صالح

الأب  
_واد يا صالح .. تعالى هنا يا ولا أنا برة في الكشك.
الأم
منتاش سامع ابوك يا ولا .. سيب اللي ف ايدك وقوم على حيلك شوفه عايزك في ايه .
صالح الأبن
سامعه ياما وعايز اقومله بس انتي شايفه .. انا بنضف البيت وخلاص قربت اخلص .
حاضر يابا جايلك عنيا .. دقيقة بس .. دي الساعة جت ٤ العصر .
يا ضنايا طيب خد نفسك .. هو انا هطير .

مينفعش ياما الدوا ميعاده جيه .. مسمعتيش الدكتور قال ايه .. لازم تاخدي الدوا في ميعاده والأهم متتحركيش ولا تتعبي نفسك .. أديني أهو بنضف وبحاول على قد ما اقدر أطبخ الاكل .. ولا طبيخ صالح مش عاجبك يا ام صالح .
تسلم يا ضنايا وتعيش .. روح ربنا يريح قلبك ويسترها معاك وعليك دنيا واخره .
بيتحرك صالح وبيبوس ايد أمه وبتبادله امه بطبطبه على كتفه بيخرج صالح لأبوه وبيقوله بلهفة 
سامحني يابا .. بس ااااا
_ عارف يا صالح .. عارف يا ابني كتر خيرك .. المهم قولتلها متتحركش من على السرير ولا لا .. ما انت عارف امك مش بتسمع الكلام وبتحب تعمل حاجة البيت بنفسها .
كله تمام يا حج متقلقش .. بس قولي ايه اللي انت مخبيه ورا ضهرك ده .
_ دي حاجة صغيرة يا ابني .. صدقني انا من صباحية ربنا بلف على رجلي علشان احاول اجيبلك لبس حلو تلبسه في العيد.
طب ليه يابا بس عملت كدا.. هو انا اشتكيتك .. ما انا زي الفل اهو ومية مية .. وبعدين لبس عيد ايه .. انا مش عايز حاجة في الدنيا غير رضاك عليا .
_ مينفعش .. لابس تبقى على سنجة عشرة هم عيال الحارة احسن منك .. بص على الطقم كدا وقولي .. ابوك ذوقه حلو ولا أي كلام.
الله .. ده حلو اوي .. تسلم وتعيش يا ابو صالح.. بس قبل اي حاجة انا عايز اسألك سؤال .. الصبح ملقتش ايراد الاسبوع اللي فات في مكانه .. اوعى يابا تكون اااا .
_ ايوة .. انا اللي خدتهم وجبت بيهم الطقم بتاعك .. يلا بقى يا واد روح شوف الزباين .
مكنش ليه لزوم والله يا حبيبي .. كدا .. بقى ايراد الاسبوع كله ترميه على الارض كدا .. انا عارف ان الشغل مريح اوي والفلوس دي كنت موفرها علشان اجيب العلاج بتاعك.
_ خد بس بإيدي دخلني البيت .
بيقوم صالح أبوه وبيتسند الاخير عليه وبيدخلوا جوة البيت الصغير.. والأب بيقول
_ صدقني يا ابني .. مش مهم العلاج.. ما انا لما بشوفك مبسوط .. تعب وهموم الدنيا بتروح وببقى فرحان .. مستكتر عليا تشوفني فرحان.
بيمسح