المشوة 25 الشيماء محمد
انت في الصفحة 1 من 10 صفحات
المشوه الجزء الثالث
الحلقة ٢٥ والأخيرة
بقلم الشيماء محمد احمد
شيموووووو
ادهم كان بيزعق مع هالة وهو في العيادة عندها المفروض اعمل ايه ! اعيش ازاي وسطهم ارجع ادخل البيت ده تاني ازاي وانا كلي يقين اني مش قادر انسي ولا أغفر..
ده اللي كنتي عايزة توصليله ! أديكي وصلتيله قوليلي دلوقتي اعمل ايه !
هالة بهدوء كل ده حقك .. وزي ما قولتلك كذا مرة دلوقتي مش مطلوب منك تسامح ..
ادهم بنرفزة امال انتي عايزة ايه
هالة تتقبل اللي حصل تعرف تتعايش معاه يبقى عندك اجابة لكل اسئلتك .. اما تسامح او لأ فده شيء يرجعلك .. خد وقتك وسيب الايام هيا اللي تقول كلمتها
هالة مع مين بالتحديد
ادهم ابويا وامي !
هالة قربت منه بالمعروف يا ادهم زي ما ربنا وصانا .. انت انسان مؤمن وعارف ربنا كويس فعاملهم زي ما ربنا قال وخلي اللي في قلبك جواك .. الوقت صدقني كفيل بالمسامحة .. عاملهم كويس و ببر وبإحسان
هالة عرفهم انك مش قادر تدخل المكان ده وخلي زياراتك محدودة وقولهم ان بيتك مفتوح لهم في اي وقت .. ادهم يا ابني اللي انت اتعرضتله في حياتك كتير وكتير قوي كمان ومش اي حد ممكن يتحمله .. وبالرغم من كل اللي قابلك الا ان عمرك ما استسلمت وعمرك ما تراجعت .. انت وقفت وبنيت حياتك وبقيت راجل الكل بيشاور عليه ويتمنى يكون زيه بغض النظر مشوه ولا لأ .. تعبت اه بس الحمد لله ربنا كافأك بزوجة وبيت واولاد وحياة مستقرة اما مشاكل حياتكم فدي ضريبة انك تحافظ على بيتك وسعادتك لازم تتعب .. والحمد لله اعتقد دلوقتي انكم وصلتوا لمرحلة قوية جدا صعب اي شيء يأثر فيها او يهزها وده اللي اتمسك بيه .. اتمسك ببيتك وحبك واولادك لان دول هما سعادتك .. والدك و والدتك اتعذبوا في حياتهم كتير وللاسف معرفوش يقوموا بدورهم ولا معاك ولا مع أخوك ومعدش بإيدينا نغير الماضي .. فنتقبله بحلوه وبمره .. يالا روح دلوقتي ل مراتك حبيبتك ولأولادك لان دول كنزك اللي المفروض تحطهم قصاد عنيك وتحافظ عليهم على قد ما تقدر ..
احمد اقعد معانا
ادهم بتعب لا معلش عايز انام بص لليلى يالا
ليلى باحراج طيب اطلع وانا شوية وجاية وراك
ادهم بنرفزة بقولك يالا
كلهم استغربوا نرفزته دي وليلى قامت وبصتلهم تصبحوا على خير طيب
سهر لجوزها اخوك ماله متنرفز كده
احمد وهو اللي بيحصل ده كله ما ينرفزش يا سهر .. معلش تلاقيه مخڼوق شوية وهيروق
ادهم مراته دخلت وقفل الباب بالمفتاح وراها وهيا وقفت ايه الاسلوب ده
مرة واحدة بصلها بحب
بعد شوية رقد على السرير وشه للسقف وساكت وليلى شدت الغطا عليها واتعدلت وسندت على صدره مالك بس !
ليلى بحب حسيت بده .. سلامتك من الخنقة ..
ادهم باعتذار اعذريني لو يعني لو ضايقتك او قربت منك بالطريقة دي
ليلى حطت ايدها على وشه بحب كنت حاسة پالنار اللي جواك يا حبيبي .. ابتسمت بعدين نوعا ما عجبني اني اكون انا مرساتك وحمل لهمومك .. انا مش بس مراتك يا ادهم انا كلي ليك
ادهم ابتسم وبصلها ربنا ما يحرمني منك ابدا
ليلى ولا منك يا حبيب عمري .. بحب حنيتك وحبك وبحب كمان شوقك واحتياجك ليا وأتمنى افضل ديما كدة
ادهم ابتسم ربنا ما يبعدنا عن بعض ابدا يا رب
سكت وهيا سكتت شوية وبعدها رفعت راسها بصتله تعال نمشي ونروح بيتنا بلاش نفضل هنا !
ادهم اخد نفس طويل اهي ليلة يا ليلى وتعدي زي ما تعدي ..
ليلى وسحب نفسه براحة من جنبها وقام لاوضه اللبس لبس مايوه وفوقه البرنس بتاعه وخارج
ليلى اتعدلت انت رايح فين بالبرنس كده !
ادهم صحيتك ولا انتي ما نمتيش
