زواج مع إيقاف التنفيذ
ست حسنا وبعدين ايه معني متسهوكه دي
_ياعني مايصه وبتتدلع علي حضرتك
_حسنا لو مسكتيش هوريكي شغلك عشان جبت اخري منك ومن جدي ومن الدنيا كلها
_طبعا كلنا وحشين وست الحسن والجمال بتاعتك حلوه
_يووووه انا قايم من وشك
شاكرجه يقوم طبعا نضارته ضاعت في الزحمه ومعرفوش يلاقوها خبط في التربيزه اللي في اوضتهم
حسنا فضلت تضحك علي شاكر اللي بيمشي يتحسس في الاوضه لانه حرفيا نظره ضعيف وشغال يخبط في كل حاجه بسبب عصبيته
_اقومي شوفيلي النضاره التانيه هتلاقيها في الشنطه
_الله انت معاك وحده تانيه
_اه بس كنت ناسيها اقومي شوفيلي هي فين
_اااي... كده ياشاكر
_الله.. مخدتش بالي هو انتي شيفاني بشوف وبعدين واحده بواحده ياست هانم ولا نسيتي عملتك
_والله شوف نفسك انت بقي
وهنا حسنا رمت النظاره لشاكر واللي بقي يتحسس السرير لغايه ملاقها ولبسها
_ياااااه النضاره دي نعمه ونعمه النظر دي نعمه... خلي بالك من نظرك ياحسنا النظر مهم
_ليه ياماما البسي نضاره عشان تشوفي كويس
_اوووووف يامرارتي
وفجاءه موبيل شاكر رن واللي بص عليه لاقاه جدوشاكر
_استر يارب العجوز المتصابي بيرن
_مين دا اللي بتقول عليه
_جدك ياستي تلاقيه هبت معاه في فكره قال يطبقها علينا
_ليه ياختي .براد بيت.. ولا اي
_جدي احسن منه... وطلعت حسنا لسانها لشاكر كوبه
وهنا رد شاكر علي جده
_صحيتكم يا كتاكيت
_لا ياجدي صاحيين.. خير ياجدي
_اي خير دي ولد... المفروض تقولي تؤمر يااجدي
شاكر وهو بينفخ وماسك نفسه
_جهزوا نفسكم ولاد عمتكم علي وصووول اجهزوا وانزلوا
_اي يااوقعه سوده انا متحكملكم لما اتحمل ولاد عمتي دوول
وهنا شاكرخلص المكالمه
_ياربي ياعني انا عاوز انزل القاهره عشان اجهز حاجتي واغور من خلقكم .. الاقيكم مكملين عليا
حسنا بضحك وفرحانه في شاكر
_اهدي ياشاكر دول ولاد عمتك برضوا ولازم تحبهم
_الله.. جايين يباركولنا
_علي اي يباركولي علي الابكاس اللي بخدها كل شويه
_اهدي ياشكوره وخليك كوووول
_تصدقي انتي جبله
وفعلا شاكر جهز هو وحسنا ونزلوا تحت واللي لاقوا جدهم بيستقبل عمتهم واولادها وحسنا اول ماشافت عمتها
_حمدالله على السلامة ياعمتو نورتي الساحل
_بنور العروسه القمر حبيبه عمتو وقلبها
شاكر مكنش علي علاقه كويسه بعمتو بس حاول انه يكون لطيف معاها وبضحكه صفرا
_حمد لله على السلامه ياعمتي نورتي
_بنورك ياابن اخويا والف مبروك علي الجواز
_الله يبارك فيكي عقبال سليم
وهنا سليم
_چاميييه مش هتجوز انا خالص
كفايه انت يااشكوره
وهنا شاكر اللي مكنش بيقبل ابن عمته نهايء عشان شايفه مدلع وتافهه ومعندوش اي فكر مخه فاضي من الاخر
_اسمي شاكر ومحبش حد يقولي شكوره
_ليه ياشكوره.... باردون يااشاكر... انا بحب الكل يقولي ياااسولي
_والله انت حر في اسمك
وهنا حسنا ادخلت
_ نانو القمر ساكته ليه
_بسمعكم... مبروك يااعروسه الجواز.. وبعدين ملقتيش الا.. شاكر
وهنا شاكر اتعصب
_وماله شاكر يااا ياست ناديه
_لا.... اسمي نانو اوعي تقولي ناديه.. اسمي نانو فاهم .. ناديه اسم مامي انا نانو
شاكر بص لعمته
_جري ايه يااعمتي عيالك متبريه من اساميهم ليه
_اصحابهم بقي ياشاكر وانت عارف انهم متربين بره مصر
الجد كان سامع الحوار
_والله ياناديه يابنتي بتلخبط في اسامي عيالك سولي ونانو تحسي بندهه علي رقصات في خماره
_بابا انت هتمسكني تريقه انا وعيالي ولا اي
_ياحببتي بهزر معاكي نورتي حبيبتي الساحل
وهنا سولي بص لحسنا
_سونه انتي احلوتي اوي هما كل اللي بيتجوزا يحلوا كده
حسنا.. كانت مبسوطه عشان لاقت حد ياخد باله منها لكن شاكر بقي يبص
حوليه وبيتلفت حوليه وبص لسولي
_مين سونه دي
_سونا دي حسنا انتي مش عارف دلعها ولا اي مش المفروض جوزها
_والله يابني خدوني من الدار لڼار
وهنا حسنا بعصبيه
_ياعني ايه ياشاكر انا ڼار
_شاكر لا والله ڼار شعلل في قلبي لما قالولي هتجوزك مقدرتش استحمل
سولي قطع كلام شاكر
_ ايه دا ياشاكر انت كده بتتغزل في عروستك اوووو نووووو
الجد قطع كلامهم واللي كان باين ليه انهم مش بيطيقوا بعض
هنا الجد يلا ولاد اطلعوا ارتاحوا في اوضكم عشان شوي وهنتغدي وننزل البحر شاكر هنا
_تاني ياجدو بحر تاني
_وتالت ياحبيبي انتم عرايس ادلعوا واتمتعوا بشبابكم
حسنا... احنا ننزل دلوقتي وبعدين نطلع نرتاح ونتغدي
الكل وافق وفعلا نزلوا البحر وسولي كان البنات كلها بتعكسه
