عشق بقلم سولية نصار
وزي الشاطره كده تغيري الاسود اللي لابساه ده وتجهزيلى العشا انا وهدخل اخد شاور وعايز لما اخرج الاقي العشا جاهز
مريم انت بتتكلم معايه بأسلوب الامر كده ليه
ادم انا اتكلم زي ما انا عايز وده عقاپ صغير ليكي اخلصي بقى علشان انا جعان واه ع فكره انا رجعت ف كلامى بقى ومش هتروحي بكره هتقعدى هنا ومش هتمشي غير بمزاجى
ادم زريبه!!انا بقى هخليهالك كل شويه زريبه وكلمه زياده عقابك هيتضاعف يا مريم سابها ودخل الاوضه و مريم بتبص على المنظر اللي حواليها ومتغاظه منه
شالت الشنط وراحت الاوضه وكان هو جوه بياخد شاور وجابت من الشنطه فستان من اللون الازرق مع الحجاب والنقاب وراحت اوضه تانيه وغيرت هدومها ودخلت المطبخ تدور على حاجه تعملها للعشا ما لقتش غير جبنه رومي ولانشون في التلاجه فتحت الفريزر لقيته فاضي خالص
مريم وده اعمله اكل ايه ان شاء الله وما فيش اي حاجه غير الجبنه واللانشون
شيرين اتصلت على مريم واطمنت عليهاوقفلوا
و مريم جهزتله الاكل وماسكه الصينيه وبتلف علشان تخرج خبطت في حيطه سد قدامها مريم فتحت عينيها
شافت ادم ورجعت خطوه لورا وكان لسه خارج من الحمام بفوطه حولين وسطه وشعره مبلول وحاطط ايده فى وسطه
ادم ايه شفتي عفريت
مريم لا بس اټخضيت ماعرفش انك خرجت من الحمام وبعدين يا ريت تبقى تكح او اعمل اي حاجه
ادم حاضر هبقى اكح بس لما يجيلي برد وبعدين ايه ده ان شاء الله
مريم ايه في ايه
ادم اخد منها صينيه الاكل وحطها على الترابيزه وقرب منها
ادم انتي لابسه النقاب ليه هو في حد غريب هنا وانا معرفش
مريم رجعت خطوه لورا اااااايوه لا لا بص لو سمحت ابعد ما تتكلمش من قريب كده
اهو جاوبي بقى في حد غريب
مريم انا متعودتش اشيل النقاب قدام حد ما اعرفوش
ادم هو انا مين !
مريم مين ايه هو انت مش عارف نفسك وبعدين انت بتوترني وانت قريب كده
ادم قرب اكتر انا مين بالنسبالك
وكان بتمنى انها تقوله انت جوزى انا
مريم ردت بسرعه انت ولا حاجه
ادم مغمض عينيه وشكله غنى عن التعريف
مريم قصدي يعني اني مااعرفكش ولا اعرف عنك حاجه
ادم شيلي النقاب يا مريم بدال مااقلعهولك بالعافيه انا جوزك فاهمه
مريم طيب ما تقربش وهو بيقرب عليها
اقلعي عايز
اشوفك
وقرب منها قوي و مريم ضهرها ف الحيطه وقلبها هيقف من التوتر مش عارفه تعمل ايه وماسكه هدومها بايديها وغمضت عينيها وبتاخد نفسها بصعوبه وبتعد من واحد لعشره وفتحت عينيها ما لقتش ادم قدامها كان اخد صينيه الاكل
وخرج
مريم الحمد لله
ادم قاعد بياكل وبينادى عليها
مريم اووووف مش هنخلص نعم
ادم اقعدي كلي
مريم لا شكرا اكلت ساندويتش وانا بجهزلك الاكل
ادم متغاظ من لبسها النقاب قدامه واستحلفلها
يعني اكلتي
مريم اه الحمد لله
ادم وقف
طيب يلا بينا
مريم على فين!
ادم على اوضه النوم
مريم ايه
يتبع
ادم يلا على اوضه النوم
مريم اااااايه
ادم ايه اللي ايه قولت يلا على اوضه النوم ما بتسمعيش
مريم لا شكرا انا هروق شويه في البيت المكركب ده اتفضل انت حضرتك
شدها من دراعها
انتي عنيده ليه!
وخدها على اوضة النوم وواقف قدامها
بصي بقى انا هدخل جوه البس ولو خرجت ما لقيتكيش قالعه نقابك وحجابك هتشوفي وش مش هيعجبك ابدا !!!
وسابها ودخل جوه يلبس
مريم اوووف يا ربي ازاي يعني هقعد قدامه بشعري هو اه جوزي بس انا ما عرفوش وغير كده جوازنا مؤقت وانا ساكته ومش عايزه اتكلم واټخانق معاه علشان الادله اللي موجوده ضد محمد
وبعد شويه ادم خرج وكان لابس بنطلون اسود وتشيرت اسود
ورجع ل مريم ولاقاها واقفه في نص الاوضه زي ما هيا
ادم انتي مصممه تشوفي وشي التاني صح!
مريم لا خالص والله بس انا متوتره شويه وحكايه اني اشيل النقاب قدامك دي صعبه جدا
ادم قرب منها ووقف قدامها مفيش بينهم خطوه واحده
ولا صعبه ولا حاجه وبعدين انا مش متوتر خليني اساعدك جت ترجع خطوه لورا
ادم مسكها من دراعها وشدها عليه
اثبتي بقى تعبتيني معاكى ولا حركه !!!
مريم واقفه مكانها وادم اتجرأ ومد ايده وشال النقاب وهي مغمضه عنيها وماسكه فستانها بأيديها ومتلخبطه
ادم حط النقاب على الكرسي وبيفك في حجابها وهو عينيه على تفاصيل وشها
وبعدها شال الحجاب ورماه على نفس الكرسي وشعرها انساب على كتفها
ادم فتحي عينيكى
مريم فتحت عينيها بتوتر وهو مش مصدق انها بالجمال والبراءه دي واتكلم وهو مش في وعيه
ادم كل حاجه فيكى حلوه عينيكي حلوه كلك على بعضك حلوه
مريم منزله عينيها في الارض ووشها بقى احمر جدا من الخجل ومش عارفه ايه اللي بيحصلها
ادم واقف وما بيتحركش وسارح فإن كل ده ملكه هو وبس وحركه منه لا اراديه مسك ايديها وطى عليها وباسها برقه
ادم مش مصدق ان معاه واحده في البيت بالجمال ده لا وكمان مراته وعينه هتطلع عليها وسرحان في شكلها وهي واقفه قدامه بشعرها مريم اتحرجت من نظراته ليها
مريم ااحمم انا خلصت ولو سمحت انا عايزه اصلي وانام
و دخلت الاوضه وادم دخل وراها شافها بتاخد هدوم من الشنطه ومصحف في ايديها وخارجه بره الاوضه
ادم رايحه فين !
مريم انام
ادم هتنامي فين
مريم في الاوضه التانيه
ادم ليه !!
مريم !!!!
ادم باقولك هتنامى في اوضه تانيه ليه
مريم اومال هنام فين يعني
ادم هتنامي هنا
مريم اوكي اتفضل بره علشان اقفل الباب وهي بتتكلم هو راح نام على السرير وحط ايديه ورا وراسه
مريم اتكسفت من جرئتهاااانت بتعمل ايه يا تتفضل تطلع بره وتسيبني انام هنا يا انا هاروح انام في الاوضه التانيه
ادم قام من غير ما يرد عليها وتجاهلها وراح ناحيه الباب و مريم اتنهدت باريحيه لانه سمع الكلام من غير جدال وفجاه لقته رجع ينام على السرير تاني
مريم وبعدين بقى ف الليله دى خلاص خليك براحتك انا اللي هخرج وراحت على الباب تفتحه ما فتحش وما لقتش في مفتاح في الباب بصت لادم بغيظ
ادم غيري في الحمام بسرعه واطفى النور علشان ورايا شغل
مريم رمت هدومها على الكرسي الموجود في الاوضه والمصحف حطيته على التسريحه وراحت لعنده
اسمع بقى مش معنى اني بتجاهل حاجات كتير من تصرفاتك تسوق فيها انا مش هنام معاك في اوضه واحده فاهم
وياتقوم تفتح الباب واروح انا اناام هناك يا اما انت تفضل تروح تنام وعلى فكره انا تعبانه وعايزه انام انت استخدمت كل طاقتى انهردا
ادم بغمزهوهو انا لسه عملت حاجه
مريم نننعم تقصد ايه هاااا
ادم شوفي بقى نيتك انتي بتروح فين لسكه تانيه خاااالص
مريم تصرفاتك وطريقه نظراتك وكلامك يخلي الاعمى يشك فيك
واتفضل بقى انا
زهقت وتعبت
ادم مسك المخده وقعد ونص قاعده
بصي يا مريم من هنا ورايح علشان بس نحط النقط على الحروف ومانتعبش بعض كتير
نوم بره
