الاسانسير
هاجر :
يا ريم أنا مش فاهمة منك حاجة .. ما أنتي لما بتتعصبي بتتكلمي بسرعة .. أديني ركبت الأسانسير ونازلة وهاركب عربيتي وأجيلك .. إركزي بقى وفهميني براحة .. وإهدي علشان أفهم .
ريم ( بعصبية ) :
أهدى إيه وزفت إيه .. بقولك ياسمين بنت عمي إتلبست وجبنالها شيخ وهو عندها جوة دلوقتي بقاله أكتر من ٣ ساعات .. وزاي ما أنتي سامعه إللي بيحصل .. ياسمين بتتكلم بصوت غير صوتها وبتصرخ كدا طول الوقت.. دي قبل ما الشيخ ييجي كانت بتختفي فجأة وبتظهر برضه فجأة .. مش عارفين إيه اللي بيحصل فيها.. كان لازم نجيب الشيخ يشوف مالها.
هاجر :
ريم .. أنا حذرتكم قبل مانعمل أي حاجة .. وحذرت ياسمين بالأخص وهي رفضت وقررت تخوض التجربة معانا .. ماتحسسنيش إني السبب ف إللي هي فيه .
ريم :
أنا عايزه أفهم إيه اللي حصل .. مش إنتي قولتي هانطفي النور وهانجيب شمع وبخور وهانقف جنب بعض قصاد المرايا وكل واحدة فينا ماسكة شمعة وقافلين علينا الأوضة لمدة ربع ساعة وهنتمتم بالكلام الغريب اللي انتي حفظتيهولنا وقولتي عليه طلاسم.. وقولتي كمان إللي إضاءة شمعتها تطفي ساعتها هانعرف إن معمولها عمل!! .
هاجر :
أيووة أنا قولت كده .. إيه المشكلة دلوقتي ؟.
ريم ( پغضب ):
المشكلة إن شمعتي و شمعتك بس إللي إتطفوا ! .. ياسمين مالها بقى بالحكاية دي.. وأنا مافيش حاجة حصلتلي والواضح أن أنتي كمان كويسة .. إشمعنى ياسمين .. وبعدين تعالي هنا .. أنا كنت سمعاكي وإنتي بتمتمي بكلام غريب غير اللي قولتيلنا عليه كإنك بتوشوشي حد .. هاجر .. لو في حاجة كدا ولا كدا قوليلي .. ماتخبيش عليا .. البت هاتروح فيها .
هاجر (بخبث):
أففففف إنتي مش مصدقة ليه يا بنتي.. الله .. ياسمين دي حبيبتي .. أكيد مش هعمل حاجة تضرها يا ريم .. دا أنتي غريبة أوي .
ريم :
هاجر ( بإستغراب ) :
إيه دا غريبة .. إتصدقي ماخدتش بالي وكلامي معاكي خدني ونسيت نفسي وواقفة كل دا ف الأسن.... ( شهقة )
ريم :
هاجر .. في إيه يا بنتي مالك ! .. يا هاجر حصل إيه ماتقلقنيش إنتي كمان ؟.
هاجر ( پخوف ) :
أ أ أنا ساكنة ف الدور التالت .. إللي .. إللي فاكراه ق ق قبل ما أدخل الأسانسير .. إني .. إني طلبت زيرو .. وال .. والأساسنير بي....
ريم :
إيه .. بتقولي إيه مش سامعاكي .. إيه ده إستني الشيخ خرج أهو .. إستني أسمع هايقول إيه .
الشيخ ( بإرهاق) :
أعوذ بالله من الشيطان الرجيم.. في حد بيكرهها جداً .. عاملها سحر .. سلط جني قوي يأذيها .. علشان كدا كانت بتختفي .. كان بينزلها تحت الأرض.. أنا عملت إللي عليا .. مش هقدر أعمل أكتر من كدا .. أنا صرفته مؤقتاً.. لكن جن بالقوة دي أكيد هايرجع تاني .. أنا قدرت أعرف منه مين إللي عملها العمل .. وقالي إنه بمجرد ما هايخرج من جسم ياسمين اللي عملها العمل هيتأذي أذى كبير .. ممكن يوصل للمۏت!.. الجزاء من جنس العمل يا بنتي.
هاجر ( پخوف شديد ) :
إلحقيني يا ريم .. الأسانسير ب ب بقاله ربع ساعة بينزل بيا!! .. أ أنا خاېفه أوي .. ألووو .. ألووو .. ردي عليا يا ريم .. ماتسيبينيش بالله عليكي.. ريم... الأ.. الأسانسير بينزل بيا ب ب ب بسرعة أوييي .. ح ح حاسة بحر.. م مش عارفة أخد.. مش عارفة أخد نفسي.. ايه ده.. ايه ده لاااااااا لااااااا.. إنتوا مين .. لااااااااااااا .
( صوت صړخة قوية ) .
تمت.
