صالح

أنه بقى وحيد .. هيرجع .
سمعوا صوت طفل صغير بينادي من برة البيت وبيقول ..
يا عم قناوي .. يا عم قناوي الحق .
_ ايه يا واد في ايه.
صالح في المستشفى .
صدرت شهقة من والدة صالح وهي بتقول 
بفزع ابني .. ابني .
في المستشفى..
نايم صالح على سرير ابيض بيفتح عينه ببطء وبيلاقي والده ووالدته قدام منه وبيبكوا والخۏف باين على ملامحهم بصلهم وابتسم ابتسامة خفيفة وغمض عينه وراح في النوم.
بعد مرور ايام ..
في بيت صالح .
رايح فين يا صالح.
_هروح اشرب ياما .. عطشان اوي .
قولي وانا اجيبلك .. خليك مستريح يا حبيبي .. الچرح لسه ملمش.
_ انا كنت ھموت ياما .. حسيت ان روحي بتروح مني .. واتأكدت اكتر لما لقيتني مرمي في الشارع والدم بينزل مني ومافيش حد جنبي .. بس عارفه ياما .. هتصدقيني لو قولتلك اني شوفتك قدامي.. وجنب منك نور ابيض واخر حد شوفته هي ست عجوز بتقرب مني وبتحط ايديها على راسي .
بيقرب عليهم والد صالح وهو بيضحك وبيقول ..
_ ربنا بيحبك يا صالح .. علشان كدا اداك فرصة تانية .. الدكتور قالي انك روحت المستشفى في اخر لحظة .. واخر لحظة دي بتيجي لناس قليلين اوي يا ابني .. يارب تكون فاهم قصدي.
الحمدلله على كدا .. المهم يا صالح اوعي تسيبني وتمشي تاني .. مش هستحملها المرة دي .. انا عايزه ارتاح انا وابوك قبل ما ڼموت .
بعد الشړ عليكوا يا اما .. صدقيني مش هسيبكوا تاني .. انا اتأكدت اني مليش غيركوا .. حتى اللي كنت فاكرهم اصحابي محدش سأل عني .. انا كنت غلطان اوي في حقكوا .. بس الفقر وحش .. وحش اوي .
_ عمر الفقر مكان وحش .. انا دعوتي كل ليلة في الصلاة ان ربنا يجعلنا من الفقرا في الدنيا .. مش طمعانين فيها بحاجة .. احنا عايزين الجنة ونعيمها .. صدقني الحلال حلو حتى لو قليل .. ربك بيبارك فيه.
_ ونعم بالله يابا .. صحيح الشال ده مش بتاعك .
اه هو بتاعك يا قناوي .. جيبته ازاي يا صالح .. يلهوي ده كله ډم.
_ لما لقيت الست بتقرب مني لقيتها بتخلعه من على كتفها وبتكتم بيه چرحي وبعدها الدنيا اسودت في وشي.. واغمى عليا.
_ الله اكبر .. الله اكبر .. سبحانك يارب .. سبحانك يا عظيم.
هو في ايه يا قناوي ماتفهمنا .
_ انا شوفت الست دي وانا اللي ادتلها الشال بعد ما ادتلها اللي فيه النصيب .. وساعتها طلبت منها طلب .
طلب!! .. طلب ايه يا ده يا حج.
_ طلبت منها تدعيلك بالهداية يا صالح .. والحمدلله ربنا استجاب