غفران العاصي الحلقة 19
انت في غلاوه عاصي ..
وجدك الله يرحمه كان صاحبي الوحيد وعشره عمري علشان كده مقدرتش اشوف شقي عمره بيضيع قدام عيني وانا عارف هو تعب فيه قد ايه واقف اتفرج ...
وبعدين انا لما احتاجت لك ما اترددتش لحظه وطلبت منك انك تساعدني ....
لانك الوحيد اللي هقدر آتمنه علي حفيدتي وانا مطمن وكمان علشان عاصي ما يعرفش يوصل لها ...
وانت اخر واحد ممكن عاصي يفكر اني ممكن الجأ له لان هو مفتح عينيه عليا كويس ومتاكد اني عارف مكان غفران !!!!
طحن آسر دروسه بغيظ عند ذكر اسم غريمه وهتف يساله بنبره خشنه اومال حضرتك سافرت ازاي
اجابه الجد بنبره مكره انا برضه منصور الچارحي ولف عاصي وعشره زيه علي صوابع ايديه...
هتف آدم بنبره مرحه وهو يصفق بيديه بقوه الله عليك يا جارحي يا كبير ده انت دماغك دي الماظات علي رأي حزلقوم!!!
ضحك آسر بصخب علي حديث آدم المرح بينما الجد هتف يمازحه بشقاوه اومال يا بني الشيبه دي مش من شويه مش زيكم انتوا عيال لسه عودها اخضر...
اوصلهم آسر الي بيته ثم تركهم ورحل عائدا مره اخري الي باريس حتي يترك لهم مساحه من الخصوصيه.....
بعد فتره كانت تجلس في غرفه المعيشه تتوسط جدها وآدم الذي لا يستطيع ان يكتم حزنه علي حالها داخله اكثر من ذلك وهتف يتحدث بنبره معاتبه شوفتي اخره عنادك وعدم سمعانك الكلام يا غافي وصلك لفين .....
نظرت له غفران بحزن وهتفت بنبره مچروحه دلوقتي انا بس اللي غلطانه كلكم جايين عليا ومغلطني !!!!
ثم تابعت تضيف پألم وصوتها يزداد ارتفاعا من شده ڠضبها وهو هو مغلطش لما رفض انه يصدقني وقام راميني تحت رجلين جدي كانه ما صدق يخلص مني
هتف ادم بنبره موجوعه وهو يقترب منها ويضم راسها داخل حضنه مين قالك كده بس ... احنا كلنا ھنموت عليكي وزعلانين علشانك واولنا عاصي اللي هيتجنن عليكي من بعد ما عرف الحقيقه...
ده بيدور عليكي زي المچنون... ده انتي لو شوفتيه مش هتعرفيه ....
آنخرطت في البكاء داخل صدره وقد آلمها قلبها علي حاله....
خرجت من حضڼ آدم ونظرت الي جدها تستمع الي حديثه العام...
هتف الجد بعاطفه جياشه انتي عارفه انتي غاليه عندي قد ايه انتي وعاصي...
انتوا الاتنين اللي فاضلين ليا في الدنيا بعد كل حبايبي ما راحوا ...
وعارفه كمان اني مرضاش بالظلم لا ليكي ولا له ....
واللي حصل ده انتوا الاتنن مسؤلين عنه ..
واذا كنت ساعدتك علشان تبعدي الفتره دي فده علشان انا كنت بحميكي من اللي عمل فيكي كده لاني معرفش هو مين ولا ممكن يعمل فيكي ايه...
مش كنت بحميكي من عاصي علشان عاصي مهما حصل عمره ما ھيأذيكي لانه بيحبك والرجل لما بيحب عمره ما بيأذي....
انتفضت واقفه پغضب بعد حديث جدها هاتفه باستنكار بيحبني!!!!
انت لسه
