الحلقة 22 من المشوه الشيماء محمد
انت في الصفحة 1 من 8 صفحات
المشوه الجزء الثالث
الحلقة ٢٢
بقلم الشيماء محمد احمد
شيموووو
احمد بص لسهر وركز عنيه على عنيها وسألها سهر ايه رأيك نتكفل بيه !
سهر بصتله كتير مش مستوعبة هو قال ايه وهيا فعلا سمعت صح ولا اتهيألها !
أحمد قرب منها ومسك ايديها ايه رأيك ! الولد لسه مولود ومالوش اي حد في الكون ده غير ربنا .. ناخده انا وانتي ونربيه ويكون ابن لينا سهر انطقي
احمد بعد عن حضڼ سهر وبص لأخوه ادهم انا عايزو .. هناخده معانا البيت اول ما يخرج من الحضانة بإذن الله .. خلاص !
ادهم ابتسم لأخوه تمام !
احمد بص لابوه وقرب منه تسمحلي اخد الخطوة دي !
احمد فرح جدا بترحيب ابوه وبص لادهم بفرحة خلاص كده ! روح بلغ المستشفى اننا هناخده
ادهم ابتسم في اجراءات كتيرة لازم تتعمل الأول ..
احمد اجراءات زي ايه !
ادهم فكر طبعا نبلغ الاول انه يعتبر مجهول النسب ونبلغهم انك هتتكفل بيه وهتختار اسم ثلاثي له وحاجات تانية كده كتير قبل ما نقدر نخرج بيه
ادهم لو اتكتب باسم احمد يبقى كده اتبناه والتبني حرام يا سهر لانه بيكون اختلاط انساب .. اللي بيتم انه بنختار اسم ثلاثي له غير معروف وبيشيل لقب العيلة بتاعتنا .. هياخد لقب عيلتنا عيلة الشريف لكن اسمه الثلاثي لأ لازم يكون بعيد عننا تماما
أحمد بنفاذ صبر ادهم ينفع انت تخلص كل الاجراءات دي
دكتور الاطفال دخل الحضانة واخد جولته واطمن على كل الاطفال الموجودين في الحضانات وخرج قابله أحمد وشاورله على ابنه او اللي اعتبره ابنه
الدكتور حضرتك والده !
أحمد معرفش يرد ويقول اه ولا لأ فأدهم اتدخل تقدر تعتبره كده
أدهم واحنا عيلتنا هتتكفل بيه والصبح ان شاء الله هخلص كل الاجراءات المطلوبة وعلشان كده بقولك تقدر تعتبره والده ..
الدكتور ابتسم وبص لأحمد ده شيء يسعدني جدا .. للأسف الأطفال اللي زيه كده بيروحوا لملاجيء ونادرا ما حد بياخدهم وبتبقى حالتهم صعبة .. على العموم ابنك حالته كويسة وفي تحسن مستمر بس خليه معانا يعني حتى ٢٤ ساعة نطمن بس على كل الوظايف شغالة بطريقة طبيعية ولا لأ وكمان نشوف هيقبل التغذية الخارجية ولا هنعمل معاه ايه !
الدكتور اه كويس ما تقلقوش عليه .. المهم اختارتو اسم ولا لسه !
احمد بص لسهر وهز دماغه لا للاسف لسه !
الدكتور بص لأدهم حاولوا تختاروا اسم بدال ما ظابط الحالة المدنية بكرة يختار هو الاسم وساعتها تغيره بيكون صعب جدا ..
سهر هنختار ان شاء الله الليلادي
الدكتور تمام .. تقدروا تروحوا وترتاحوا والصبح تيجوا لو تحبوا
سهر بس احنا عايزين نفضل جنبه مش عايزين نسيبه لوحده !
الدكتور ابتسم اولا هو مش لوحده في كذا ممرضة اهي مش بيفارقوهم أبدا وثانيا هو مش هيخرج من الحضانة فقعدتكم هنا
