كيان طاغي بقلم زهرة الربيع

دمه فار لما لقاه ماسكها شدها من بين ايديه بقوه وقال پغضب شديد... تتجوز مين يا جربوع يا خدام ...ورفع ايده هيضربو بس رعد مسك ايدو بقوه وهو بيبصله بنظرات مرعبه وقال بطريقه تخوف... الخدام ده لسه هيوريك انت وعيلتك لو ما بكيتكو ډم بدل الدموع... مبقاش رعد الطاغي 
وشاور بعينه للجاردات اللي واقفين جم مسكوا عاصم وطلعوا بيه 

كيان لسه هتجري وراه ...مسكها بقبضة ايده بقوه وبصلها بنظره تخوف وقال... على فين لسه كتب بالكتاب ما خلصش...وبص للناس وقال.. انجوي يا جماعه ما حصلش اي حاجه واحد تايه في المكان ورجع بيته خلاص 
و بدات الحفله من جديد ..وتم كتب الكتاب .. وكيان كانت طول الحفله دموعها منشفتش 
كل واحد راح على بيته ورعد اخد كيان على الفيلا وابوها لسه بيدخل وراهم ... بصله وقال ...لا يا حمايا انت مكانك مش هنا للاسف وبتهيألي انت عارف كويس مكانك فين 
ابوها هز راسه بتفهم وراح ناحيه اوضه الخدم اللي في الجنينه اللي كان ساكن فيها رعد مع عيلته.. تحت انظار كيان اللي كانت بتبصله بزهول شديد ومش عارفه ايه اللي بيحصل 
بصتله وقالت پغضب..انت هتسيب بابا يقعد في اوضة الخدم 
رعد قال بلامبالاه..ده المكان الصح لابوكي او اي حد من عيلتكم عامه..حتى انتي..لولا بس انك بقيتي على ذمتي وماقبلش حد يقول سايب مراته في اوضة الخدم ده غير اني اصلا محتاج حد يخدمني هنا 
كيان اتسعت عينيها پصدمه وهو راح ناحيه اوضه النوم راحت وراه پغضب وقالت ...مين دي اللي تخدمك انت واخد بالك بتقول ايه اذا فاكر ان الوضع ده هيستمر كتير فتبقى غلطان انا هرجع كل فلوس بابا اللي اخذتها ولهفتها 
رعد مهتمش لاي كلمه من اللي بتقولها وهو بيصفر بلا مبالاه فتح الدولاب واختار منه لبس ليها ورماه في وشها وقال ...هدخل استحمى اطلع الاقيكي لابساه 
كيان رمتو پغضب وداست عليه وقالت ..انا لا يمكن اسمح لك تلمسني ده مش بكيفك زي كل حاجه عملتها 
رعد ابتسم بسخريه وقرب عليها وقال.. لا بكيفي وهتلبسيه ...تعرفي اني كان نفسي فيكي من زمان قوي يا بنت الباشا... بس ما فيش على ربك بعيد اديكي بقيتي تحت ايدي 
كيان غمضت عنيها وحاولت تهدى وقالت ..رعد ليه بتعمل كده...انتو طول عمركم شغالين عندنا عمرنا ما اذيناكم ...ابوك لما اتوفى بابا اتكفت بكل مصاريف خرجته المفروض ما تستغلش الموقف اللي احنا بقينا فيه 
رعد قاطعها لما ضحك بشده وقال.. ابويا
كيان شهقت بزهول ورعد وقال پغضب ...الاحسن متفكرنيش بابويا.. علشان احاول اتعامل معاكي زي البني ادمين 
وسابها وراح على الحمام وهي واقفه بتبص لطيفه و مړعوبه منه حرفيا 
قعدت على السرير وبقت تبكي 
نزلت دموعها وقامت وبدات فعلا تلبس 
بعد شويه خرج من الحمام ولقاها لبست وكانت قمر فضل يبصلها باعجاب وقال... حلوه قوي يا بنت الباشا
كيان قالت بارتباك شديد .. هتعمل معاه ايه ھتأذيه 
رعد ابتسم بسخربه وقال...انا مش زعيم ماڤيا ولا شيخ منصر قدامك

....انا رجل اعمال وليه وضعي 
وسابها وبعد شويه وهي بقت تضحك وقالت رجل اعمال وده حصل امتى 
رعد ابتسم بسخريه وقال ...ما انا علشان كده عملت الحفله دي كلها عشان اعزمك انتي واهلك واحتفل باني قلبت الايه وخليتكم تحضروا حفله انا