه انا موجود .. باي

اومأت شروق براسها وهو مشي فتنهدت وبعدها حاولت ترجع للي بتعمله

في السكن

كانت ارشي قاعده في البرنده فجاله رساله من رقم غريب.. فتحت تقرأ الرساله وكانت عباره عن

_كيفك ارشي عارف انك زعلانه ودا كان باين عليكي جدا النهارده وكمان عدم حضورك الجامعه الفتره اللي فاتت كان موضح دا كله المهم انا عاوزك ترمي كل حاجه من دماغك وتنتبهي لمصلحتك لان دي اخر سنه ليكي

ارشي پغضب درت عليه... 
انت مين وبتراقبني بصفتك اي..... فضلت مستنيه الرد بس مجلهاش اي رد فتعصبت اكتر ودخلت اوضتها

في الوقت ده كانت داخله دهيبه واستغربت شكلها
_مالك يا ارشي في حاجه حصلت تاني ولا اي

ارشي بهدوء.. لا مفيش المهم تعالي يلاه نذاكر عندنا مذاكره كتير اوي

دهيبه بتفهم.. ماشي جهزي انتي المواد اللي هنذكروها وانا هعمل كوبيتين نسكافيه

_اومأت ارشي بالموافقه وجهزت المطلوب وراحت دهيبه تعمل النسكافيه

في اليونان....
اجتمع كل من جون ومارك وكريستين..

مارك..
كريستين انت هتنزلي مصر الاسبوع اللي جاي وهتروحي اسوان وتشوفي اي فندق يكون قريب من الجامعه وعينك تكون على صالح 24 ساعه..

كريستين...
اوكي مستر مارك انا هخلص جواز السفر وهنزل على مصر على طول...

مارك...
صالح دلوقتي بالنسبة لنا ثروه قوميه وهو الوحيد اللي ممكن يوصلنا لحلم الجنوب...

جون....
بس انا شايف ان دور صالح مش مهم وممكن اي واحد او اي دكتور تاني متخصص في الاثار يفك الرموز اللي في البرديه..

مارك...
انا كنت متخيل زيك كده وكنت فاكر ان الرموز اللي عليها مكتوبه باللغه الهيروغليفيه القديمه.... لكن اللغه اللي على البردية تعتبر اللغه الام هي للغه الهيروغليفيه ومافيش غير صالح في مصر في مصر كلها اللي يعرفها...

كريستين...
الفراعنه كانوا اذكياء جدا وكانوا خايفين على المقبره من اللصوص عشان كده كانوا عارفين ان الشفره دي صعب حد يفكها..

مارك...
عشان يجي بعد 7000 سنه فرعون مصري اسمه صالح هو اللي يكون معاها الشفره دي وهو الوحيد اللي يقدر يفكها.....

جون...
وتعتقد ان صالح ممكن يوافق على حاجه زي كده... من معلوماتي عنه انه راجل بيحب شغله وصارم جدا...

مارك....
لكل انسان مننا في الدنيا له نقطه الضعف وقدام النقطه دي بتتكسر اي حواجز وتنتهي اي مبادئ.... لعنه الفراعنه المره دي هتكون بايدي انا..... ومش هسمح لاي حد ايا كان صورته ولا نفوذه يوصل للمقبره دي بالذات...

كريستين...
المقبره فيها تماثيل وتحف واثار بمليارات الدولارات...

مارك...
عشان كده اسمها حلم الجنوب واللي المصريين بقى لهم اكتر من 50 سنه مش عارفين يوصلوا ليها بس احنا وصلنا مش باقي غير اللي يفك الشفره بس..

جون...
بس البرديه التانيه لقيناها مكتوبه باللغه الفرعونيه الجديده او الحديثه مكتوب فيها الويل كل كل الويل لمن يعبث بمقبره الملوك. هنا مملكتي وهنا وهنا مقامي انا حابي انا النيل.... انا راع......انا امون..

كريستين...
قوه المقبره وقوه البرديه بتكمل انه جامعه فيها كل الالهه القديمه وده عندهم معناه انها محميه وفي صوره صعب ان حد يخترقها.....

مارك....
الصوره الوحيده اللي كانت على البرقيه هي الشمس وده معناه سر خطېر جدا ان المقبره دي فعلا بتاعه الاسكندر الاكبر لانه الوحيد اللي المصريين بيعتقدوا انه هو اللي وصل لمطلع الشمس..

جون...
وانا كمان قريت تفسير لشيخ مسلم ان الاسكندر الاكبر يعتبر هو نفسه ذو القرنين... وكل الروايات دي بيتاكد ان المقبره هي نفسها اللي بندور عليها...

مارك....
حلم الجنوب... هيبقي حلم الغرب وحلم أوروبا كلها.....

جون....
اتفضل يا كريستينا عشان تجهزي وحاولي ترتاحي الكام يوم دول عشان معاكي سفر...

كرستينا بموأمه.. اومرك سيد جون وبعدها بتمشي كرستينا ...... بعد ما بتمشي

مارك...
اسمع مارك اول حاجه هنعملها بعد ما نتفق مع صالح تخلص من كريستين لانها عرفت اكتر من اللي ممكن تعرفه..

جون...
اعتبره حصل وده اللي كان هيحصل ....

مارك...
انا عامل خطه مع كريستين وهتدخل على صفحه صالح وتتواصل معاه على اساس انها بتحب الاثار المصريه وهتعرفوا انها هتنزل مصر مخصوص عشان تزور الأقصر واسوان..

جون...
وطبعاً بعدها كريستين متتوصاش...هتقع في غرامه وتمثل عليه الحب وهتكون دي البدايه..

مارك...
انا حاطط خطة بديلة بحيث لو صالح رفض أنه يستجاب لمطالبنا...والخطة دي نتايجها مضمونة...

جون..
تقريبا انا فهمت الخطه دي انت عايز صالح يكون في علاقه مشبوهه مع كريستين عشان يفضل معانا

مارك...
طبعا لو رفض العلاقة دي هتوصل للجامعه ومعنى كده انه هيتفصل وفي الاخر برده هيرجع لنا

تاني يوم......... 
بتصحا ارشي من نومها وبتجهز عشان تروح الجامعه فبتلاقي رساله من رقم غريب

_صباح الخير يا جمر جهزي نفسك يلاه وفوقي وافتكري تجيبي شكولاته علي الصبح عشان تعدل مزاجك انا عارف انك بتبدأي يومك بيها

_ارشي استغربت كلامه وانه ازاي يعرف عنها كل ده فتنهدت وقفلت فونها وصلت فرضها وراحت علي الجامعه...... وفي الطريق كانت شارده وبتفكر

دهيبه
بتفكري في اي كده ومش سامعه اللي بقوله بقالي ساعه

ارشي بتوتر 
المره اللي فاتت مقدرتش انطق بكلمه والدكتور صالح اداني فرصه امتحن تاني وانا خاېفه اوي ومش عارفه اتصرف ازاي

دهيبه
انا مش فهماكي من امته وانتي كده

ارشي بتنهيده
انا نفسي مبقتش فاهمه حالي المهم ربنا يستر ويعديها علي خير

دهيبه 
ان شآء الله هتعدي وكمان دكتور صالح بحس ان ليكي غلاوه عنده شويه

ارشي بصت لدهيبه باستغراب وافتكرت كلامه امبارح هو فعلا قلها انها غاليه عنده ففتحت عيونها پصدمه لانها كانت زعلانه ومديقه ومنتبهتش غير دلوقتي

دهيبه 
مالك عملتي كدا ليه

ارشي بتوتر 
هو انا لازم اروح امتحن

دهيبه 
انتي هبله اكيد لازم تروحي

اتنهدت ارشي وفضلت تفكر في كلامه امبارح وشبه ابتسامه ظهرت علي ملامحها

في الجامعه الخاصه بشروق 
كانت ماشيه هي وصحبتها فسمعت صوت هي عرفاه كويس بس المره دي بينادي علي صحبتها

_نسمه

بصو وراهم الاتنين وشروق استغربت انه يعرف صحبتها

_نسمه..... 
خير يا ايان في حاجه

أيان
اه يا حببتي ماما بتقول انك نسيتي كشكول المحاضره بتاعك وقلتلي اجيبه بالمره وانا جاي

نسمه 
حبيبي يا يويو انا فعلا نسيته

ايان بغيظ
للمره الالف متقوليش الاسم ده تاني

شروق ڠصب عنها ضحكت بخفه فبصلها ايان بغيظ لكن ملامحه اتغيرت بسرعه لما لقاها شروق..

ايان باستغراب... انتي

شروق
احم اهلا

نسمه باستغراب 
انتو تعرفو بعض

ايان 
اه مجرد صدفه امبارح

نسمه بابتسامه 
بجد علي العموم دي شروق صحبتي اللي حكتلك عنها ودا يستي ايان اخويا قولتلك عنه قبل كده

شروق بهدوء 
اه اهلا بيك هنستأذن احنا بقا عشان في محاضره دلوقتي

ايان بابتسامه 
اه طبعا اتفضلو

مشيت شروق هي ونسمه وايان فضل مكانه سرحان فيها وفي جمالها وبعدها فاق علي نفسه ومشي

عند ارشي كانو وصلو وطلعت ارشي مكتب صالح وكانت متوتره ومش عارفه تتصرف ازاي فخبطت خطبتين وكان الباب مفتوح واول ما دخلت اټصدمت من اللي شافته