حبيبي المجهول الحلقة الثانية
انت في الصفحة 1 من 6 صفحات
رواية حبيبي المجهول الحلقه الثانيه 2
الكاتبة الشيماء محمد
مشيوا ناحيه المترو وادهم حاسس ان كدبه بيكتر شويه شويه
والمترو عمره ما ركبه قبل كده
وصلو لحد المترو وادهم واقف مش عارف يتحرك ازاي او يروح فين
ليلي روح اقطع تذكره ولا معاك اشتراك
ادهم معايا ايه
سمر يا ابني انت جاي من انهي كوكب
ادهم ما ركبتش مترو قبل كده
ليلي احنا كلنا معانا اشتراك انت اقطع تذكره او تعال عدي معايا باشتراكي
ادهم مفهمش يعني ايه يعدي معاها ويعدي ايه اصلا فاسلم حل انه يقطع تذكره
ادهم قطع تذكره واتحركو هيا ماشيه وهو معاها بيدردشوا عادي لحد ما جه المترو
ماجدة لا ده كده رايق يالا بينا
ادهم هتقعدوا ازاي
ليلي محدش بيقعد يالا تعال
دخلو المترو الزحمه ادهم مش بيحب نهائي الزحمه ولا ان حد يزقه او يلمسه اصلا
كل ما حد ېلمس ليلي يضايق وعمال يجيبها يمين وشمال لحد ما وقفت عند الباب وهو قدامها علشان محدش يلمسها او يخبطها
ولقي نفسه مش مضايق نهائي ..همس
ادهم تصدقي اول مره احب الزحمه ونوعا ما بدا يعجبني المترو
ليلي علي فكره ما ينفعش تستغل الظروف كده
ادهم انا معملتش اي حاجه انا بتحرك بالقصور الذاتي هتنزلو ايه الجيزه
ليلي لا بعدها
ادهم فيصل!
ادهم ام المصريين
ليلي ما انت عارف الخط كله اهو
ادهم هههههه لا هما مكتوبين علي الباب
ليلي امممم علي العموم احنا هننزل الساقيه
ادهم ايه الساقيه دي ده تبع ايه
ليلي مش عارفه انت ازاي سواق ومش عارف اي حاجه في الاماكن
ادهم هو السواق المفروض يبقي حافظ الجمهوريه كلها!!!
ادهم اتفضلي
مي انت خريج ايه
ادهم فكر يقولها الحقيقه ولا يكدب كدبه جديده وفي الاخر قرر كفايه كدب
ادهم خريج هندسه قسم كمبيوتر
ليلي هندسه!!!! وشغال سواق انت مچنون!
ادهم لا مش مچنون بس شغلي كمهندس مجبش همه فغيرت المجال
ادهم ليه عمرك مشفتي حد شغال في مجال غير مجاله وبعدين غيري الموضوع لو سمحتي
فضلوا يرغو لحد ما وصلو ونزلو وجه وقت الفراق سلموا عليه وماشين
ماجدة يالا لاحسن حد يشوفنا معاه ويقول لخالد مش ناقصيين
ادهم خالد مين
ليلي اخونا الكبير المهم سلام
ويدوب مشيت خطوين همس
ادهم اروح ازاي
ليلي ههههههههه هههههههه. بجد
ادهم اضحكي براحتك مقولتلك مركبتش مترو قبل كده انا سواق يعني بسوق فوق الارض مش تحت
ليلي اطلع فوق وغير الاتجاه وانزل الناحيه التانيه واركب المترو الراجع
ادهم وانزل فين
ليلي هههههههه انت رايح فين بالظبط
ادهم ارجع مكان ما ركبنا
ليلي تنزل محمد نجيب ولو حبيت تكمل للحدايق هتغير في مبارك
ادهم اغير ايه واروح الحدايق ليه
ليلي مش بيتكم في الحدايق يادي النيله
ادهم اه سوري بس انا بقولك راجع مكان ما ركبنا انزل محمد نجيب اغير ايه برضه لو هكمل
ليلي تغير المترو وتركب اتجاه المرج مش حلوان فاهم وتنزل الحدايق
ادهم تسلمي يا قمر
ماجده رجعتلها تاني
ماجدة انتي مش ناويه تجيبيها لبر انجزي
مشيوا وهو لف ورجع تاني ونوعا ما بدا يحس بالاثاره في حياته
طبعا ادهم ركب المترو ورجع ونزل محمد نجيب اتصل بسواقه عم حسين
ادهم عم حسين تعال خدني لاني معنديش ادني فكره انا فين
المفروض ان انا نزلت محطه محمد نجيب وطلعت بس مش عارف طلعت فين
عم حسين
