حكاية روح الكاتبة منال عباس

حبيبي ايه مشوفتش ماما قبل ما تطلع
لاقيت الشقه مقفوله ناديت عليها بس تقريبا هي مش موجوده
طب يلا يا قلبي روح خد شاور وانا هسخن الاكل
طب روحي طبخت اي النهارده
عملتلك فراخ مشويه ومكرونه بالبشاميل
تسلم ايدك يا روحي
المكرونه تحفه يا روح
بجد عجبتك
مروان قبل يدها ثم نظر في عينيها وقال والله طعمها حلو اوي والفراخ جميله وبعدين هي روحي بتعمل حاجه مش حلوه!

روح والدموع قد تجمعت في مقلتيها ربنا ما يحرمني منك ابدا يا قلب روح
روح انت كويسه روح فيك ايه ليه بټعيطي 
انا عايزه اقولك حاجه 
قولي يا حبيبتي بس من غير عياط انا مقدرش اشوفك في الحاله دي 
انا روحت للدكتوره
روحتي امتى وليه تروحي لوحدك 
محبتش انك تيجي من الشغل تعبان واقولك تعالى نروح للدكتوره 
طمنيني الدكتوره قالتلك ايه
انا عندي مشاكل ومش هعرف اخلف
انت بتقولي ايه يا روح
قالت روح وهي تبكي انا ماليش نصيب اني اخلف
لا حول ولا قوة الا بالله فهميني يا روح
الدكتوره دي كمان قالتلي اننا عندي نقص مخزون ولازم حد يتبرعلي ببويضه
لا مافيش كدا اكيد في حاجه غلط هنروح نكشف عند دكتوره تالته ورابعه انا واثق في ربنا وواثق انك كويسه ومش عندك مشاكل انا خاېف تكون الأدوية اللي باخدها بتأثر عليا عايز اشوف
نتايج التحاليل فين نتيجة تحاليلي عشان اوريها لدكتور معروف في القاهره هايجي من ألمانيا الأسبوع الجاي واحد صاحبي دلني عليه
روح قالت بتوتر ب بس الدكتوره دي شاطره جدا وانا مرتاحه ليها
طيب ماشي مش هنخسر حاجه هاتي بس نتيجة التحاليل
الطبية
مش عارفه هي فين يا مروان تقريبا نسيتها عند الدكتوره
خلاص انا هبقى اروح اجيبها بكرا
لأ يا مروان انا افتكرت هي وقعت مني في الشارع وانا كنت مش واخده بالي 
ليه متوتره كدا يا روح اهدي يا حبيبتي انا جنبك وفي ضهرك وان شاء الله هتكوني ام قريب وان شاء الله هنفرح بحياتنا
مروان انا مكتفيه بيك خلاص مش عايزه اخلف انا كويسه طول ما انت معايا انا مطمنه بيك انت ابني وابويا واخويا وصاحبي وكل دنيتي وكياني انت روحي يا مروان
مروان وهو يضم روح له وانت نور حياتي وحب عمري وعوض ربنا الجميل ليا يا حبيبتي بس متعيطيش لأن دموعك غاليه اوي عندي اوعي تحزني ولا تزعلي نفسك يا حبيبتي احنا ربنا معانا
بس التحاليل ضاعت 
عادي نعمل غيرها 
يا مروان
تعالي يا ست الكل
انا جيت في وقت غلط ولا ايه معلش لاقيت مفتاح الشقه برا قولت ادخل ما هي شقة ابني شقتي بردو
لا وقت غلط ولا حاجه يا ماما روح متضايقه شويه وانا بحاول أراضيها
متضايقه ليه يا روح هو انت قولتي لمروان اللي حصل 
حصل ايه يا ماما 
مراتك مش هتعرف تخلف تاني مش كدا يا روح 
ان شاء الله روح هتكون احلى واحن ام في الدنيا ان شاء الله مش هيكون عندها مشاكل
انت جايب الثقه دي منين اكتر من دكتوره قالت لها مافيش امل عايز ايه تاني يثبت ليك انها مش هتخلف يا ابني هو انا مش مكتوب ليا افرح بولادك واشوفهم قبل ما اموت
بعد الشړ عليك يا ماما ان شاء الله هنكشف عند دكتور شاطر اوي وبإذن الله ربنا هيرزقنا وبعدين انا اول ما جيت ناديت عليك لاقيت شقتك مقفوله 
ايوه كنت في مشوار مهم 
مشوار ايه د 
كنت عند خالتك سعاد 
خير ان شاء الله خالتي كويسه
ايوه يا حبيبي كويسه بس انا روحت هناك عشان احجزلك غاده بنتها
تحجزيها ازاي يعني مش فاهم
أم مروان وهي تنظر لروح بتحدي روحت
وقعدت
معاهم وحبيت اخد رأيها