عصفور يقع في حب الصقر بقلم شيماء طارق الحلقة الاولى

أوصلك المحطة بعربيتي وبكده مش هنتاخر
قلب بملل شريف بقالنا تلات سنين وآدي الرابعة بقولك شكرا مبركبش عربيات مع حد تمام
شريف بس احنا زمايل في كلية واحده ايه المشكله اللي انتي تركبي معايا انا شايف ان الموضوع عادي
قلب معلش يا شريف انا متاسفه وعن أذنك بقى علشان كده انا اتاخرت باي
تنطلق قلب في طريقها بينما يقف شريف يتابعها بعينيه و يأتيه صوت صديقه احمد 
احمد اييييييييييييييه يا بني روحت فين
شريف هتجنني يا احمد خلاص انا جبت اخر
احمد انا مش عارف عاجبك فيها ايه انت ناسي انت مين يا ابني والبنات بتبقى هتبقى عايزه تقرب لك ازاي هي أي نعم حلوه بس بلدي أوي و مش ستايلك خالص انت ناسي انت مين

شريف اسكت بقى متتكلمش عنها كده انا بحبها زي ما هي علشان هي حد مختلف لو كان ازاي بقيه البنات اللي في الدفعه انا ما كنتش بصيت لها اصلا
احمد يا بني ده انت كل البنات ھتموت عليك وكمان انت لو عايز اي بنت هتجيلك لحد عندك فكبر دماغك من البت البيئه دي
شريف لا طبعا مش ناسي بس أنا بحبها بجد وهي مش زي اي بنت انا شفتها قبل كده ومش عايزك تتكلم عنها كده علشان ما تزعلش مني
احمد بص يا شريف قلب ده بنت جد وحاطه هدف لازم توصله ومش هتسمح لأي حد يعطلها حتى لو كان واحد زيك وبيحبها سيبها حالها احسن هيا طموحها كبير جدا ان هي توصل تكون معيدا وما فيش واحده عندها طموح ممكن تتجوز دلوقتي او ترتبط بحد
شريف يعني مش هتحبني أبدا
احمد معتقدش ويلا بقى يا معلم ده انهارده ليلة الخميس هنسهر للصبح
شريف يلا بينا هنروح فين انهارده
احمد انا حجزت الديسكو النهارده
شريف انت عارف ان انا ما ليش في جو الديسكوهات دي
احمد خلاص يا عم تعالى روح النادي نتغدى مع الشله
شريف تمام اغير هدومي وهاجي لك على هناك
انطلقت قلبي الى القطار بعد ساعات وصلت الى قريتها وكانت مشتاقه لوالدتها ذهبت الى بيتها
طرقت قلب الباب لكن الباب لم يفتح .
قلب... أين أنت يا أمي هل أنت نائمة أم خرجتي لشراء بعض الأغراض اما في عملك انا احترت اين ذهبت امي 
ذهبت قلب لتطرق باب جارتها السيدة حميده لتسألها عن والدتها 
قلب السلام عليكم يا حاجه حميده متعرفيش ماما فين
حميده بحزن حمدلله على سلامتك يا ضنايا
قلب پخوف هي ماما فين حاجه
حميده اطمني يا بنتي مامتك بخير بس هي بعافية شوية و ديناها المستشفى العام كانت بتشتغل في المصنع ووقعت من طولها الكلام ده من يومين روحنا موديينها المستشفى
لم تكمل قلب حديثها مع السيدة حميده بل ركضت مسرعة متوجهه الى المستشفى لترى والدتها وصلت قلب الى المستشفى العام الوحيدة الموجوده في قريتها البسيطة و سألت عن والدتها و وجدت أنها موجودة في الدور الاول الخاص بأمراض الكلى صعدت قلب الدرج وهي مازالت تلهث من أثر الركض الطويل و وصلت الى الغرفة لتجد أن بها عددا كبيرا من الأسرة المليئة بالمرضى و ظلت تبحث بين الوجوه حتى رأت وجها رقيقا نائما و عليه علامات الألم الشديد أقتربت قلب من والدتها و قبلت رأسها برفق وقالت بصوت حزين ومتالم 
قلب ماما أنا جيت يا حبيبتي مالك يا قلبي ايه اللي حصل لك
الأم تفتح عينيها ببطء لتنظر الى وجه طفلتها الغالية بحب واشتياق
الام قلب .. حمدلله على سلامتك يا حبيبتي .. وصلتي