من الجاني ؟

مساء الخير على كل متابعينى أخواتى وصحابى 
النهارده معانا حلقة جديدة من سلسلة من الجانى؟ 
وهى سلسلة قضايا من سجلات المحكمة.. حلقة قوية جداً وأتمنى الكل يتابع معانا ويقول ويتوقع من الجانى؟ 
كالعادة كنت قاعد على مكتبى بشرب فنجان القهوة المظبوط بتاعى.. الباب خبط ودخل منه الرائد أسامة وهو باين على وشه القلق وقلى 

_ حمزة باشا فى بلاغ عن شقة في عمارة فى منطقة المعادى 
_ مين اللي بلغ؟ 
_ واحد من الجيران هو المتصل اللي بلغ عن الشقة
_ البلاغ عبارة عن اي؟ 
_ صړاخ وزعاق واصوات تكسير جاية من الشقة  
_ طيب جهز القوة عشان نتحرك 
أتحركنا على مكان الحاډث.. والمكان كان عمارة شيك وراقية جداً وكانت قريبة جداً من مكان المديرية 
طلعنا على الشقة اللى كان باباها موارب ولما دخلنا لقينا واحد بيحاول يخرج السکينة من جسم المجنى عليه، يمكن دى أكتر حركة غبية شوفتها من حد ده لو افترضنا أن ده مش القاټل فهو كده لبس نفسه 
أول ما شافنا جسمه اتنفض وقال 
_ الاستاذ عبدالعال أتقتل.. الاستاذ عبدالعال أتقتل 
أتمسك وبكل سهولة أتحطت في أيده الكلبشات وهو بيقول مش أنا القاټل مش أنا والله 
كان شكله عيل غلبان جداً، في وسط الهيصة ولمة الناس وصل الطب الشرعى والمعمل الجنائى 
وبدأت عملية رفع البصمات وجمع الادلة 
رجعت مكتبى والفريق بتاعى جهز تحريات عن المجنى عليه كالعادة عشان نعرف مين القاټل؟

فتحت الملف وقريت 
عبدالعال صبحى 30 سنة، رجل اعمال ووالده صبحى سليمان رجل اعمال معروف جداً 

متزوج من فترة قريبة من بنت اسمها سالى.. ليه عداوة مع اتنين 
هشام عبد العزيز وده بسبب سالى عشان كان جوزها في يوم من الايام وبيقول ان عبدالعال هو السبب في الطلاق 
والتانى هو شريف المصري وده بقا مشكلته كبيرة شويه 
شريف صعيدى وعبد العال قتل اخو شريف بالعربية قتل خطئ وشريف اخد الموضوع تار وهدد عبد العال 
ده بجانب 
ان سالى كانت متخانقة مع عبد العال وسبتله البيت اليوم ده والسبب مجهول وده بشهادة الجيران 
طيب وبالنسبة للشخص المجهول اللي وجد في مكان الحاډث.. ده كريم السيد عامل نظافة ولما تم استجوابه قال 
ان عبدالعال كان متعود يديله فلوس ويساعده بيها 
المشكلة مش في كده.. المشكلة في تقرير الطب الشرعى والمعمل الجنائى
الطب الشرعى اثبت وجود 25 طعڼة في جسد المجنى عليه اي انه قتل بكل ۏحشيه والغرض الاڼتقام 
والمعمل الجنائى اثبت وجود الهاتف المحمول الخاص بالمجنى عليه يحمل رسالة ټهديد پالقتل قبل الحاډث بيومين
الرساله كانت من هشام بيوعده انه هيقتله قريب 
والمفاجاة فى وجود شات من مجهول وفي صورة لسالى مع هشام 
تم استدعاء جميع الاسماء المطروحة عشان تكون فى مفاجأة فى انتظارنا 
سالى لقيناها مقتولة فى شقتها ومدبوحة.. وطبعا كل الشكوك راحت في هشام هو الوحيد اللي ليه مصلحة فى قتل الاتنين 
وبعد التحقيقات.. اثبت هشام انه كان موجود في كافيه مشهور وقت وقوع الچريمة وشهادة الشهود اثبتت ده.. وده مثبوت كمان بكاميرات المراقبة

شريف المصري قال انه كان فعلاً ناوى ېقتل عبدالعال لكن هو مرحش هناك في اليوم ده وقال انه يوم ما هيقتله مش هيكون بسلاح ابيض

بس طبعاً اتحفظنا عليه عشان معرفش يثبت كلامه

لكن واحنا بنراجع كاميرات المراقبة بتاعت الشارع لقينا حاجه غريبة 
لقينا كريم السيد عامل النظافة بيحاول يكلم عبدالعال.. بس واضح انه كان بيزعقله ومش كده وبس ده زقه في صدره 
وده بينفى كلام كريم ان عبدالعال كان بيساعده.. تفتكروا من الجانى؟