مريض نفسي الجزء الاول

مريض نفسي....

الشخصيات...
ادهم البحيري... ابن رجل اعمال مشهور لكن هو مدمن وعايش حياته بالطول والعرض.. سهرات وخروجات عايش بفلوس ابوه...

هبة الرشيدي.... معيدة في الجامعة تخصص علم نفس وبتحضر ماجستير في علم النفس...

البدايه....

هبة...
مش تفتح يا عمى كده كنت هتخبطني...

ادهم...

هبة..
هتكون ابن مين انت يعني وبعدين كل واحد نكلمه في البلد دي يقول أنا أبن مين...

ادهم...
احسن حاجة أنك ما تعرفيش انا ابني مين وطالما ماحصلكيش اي حاجه يبقى ما لكيش عندي حاجه وامشي بقى من وشي ما تضيعيش الدماغ اللي عاملها...

هبة...
هو انت منهم من اللي بيسوقوا وهما بيتعاطوا ممنوعات طيب ايه رايك انا مش همشي من هنا غير لما اعمل لك محضر...

ادهم...
وهتقول ايه بقى في المحضر كان هيخبطني بس ربنا ستر ، وعامة اعلي ما في خيلك اركبيه......

هبة....
بقي كدة طيب هتشوف انا هعمل اي.... مشي ادهم وسابها ما عملش اي بال ولا حساب للكلام بتاعها...

في الكافي...

هشام...
في ايه يا عم مش معوض تتاخر يعني ايه اللي حصل لك

ادهم...
كنت هخبط واحده في العربيه بس ربك ستر وفضلنا نتخانق مع بعض يجي نص ساعه وفي الاخر راحت تعملي محضر..

هشام...
تعمل لك انت محضر هي ما تعرفش انت مين ولا ابن مين.. تبقى تبله وتشرب مېته...

ادهم...
بس بيني وبينك البنت جميله جدا وسقتها بنفسها عجبتني ..

هشام...
كل البنات واحد يا صاحبي وسكتهم واحده دواها بس كام باكو بتقول لك يا سيدي شبيك لبيك عبدك بين ايديك...

ادهم...
انا كنت فاكر زيك كده برده بس البنت دي لا ....دي ملهاش سكة...

هشام...
مافيش بنت يا صاحبي ملهاش سكة... أنت بس شغل دماغك هتلاقي نفسك بټضرب معاها ورقتين عرفي..

ادهم ...
انا مش هرتاح غير لما اكسر البنت دي ...

هشام..
سيب الموضوع ده عليا أنا... ويا ريت نفض عصيره بقى مش عايزين يبقى الكلام على البنت دي وخلاص احنا هنضيع السهره ولا ايه....

بعد مرور يومين في فيلا البحيري...

البحيري... ادهم 
بقى انا على اخر الزمن حته بنت تروح تعمل في ابني محضر .... كله من تحت راسك انت انسان ارعن ، عمرك ما حسيت بالمسؤوليه ولا كنت قدها..

الأم...
وانت هتفضل تقطع في الوقت مش المحامي قال لك ما فيش اي حاجه وهيطلع منها زي الشعر من العجين

البحيري...
انتي ناسية إننا داخلين على انتخابات مجلس الشعب ، والمنافس بتاعي ممكن يستغل حاجه زي كده في صالحه وطبعا ما يصدق يلاقي حاجة زي كدة عشان كل شوية يجيب في سيرتنا..

الأم....
وانت يعني كنت محتاج مجلس الشعب في ايه

البحيري...
مجلس الشعب يعني حصانه يعني اقدر اشتغل زي ما انا عايز وما فيش حد يقول لي انت بتعمل ايه لكن حضراتكم مش فاهمين اي حاجه وبتضيعوا كل اللي انا بخطط ليه..

ادهم...
يا بابا انت راجل مليونير يعني مش محتاج الحصانه ولا محتاج تعمل فلوس ثاني

الأب...
اخرس انت كله من تحت راسك، واعمل حسابك ان كلها كم يوم وهتطلع تسافر بره ومش هترجع غير بعد ما تخلص الانتخابات..

ادهم...
انا مش هخرج ولا هروح اي مكان ولو علي الانتخابات بتاعتك انا مش هحضرها وهفضل قاعد عند هشام صاحبي لغاية ما تخلص الانتخابات .... المحضر اللي اتعمل انا هصلح كل حاجه دلوقتي...

في اليوم التاني ادهم بيوصل لعنوان هبه الرشيدي يخبط على بابهم وبتفتح هبه

هبة ...
انت تاني انت محرمتش ولا أي...

ادهم...
مش المفروض طالما في ضيف جاي نقول له نتفضل ولا هنقف نتكلم على الباب..

هبة..
ومش المفروض قبل ما يجي الضيف ده يتصل ويقول انا جاي..

ادهم...
في دي عندك حق يبقى كده خالصين واحده قصاد واحده ممكن ادخل نتكلم ولا هقف علي الباب..

الأب...
مين يا فاطمه اللي على الباب..

ادهم...
انا يا حاج ادهم البحيري...

الأب....
اهلا وسهلا اتفضل يا ابني تعالى من جوه مش هينفع تفضل واقف كده على الباب..

ادهم...
مش بايدي يا حاج والله انا لو عليا كنت عايز ادخل من كده ان انا خبطت على وكيل نيابه وفاتح معايا تحقيق...

الأب بضحكة..
معلش حقك عليا انا اتفضل يا ابني تعالى.... بيدخل وبيقعد ادهم مع والد وهبة وبيقدموله القهوة...

ادهم...
انا مش هاخد من وقته كثير بس جايبه وكل عشم ان بنت حضرتك تتنازل عن المحضر.... انت عارف ان والدي داخل في انتخابات مجلس الشعب وحاجه زي كده ممكن تضر وخصوصا كمان اننا ملمستش بنت حضرتك...

هبة الرشيدي....
انت خاېف على سمعه والدك ولا خاېف عشان ممكن يتعمل لك تحليل ويطلع ايجابي

ادهم...
على فكره انا مش بخاف من اي حاجه وده عمل لي بدل التحليل 10 قبل كده بس في الظروف دي مش هينفع عشان خاطر والدي..

الأب...
طيب يا ابني ايه المطلوب مننا واحنا لو نقدر نعمله مش هنتاخر..

ادهم...
انا ممكن ادفع اي تعويض يرضي بنت حضرتك في سبيل انها تتنازل عن المحضره...

الأب...
احنا يا ابني مش بتوع الكلام ده احنا فعلا ناس على قد حالنا لكن عمرنا ما نطلب حاجه مش بتاعتنا وعشان خاطر كلامك ده من بكره هبه هتروح تتنازل عن المحضر...

هبة الرشيدي...
تتنازل ايه اللي انت بتقوله ده يا بابا خبط حد هنكون إحنا السبب عشان ادناله فرصة تانية...

ادهم البحيري...
الفرصه الثانيه اوقات بتكون بمثابه فرصه عشان الانسان يتغير من عالم مش يمكن اتغير وابطل شرب اي حاجه من الممنوعات..

هبة الرشيدي...
والله لو ده هيكون سبب انك تبطل ممنوعات انا ممكن اتلازم من بكره وكمان ممكن اساعدك على دكتورة لعلاج الإدمان والطب النفسي...

أدهم...
انا موافقه اتغير بس مش هيبقى مره واحده اكيد كل حاجه تدريجي...

هبة الرشيدي....
اكيد ما فيش حاجه بتيجي مره واحده اهم حاجه يكون عندك نيه انك تتغير...... في اليوم الثاني بتقرر هبه انها تتنازل عن المحضر واول ما نزلت من قدام العماره اللي ساكنه فيها شافت ادهم وهو مستنيها بالعربيه...

ادهم...
صباح الخير يا دكتوره هبه انا قلت اوفر عليك مشوار اوبر واجي اوصلك لغايه القسم.... وبعدها كمان اوصلك لغاية الجامعة...

هبة الرشيدي...
لا لا انا متشكر لك جدا انا هاخد تاكسي...

ادهم...
تاخدي تاكسي والعربيه بتاعتي موجوده ده حتى يبقى عيب في حقي اتفضلي تفضلي.... وفعلا بتركب معاه هيبقى العربيه وبتروح تعمل تنازل عن المحضر وهو بيقرر يوصلها لغايه الكليه..

هبة...
انت عايز تتغير فعلا ولا بتقول كده عشان اتنازل عن المحضر في كلا الحالتين انا اتنازلت على المحضر خلاص فلو انت عايز تتغير عشان المحضر يبقي مش هتتغير ، لكن لو أنت عايز تتغير عشان نفسك فانت تقدر تتغير وانا هساعدك ...

ادهم...
انا لغاية امبارح مكانش فارق معايا اي حاجه ، لكن دلوقتي انا فعلاً عايز اتغير ، وكمان اثبت لبابا ان جد المسؤوليه وممكن يعتمد عليها...

هبة الرشيدي...
لو انت بتفكر كده فعلا يبقى هتتغير..... اتفضل ده عنوان العياده بتاعتي انا هستناك بكره بعد العصر يعني على حوالي الساعه 4: 00 كده..

ادهم...
وانا هكون موجود وقبل معادي كمان....

بعد كم ساعه بيجي تليفون لادهم وصاحبه هشام..

هشام...
ايه يا عم ادهم فينك اتاخرت ليه انا مظبط القعده والسهره النهارده للصبح..

ادهم...
لا معلش يا هشام انا مش هعرف اجي النهارده...

هشام...
معقول يا ادهم انت اللي بتقول كده ده احنا بنتجمع على حسك...

ادهم...
ايوه يا هشام انا اللي بقول كده انا قررت اني اتغير... ومن بكره هبدا رحله العلاج..

هشام...
ده انت مش ناقص تغير انك تقول هنام بدري واشرب اللبن قبل ما انام...

ادهم...
انا فعلا ده اللي هعمله مش هسهر تاني ابدا انا عايز اثبت الكل ان قد المسؤوليه واولهم بابا..... انا هقرر اني هعتمد على نفسي وهبدا من الصفر..

هشام بتريقة...
طيب يا حبيبي ربنا معاك على العموم لو غيرت رايك انت عارف هتلاقيني فين......

في اليوم التاني وبالتحديد في عيادة الدكتورة هبة الرشيدي....

ادهم...
مساء الخير يا دكتوره انا جاي قبل معادي بساعه وفضلت مستني لغايه ما انت تيجي..

هبة...
بصراحه انا كنت شاكة انك هتيجي بس اللي عملته ده بداية مبشرة... المهم امسك الورقه دي واملا البيانات اللي فيها واكتب لي كل انواع الممنوعات اللي انت بتتعطاها..... بياخد منها ادهم الورقه وبيفضل يملاها بكل البيانات اللي فيها.... رهيبه بتبص على الورقه

هبة پصدمة...
ايه كل ده يا ادهم انت ما سبتش حاجه ما شربتهاش ، اعمل حسابك انت محتاج شغل جامد ولازم تتقبل مني اي ضغط ولازم الاول اهيئك نفسيا عشان تبطل الهباب اللي بتشربه ده..

ادهم..
هو انا معاك يا دكتوره هبه في اي حاجه..

هبة الرشيدي..
انت هتجيلي في العياده ثلاث مرات السبت واثنين وخميس.... وكل شهر هعمل لك تحليل ممنوعات عشان اتاكد انك فعلا ناوي تتغير.... وبدات رحله العلاج وبعد حوالي شهر في منزل البحيري...

البحيري.
انا مش مصدق نفسي بقى معقول ادهم بيصحى بدري وبيروح النادي وبيلعب رياضه فعلا احنا في زمن الغرائب...

الام ..
انا نفسي كمان مش مصدقه ابنك بقى انسان جديد

البحيري...
مش كده وبس ده كمان بيتعالج عند الدكتوره اللي كان هيخبطها بالعربيه..... سبحان الله قادر على المعجزات يغير ولا يتغير...

الام...
انا كمان هقف جنب ابني لغاية ما يرجع ادهم بتاع زمان... ادهم اللي كان كله حيويه ونشاط وما يعرفش اي حاجه عن الممنوعات دي بس ارجع واقول احنا برده كنا سبب كنا بنسافر كثير وبنسيبه لوحده...

البحيري...
فيه دبع فعلا معاكي حق احنا برده مش هسيبه وكمان هتصل علي الدكتورة اشكرها بنفسي ...

في عيادة الدكتورة هبة...

هبة بتبص علي التحاليل...
ده إحنا زي ما بيقولوا كدة نمسك الخشب نتيجه التحاليل مبشره جدا وفي تغيير انا واخده بالي منه..

ادهم البحيري...
الفضل بعد ربنا يرجع لك يا دكتوره هبه انت كنت سبب رئيسي في ده وان شاء الله هستمر في العلاج لغايه ما ابقى زيرو ممنوعات

هبة...
انا مش هنكر كمان ان اسرارك وعزيمتك كان سبب رئيسي أن نتيجة التحاليل تكون مبشرة ، احنا ممكن خلال ست شهور بس نوصل لزيرو ممنوعات...

ادهم...
ممكن بعد اذنك يا دكتوره تقبلي مني الهديه دي..

هبة ..
هديه لي انا بمناسبه ايه