عشق التميم الحلقة 23 يارا عبد العزيز
انت في الصفحة 1 من 4 صفحات
الفصل الثالث و العشرون
دخلت الحمام و معاها الاختبار
و بعد بضع دقائق كانت خرجت من الحمام و هي ماسكه في ايديها الاختبار و عينيها مليئه بالدموع
اتكلمت الخدامه پخوف
رحيل هانم انتي كويسه
وشك اصفر اوي
رحيل بدموع و ارهاق
انا كويسه متحطيش في دماغك
بلاش الفطار افطري انتي انا طالعه ارتاح
مسكت اختبار الحمل و ايديها بتترعش و دموعها نازله منها بغزاره
خبطت الاختبار في الحيطه بقوه و انكسر
اتكلمت بدموع و صوت مرتعش
ليه!
لييه انا كنت عايزة اكمل و انساه
حطيت ايديها على بطنها و اتكلمت پبكاء
دلوقتي بقى جوايا حته منه هيفكرني بيه
بس لا مفيش اي حاجه هتمنعني عن اللي عايزة اعمله
قالت كلامها و قامت بسرعه غيرت هدومها
خديت تاكسي و وصلت قدام عياده نسا و حجرت دور و فضلت منتظره لحد اما دخلت
الدكتور فحصتها و قعدت على كرسي المكتب و رحيل قعدت قدامها على الكرسي
الدكتوره بهدوء
الجنين حالته كويسه بس يا ريت تبعدي عن اي توتر و اتغذي كويس و انا هكتبلك على شويه.....
انا مش جايه هنا عشان اطمن على الجنين
انا جايه عشان انز له شوفي ايه الحاجات اللي ممكن اعملها عشان ينزل
الدكتوره پصدمه
تنز ليه!
ليه هو ...
بقلمي يارا عبدالعزيز
رحيل پحده
لا طبعا أنا متجوزه بس انا مش عايزة الطفل و اعتقد انه عادي صح هو لسه مكملش شهر
الدكتوره بحزن
بس انا مقدرش اعمل دا من غير موافقه جوزك انتوا الاتنين لازم تمضولي على الاقرار دا عشان انزله غير كدا انا اسفه مش هقدر
مهما كان عندك مشاكل هتتحل بس الطفل مش هترجعيه
فيه غيرك كتير بيتمنوا و مش طايلين
فكري كويس و اتكلمي مع جوزك و اوصلوا لقرار غير الإچهاض
رحيل بصتلها و بدات ټعيط بقوه و هي حاسه بالم و غصه في قلبها
الدكتوره قامت و وقفت جانبها و حطيت ايديها على كتفها و اتكلمت بحزن
استهدي بالله مفيش حاجه مستاهله ايا كان كله بيعدي
رحيل بشهقات
انا مش عايزة انزله بس هو هيفكرني بحاجات انا مش عايزه افتكرها
دكتورة هو انا وحشه!
هزيت الدكتورة راسها بالنفي و اتكلمت بحنان
دا انتي زي القمر
دا انتي اول ما ډخلتي قولت مين الاجنبيه اللي دخلت دي
رحيل بالم و صوت متحشرج
هي فيها ايه احسن مني
طب ليه قالي انه بيحبني و هو عمره ما حبني
هو انا استاهل الۏجع دا كله!
بصتلها الدكتورة بدموع و خديتها في حضنها و اتكلمت بحنان
اهدي و عيشي
عيشي عشان ابنك هو يستاهل يعيش و يستاهل تكملي عشانه
مسحت رحيل دموعها و هزيت راسها بهدوء و اتكلمت بدموع
شكرا ليكي
انتي غيرتي كتير من افكاري عن اذنك
قالت كلامها و خرجت من العياده
بمجرد ما نزلت رنيت على اسر و اتكلمت بهدوء
ايوا يا اسر
لو سمحت انا عايزه اسافر في اقرب وقت
ايوا قرار نهائي يا ريت بسرعه على اي دوله عربيه المهم برا مصر
في قصر النصراوي
و بالتحديد في جناح ريان و حياه
اتكلمت حياة بدموع
تميم مرجعش من انبارح و مش بيرد على تلفيونه خالص ما تشوفه فين
ريان بهدوء
بيدور على رحيل و الحراسه معاه و انا لما امشي هروحله مټخافيش يحياه
حياه بدموع
و هو هيفضل يدور على رحيل العمر كله
انا مش عارفه ايه اللي بيحصل فينا دا و تميم ليه يعمل كدا ادام بيحبها اوي كدا
انا مش فاهمه
ريان بحنان
