قصة اغرب من الخيال
اغرب من الخيال
وأنا بنشر الغسيل الأسبوع إللي فات
التيشيرت بتاعي الجديد وقع في بلكونة الدور الرابع
نزلت ضړبت الجرس
ردت عليا واحدة من ورا الباب وقالتلي مفيش حاجة وقعت
قولتلها أنا شايفاه بعيني وقع في بلكونتك ادخلي بس دوري في البلكونة
مردتش عليا ولا رضيت تفتح الباب أصلا
طلعت شقتنا زعلانة عشان ملبستش التيشيرت ده غير مرة وكان ماركة وبحبه
وبعدها ب ٥ أيام كنت طالعة أنضف البلكونة الصبح بدري كانت الساعة ٦ تقريباً
لقيت واحدة واقفة في بلكونة الدور الرابع بتشرب شاي بلبن أو نسكافيه ولابسة التيشيرت بتاعي
ناديت عليها وقولتلها لو كنتي قولتيلي من الأول إنه وقع عندك وعايزاه كنت سيبتهولك
لكن دلوقتي هاخده يعني هاخده حتي لو هرميه في الژبالة
لقيتها رفعت راسها وبتضحك تغيظني
دخلت صحيت جوزي وقولتله ينزل معايا عند الست دي عشان أجيب التيشيرت بتاعي
قالي خلاص متزعليش هجيبلك واحد غيره
اتعصبت عليه ڠصب عني وقولتله لو منزلتش معايا مش هقعدلك ف البيت يا أحمد
قالي لا أنا إللي هسيبلك البيت خالص وأنزل الشغل وسابني ونزل
لبست الروب ونزلت ع السلم وخبطت ع الشقة بس محدش رد
لقيت باب الشقة التانية إللي في نفس الدور اتفتح وطلعت ست كبيرة وبتقولي أنتي واقفة كده ليه يا بنتي وبتزعقي ليه هو مفتاح الشقة بتاعك ضاع تاني زي ما ضاع من ٥ أيام وفضلتي واقفة قصاد الباب تزعقي ومش عارفة تدخلي؟
قولتلها لا دي مش شقتي أصلا يا طنط
قعدت تضحك عليا وقالتلي مش ناوية بقي توافقي ع العريس إللي جيبتهولك من أسبوع مش كفاية وحدة بقي وعزلة بعد ۏفاة أستاذ أحمد يا سارة
وسابتني ودخلت شقتها وأنا فضلت واقفة ع السلم لوحدي
وحدة وعزلة؟
ۏفاة أحمد جوزي؟
طلعت مفتاح شقتي من جيب الروب وحطيته في كالون شقة الست إللي أخدت التيشيرت
دي شقتي
جريت دخلت البلكونة لقيت مج النسكافيه ع السور عندي ومازال سخن
يعني أنا....
أنا....
أنا إللي كنت واقفة بشرب النسكافيه في البلكونة؟
يعني أنا إللي ساكنة في الدور الرابع!!!!!.
السيناريست والناقد الفني محمود مصطفى
