العاصفة الجزء الاول الحلقه ال12

ده وسمحت لممدوح يلعب بدماغها ويخليها تتجنن كده !
فضلت تدعي إنه يطلع بالسلامة ويعدي الأزمة دي عليها وعليه ...
ناهد بټعيط وبصت لحسن طيب عرفني هو ماله ! كان تعبان اشتكى من حاجة ! حسن كلمني
حسن بتوتر يا ناهد أنا مش عارف ماله أنا سمعت دربكة وصويت جيت لقيته في الأرض معرفش ماله
مؤمن بحزن قال إنه مصدع وأخد قرصين مسكن وسيبته علشان يرتاح وبعتله سعد بالقهوة وبعدها برضه سمعت علياء السكرتيرة بتصرخ ..
خالد قرب منهم إن شاء الله هيكون كويس يا جماعة وهنطمن عليه كلنا
خالد قعد جنب بنته اللي بټعيط بحړقة أوي وحاول يهديها شوية
الدكتور خرج وكلهم وقفوا متوترين وحسن جري عليه ابني ماله ! حالته ايه ! وايه اللي حصله ده وليه !
ناهد زعقتله حسن اديله فرصة يتكلم
الدكتور بصلهم احنا عملنا كل اللي نقدر عليه وإن شاء الله يكون كويس ماقدمناش حاليا غير الدعاء
كلهم شهقوا وناهد بحيرة هو ماله ! كليته الجديدة تعبانة !
الدكتور باستغراب كليته ! لا لا كليته مالهاش علاقة أبدا .. ده نتيجة جرعة المخډرات الزيادة اللي أخدها ..
حالة الذهول اللي سيطرت على الكل وضحت للدكتور إن الموضوع مفاجيء للكل فحاول يوضح الصدمة اللي حصلتله نتيجة جرعة عالية جدا من المخډرات .. ده اللي وقف قلبه وخلاه يتشنج بالشكل ده !
مؤمن اتدخل دكتور هو مش بيتعاطى هو بس أخد مسكن .. قرصين وقال إن الدكتور سمحله ياخد اتنين مع بعض
الدكتور المسكن نفسه كتير بيتحول لإدمان وبعدين قرصين من أي مسكن مهما كان عمرهم ما يعملوا كده .. هو واخد جرعة كبيرة من المورفين والكوكاين والهيروين .. دمه فيه تقريبا كل أنواع المخډرات .. وده اللي قلبه ما استحملوش ..
حسن باصص للدكتور مش مصدق أنا ابني لا يمكن يتعاطي .. أنت أكيد غلطان ! كريم مش بيتعاطي .. ده مش بيشرب تقولي مخډرات ! أنت مچنون أكيد ..
الدكتور بإصرار أنا عارف إن الموضوع صعب استيعابه بس للأسف دي الحقيقة .. جسمه ما تحملش الجرعة اللي أخدها .. أنا في مكتبي لو عندكم أى استفسارات .. بعد اذنكم.
مؤمن بصلهم بعدم تصديق أنا هروح أجيب المسكن من المكتب وأخلي الدكتور يشوفه وهو هيعرف إنه غلطان أنا قلت لكريم ما ياخدش قرصين وبرضه أصر ..
ناهد بعياط مؤمن ! كريم مش أول مرة ياخد قرصين من المسكن بتاعه ..
مؤمن بعدم تصديق ماهو أنا لا يمكن أصدق إنه أخد مخډرات أصلا .. يبقي المسكن باظ ولا فيه حاجة برضه هجيبه وأخليهم يحللوه ..
مؤمن سابهم وراح للشركة يجيب المسكن اللي كريم أخد منه
ناهد بصت لجوزها اللي عنده حالة ذهول وقربت منه حسن ابنك لا يمكن يعملها أنت عارف ده صح !
حسن بصلها بذهول ابنك كان ھيموت في جرعة زيادة ! ازاي ماعرفتش ! ازاي ما أخدتش بالي ! قرارته المتهورة ! مواجهته للمۏت ! العيال اللي وقف في وشهم وهو بطوله ! قرارته كلها من ساعتها متهورة . كل دي كانت مؤشرات إنه مش طبيعي وأنا تجاهلتها ..
ناهد زعقت أنت بتقول ايه ! كريم مش كده أبدا
حسن زعق فيها ابنك بيتعاطى يا ناهد وكل ما تتقبلي الحقيقة دي بسرعة كل ما هنعرف نتعامل مع المصېبة اللي احنا فيها .. كريم بيتعاطي
 
يتبع....... OD.......
واستند إليها كأنها قوتي واعيش بها كأنها روحي...! Dجميله Dوتملك وجها يشبه صلوات الخاشعين D