اين المفر بقلم هند ايهاب
ولا حاجه بالنسبالك يا تميم دي حاجه تقهرني أوي
نمت من كتر التفكير صحيت وأنا مقرره ألغي كل خططي قررت أني أواجه مخاۏفي قررت أواجهو مهما كانت النتيجه
مسكت تليفوني وبعت له مسدچ بأني عايزه أقابله ودلوقتي حالا
لبست ونزلت في ثانيه روحت علي البحر كان الجو هادي وجميل
كان واقف وعيونه علي البحر قربت منه ولقيته بيقول
ابتسمت وقولت
واضح أنك واخد علي خاطرك أوي
أوي يا هند أنت متعرفيش أنت عندي أيه
بصيت له بفرحة طفل وقولت
بجد يا تميم كنت فارقه معاك!!
هز راسه بفرحه وقال
كنت محتاج أتكلم معاكي في موضوع مهم أوي
قلبي أتنفض كنت مستنيه اللحظه دي من زمان أوي وقولت بلهفه
موضوع أيه ولا لاء أستنا
لقيت نفسي بغمض عيوني بكفوف أيدي بحماس وقولت
تيتو
بصيت ناحية الصوت بستغراب لقيته بيبتسم وقولت
مين دي!!
مهو هو ده الموضوع اللي عاوزك فيه أعرفك دي فريده أتعرفت عليها وبصراحه حاسس بحاجه كبيره من ناحيتها
حسيت بغصه في قلبي لتاني مره أتخذل منه قولت پصدمه حاولت أسيطر عليها
فعلا!! طب كويس
بصوا لبعض والابتسامه كانت ماليه عيونهم اتكلمت بطلوع الروح وأنا بترعش من الزعل وقولت
بص لي وقال
هنبقي نتكلم صح!!
هزيت راسي وقولت
أكيد عن أذنكوا
لفيت نفسي ومشيت فضلت أمشي لحد ما بعدت سيبت دموعي أخيرا تنزل فضلت أعيط بصوت عالي وكأني مش قادره أسيطر علي نفسي كنت حاسه أني مش قادره أتنفس كنت حاسه أني في حلم لاء كابوس كابوس وحش أوي
واتنسينا من ناس كانوا غاليين علينا الظاهر أنه أتضحك علينا وطلعنا أصلا مش فارفين وانتهينا والواضح أنه راحت علينا وزي ما روحنا زي ما جينا وبدلونا بناس تانيين
هند إيهاب
أين المفر الجزء الثالث والأخير
روحت وأول ما
دخلت البيت لقيت ماما طالعه من المطبخ وبتقول
عرفتي اللي حصل
سيبتها ودخلت الأوضه جت وراي وقالت
تميم أرتبط يا هند عرفتي!!
خرجت مني تنهيده وقولت بصوت مبحوح
عرفت
هتعملي أيه!!
ماما أنا مش قادره دلوقتي
يعني أيه مش قادره فوقي عايزه تستني أيه أكتر من كده
مفكراني مش عارفه أنك بتحبيه ده أنا أمك وبعرفك من عينيك عينيك مبتلمعش غير قصاده عينيكي لو بتنطق كانت زمانها قايله علي كل حاجه هتفضلي تعلقي نفسك بحبال دايبه لحد أمتي بس
قعدت علي الكرسي وقولت بدموع
كفايه بقى أنا مش حمل مناهده من ساعة ما عرفت
وأنا حاسه بسکينه غرزت جوه قلبي
خدتني في حضنها وقالت
سلامة قلبك يا بنتي سلامة قلبك يا حبيبتي
قفلت تليفوني وفضلت حابسه نفسي في الأوضه مكنتش قابله أشوف حد حتي تميم مبقتش عايزه أشوفه كنت بحاول أمنع نفسي عنه يمكن أقدر أتخطاه مع أنه صعب صعب أوي أتخطي حب عمري
ماما دخلت بصينية الفطار وقالت
هتفضلي حابسه نفسك كده كتير يا بنتي متتعبيش قلبي عليكي
بصيت لها وقولت
هفضل هنا فتره فتره لحد ما أحاول أتجاوز حبه يمكن يطلع من قلبي
أبوكي سألني عليكي تعبت من كتر ما بحاول أداري عليكي مينفعش تفضلي حابسه نفسك كده أنزلي شمي نفسك روحي أشربي قهوه أتمشي علي البحر أعملي أي حاجه بتحبيها بس متفضليش هنا ده حتي الجو كئيب
الجو مش كئيب يا ماما دي حياتي أنا اللي كئيبه الواضح أنه مكتوب علي مخدش أي حاجه بحبها خسړت أكتر كليه بحبها عشان بس نص درجه صاحبة عمري لقت صاحبه تانيه حتي تميم
بصيت بعيد عنها وبدأت عيوني تدمع قعدت قدامي وحاوطة وشي بكفوف أيديها وقالت
أنت جميله أوي مش عشان بنتي لاء أنا عارفه قلبك وطبعك عارفه قد أيه أنت جميله من جوه ومن برا وعارفه قد أيه ربنا هيجبر بخاطرك
أنا تعبت بعد كل السنين دي كلها وقربنا الشديد لبعض قلبه راح لحد غيري هو أنا للدرجه دي متحبش!!
تتحبي ونص كمان ده يا بخته اللي هيفوز بيكي وبقلبك أستهدي بالله وأن شاء الله ربنا هيجبر بخاطرك بس عشان خاطري أنزلي أتمشي
هزيت راسي وفضلت قاعده ثواني وقومت لبست لبست ترنج ونزلت بالهاند فري الظاهر كده أن الهاند فري دي هي الوحيده اللي هتكمل
