مكتوبة على اسمي الحلقة ال16
انت في الصفحة 1 من 5 صفحات
الحلقة_16
مكتوبة_على_إسمي
بقلمي_ملك_إبراهيم
كان عامر في شقته ونايم علي سريره وبيفكر في آيات وفي رد فعلها لما شافت هديته..
اخد صورتها اللي محتفظ بيها معاه وبص علي الصورة واتكلم معاها خلاص يا آيات مبقاش ينفع نفضل بعاد عن بعض آكتر من كده.. لازم تعرفي ان انا جوزك اللي انتي مكتوبة على اسمه بقالك خمس سنين.
صباح اليوم التالي.
عامر قام من نومه بدري وهو مقرر انه لازم يقابل آيات النهاردة قبل ما تروح شغلها ويعرفها انها مراته.
لبس بسرعه ونزل ركب عربيته واتجه للعنوان اللي فيه الشقة اللي آيات عايشه فيها.
....
في نفس الوقت كانت آيات صاحيه بدري عشان شغلها وقعدت مع البنات بيفطروا مع بعض قبل ما هي تنزل تروح الشغل وهما ينزلوا يروحوا الجامعة.
عامر كان وصل بعربيته قدام العمارة ووقف بالعربية حوالي خمس دقايق وبعدها شاف آيات نازله من العمارة بتجري وبتكلم نفسها!!
عامر ضحك وهو شايفها بتجري وبتكلم نفسها زي الاطفال وملحقش حتي ينزل من العربية عشان يتكلم معاها واتحرك بالعربية وراها عشان يلحقها.
الطريق كان فيه رصيف عالي علي الجنب وآيات ماشيه على الرصيف وبتلوم نفسها على تأخيرها النهاردة وعامر ماشي وراها بالعربية ومش عارف يوقفها ازاي وبدأ يعملها صوت كلاكس بالعربيه بقوة عشان تنتبه له وتقف لكنها كانت ماشيه شارده ومش مهتمة بأي صوت.
وقف بالعربية على جنب الطريق ونزل عشان يوقفها وخطواتها كانت سريعة جدا وعامر جري وراها ووقفها فجأة.
آيات خاڤت أول لما لقت حد مسك أيديها ووقفها واتجمدت مكانها لما شافت عامر هو اللي قدامها.
عامر كان بيبصلها وبيبتسم وقالها معقول كل ده مش سامعة
عامر وهو بيضحك كلاكس العربيه دا انا عملت ازعاج لكل الناس اللي على الطريق وانتي ولا انتي هنا!
آيات بصت علي ايديه اللي ماسكه ايديها وسحبت ايديها من ايديه وقالت بتوتر هو.. هو حضرتك عايز ايه
عامر ابتسم وقالها حضرتي عايز يتكلم مع حضرتك في موضوع مهم جدا.
آيات پخوف وتوتر موضوع ايه
عامر بصلها اوي وقال موضوع جوازنا.
الدموع لمعت في عينيها وقالت يعني انت هو فعلا
عامر صعب عليه لما شاف لمعة الدموع في عينيها وقالها انا اسف يا آيات على كل اللي حصلك بسببي.. بس احنا لازم نتكلم ضروري.
آيات پصدمة نتكلم في إيه!! احنا مفيش بينا كلام.
عامر بصبر لا يا آيات إحنا
