اميره اخر الزمان الحلقة الخامسة عشر و السادسة عشر

الفصل الخامس عشر.
استيقظت مروة وهي تشعر بالتعب الشديد وركضت الي الحمام سريعا وهي تشعر برغبتها الشديده في افراغ كل ما في معدتها.
استيقظ جمال على صوت تألمها المرتفع بالحمام زفر پغضب ووقف ليرتدي ثيابه وينزل الي ورشته.
اقتربت منه مروة وهي تجفف وجهها وتضع يدها فوق بطنها پألم نظر الي انعكاس صورتها بالمرآه وتحدث بجمود قائلا لها.
هو الترجيع ده هيفضل كدا كتير ولا ايه
جلست مروة فوق الفراش وتحدثت بتعب قائلة له.
انا اصلا تعبانه اوي النهاردة وعايزه اروح للدكتور
تحدث جمال ببرود وهو يصفف شعره امام المرآه قائلا لها.

خدي امي النهاردة وروحي
تحدثت بتعب. 
طب هات فلوس عشان تمن الكشف عند الدكتور والعلاج
انتهى جمال ونظر اليها ببرود قبل ان يخرج من الغرفه وتحدث اليها بجمود.
امي معاها فلوس وهي هتدفع تمن الكشف وانا لما اجي هجبلك العلاج
نظرت اليه مروة پغضب تركها وخرج من الغرفه وقفت من مكانها ولحقت به قبل ان يخرج من الشقه وتحدثت اليه پغضب قائلة له.
يعني ايه امك هي اللي هتدفع فلوس الكشف انا عايزه فلوس في ايدي وانا ادفع وكمان في حاجات انا محتجاها وعايزه اشتريها
نظر اليها بجمود قائلا لها. 
شوفي اللي انتي عيزاه وانا اجبهولك دا لو حاجات مهمه وضروريه ومتنسيش ان انتي لسه محتاجه فلوس للولادة وعايزين نمسك ايدينا في المصاريف شويه عشان اعرف اوفرلك فلوس الولاده
وقفت تنظر اليه پصدمة فتح باب الشقه وتحدث ببرود قبل ان يخرج.
والبسي بسرعه يلا وانزلي عشان تاخدي بالك من البنات 
خرج من الشقه واغلق الباب بقوة وقفت تنظر الي الباب پغضب ثم همست بتحدي قائلة.
لا يا جمال متفكرش ان انا أميرة الغلبانه اللي انت نشفت قلبها هي وبناتها
ثم اضافة باصرار. 
لازم مصاريف البيت تبقى في ايدي انا ولازم يفضل جمال زي الخاتم في صباعي
في شقة والدة جمال..
دخل جمال الشقه وجد والدته تجلس وبجوارها بناته اقترب من بناته وجلس واخذ جنه علي قدمه وتحدث الي والدته قائلا لها.
البت دي بتاخد علاجها في ميعاده
تحدثت والدته بالايجاب قائلة له. 
ايوه بتاخده
ثم سألته بفضول. 
انت عملت ايه مع أميرة
نظروا اليه الطفلتين بلهفة عند استماعهم ل اسم والدتهم عقد جمال حاجبيه پغضب ثم تحدث بجمود قائلا لوالدته.
طلقتها عند المأذون امبارح
شهقت والدته پصدمة قائلة له بلوم. 
ليه كده يا جمال انت استعجلت كنت تصبر عليها شويه وكانت هترجع وتردها
ثم نظرت الي الطفلتين قائلة بحزن عليهم. 
يعني ايه ذنبهم البنات يتحرموا من امهم
تحدث جمال ببرود قائلا. 
ولا هيتحرموا منها ولا حاجه انا اتفقت معاها تاخدهم كل يوم جمعه وترجعهم في نفس اليوم
حركت والدته رأسها بعدم رضا قائلة له.
غلط يا جمال كده هتدفع مؤخر ونفقه دا غير القايمه دا انت لو كنت رجعتها كانت هتبقى اوفر لك
تحدث جمال بثقة وفخر قائلا لوالدته. 
متقلقيش انا خلتها اتنازلت عن كل حاجه قبل الطلاق ومضت وجوز امها شاهد عليها
حركت والدته رأسها بعدم رضا وقف جمال وتحدث بجمود.
مروة تعبانه النهاردة ووجعالي دماغي ابقى خديها للدكتور يبص عليها
نظرت اليه والدته بغيظ قائلة له. 
هروح ازاي وبناتك اوديهم فين
تحدث جمال ببرود. 
ما البت شاهندا تقعد معاهم
ردت والدته بغيظ قائلة له. 
شاهندا عندها درس ونزلت
ذهب اتجاه الباب وتحدث بملل. 
خلاص يا امي اتصرفي ولا كلمي اماني تيجي تقعد مع البنات على ما انتوا تروحوا
ثم ذهب وترك والدته تنظر اليه بغيظ.
زفرت والدته پغضب واخذت هاتفها لتتحدث الي ابنتها اماني وتطلب