ذئاب بعد سن الخمسين
يا طنط اتكلمي من فضلك
نوال .. حوشي امك عن ابني يا نهي !!
حمادة .. ماما .. انتي بتقولي ايه !!
نهي .. مش فاهمه يا طنط !! تقصدي ايه حضرتك !!
نوال .. اقصد ابعدي امك عن ابني .. ملهاش دعوة بيه خالص
نهي .. طب ماما مالها ومال حمادة !!
نوال .. امك بتلف ع الواد وقوته عليا وخلته ساب البيت
حمادة .. بقلك اسكتي يا ماما .. كفاية كدا!!
نوال .. يعني خلت بال الواد مشغول بيها .. امك عنيها من ابني اللي م دورك يا نهي!!
اعتدال .. اخرصي يا ست انتي
نوال .. انتي اللي لمي نفسك عن ابني
اعتدال .. انتي كدابة .. متصدقهاش يا نهي
نوال .. انا مش كدابة .. انا شفتكم بعنيا دول وانتوا شفايفكم لازقة في بعض !!
نهي.. ايه !! معقول الكلام اللي بسمعه دا !!
نوال .. احسن خلي كل واحد يلزم حدوده
نهي .. مش معقول .. مش معقول
ثم تنصرف خارج المنزل
اعتدال .. نهي .. نهي
نهي تركت المنزل واعتدال في قمة الحزن والصدمة تنظر الي نوال وابنها بكل آسي
اعتدال .. منكم لله .. ربنا ينتقم منكم .. امشوا اطلعوا بره .. بره
نوال تنظر ل اعتدال في سخريه وقد شفت غليلها ثم تنصرف .. حماده مصډوم من هذا الموقف وحزين جدا يريد ان يتحدث الي اعتدال واعتدال تنهره
اعتدال .. امشي اطلع بره .. كفايه بقي ابوس ايدك ثم تبكي بشدة
حماده ينصرف مخزيا وحزينا
نهي تجلس في كوفي شوب تبكي وتفكر في امر ما تمسح عيناها وتمسك المحمول وتتصل علي خالها حسين ..
نهي .. ايوا يا خالي .. انت فين !!
حسين .. في الشركة يا نهي .. خير مالك صوتك مش طبيعي !!
نهي .. انا عايزه اقابلك دلوقتي حالا .. في موضوع مهم عايزه اتكلم معاك فيه
نهي .. مش هينفع التليفون يا خالو لازم اشوفك دلوقتي حالا
حسين .. طيب تجيلي الشركة
نهي.. لا الموضوع حساس جدا .. نتكلم بره احسن ممكن تجيلي الكوفي شوب اللي انا بقعد فيه دايما
حسين .. انتي فين دلوقتي
نهي .. انا قاعدة هناك دلوقتي
حسين .. خلاص مسافة السكة واكون عندك
نهي .. مستنياك .. سلام
ويذهب حسين مسرعا الي نهي لمقابلتها بعد ان اتصلت به
حسين .. في ايه يا نهي!! جايباني ليه علي ملي وشي !!
نهي .. عاوزاك في موضوع مهم جدا
حسين .. قولي يا نهي مستنيه ايه قلقتيني
نهي .. اصل بصراحة .. اصل الحكاية ....
حسين .. يابنتي اتكلمي بدون مقدمات !!
حسين .. هو دا الموضوع المستعجل اللي مينفعش تقوليه في التليفون ولا حتي في الشركة!!
نهي .. وفي اهم من موضوع جوازي يا خالوا !!
حسين .. ايوا يا حبيبتي بس ميستدعيش انك تقلقيني بالشكل دا !! ع العموم وماله مفيش مانع .. ايه المشكلة بقي !!
نهي .. ما هو اصل ماما احتمال متوافقش
حسين .. وماما مش هتوافق ليه !!
نهي .. ماما عاوزاني اخلص الكلية خالص وبعدين اتجوز
حسين .. وايه المشكلة انك تتجوزي وتكملي الكلية بتاعتك وانتي في بيت جوزك !!
نهي .. يعني مفيهاش حاجة يا خالوا !!
حسين .. عادي يا بنتي ياما بنات عملت كدا
نهي ..اهم شئ انت موافق يا خالوا
حسين .. موافق جدا كمان علي الاقل لما تتجوزي تعرفي تركزي في دراستك عشان اللي شاغل بالك خلاص بقي وياكي وبعدين عصام معيد في الكلية كمان يعني هيبقي في مساحة انه يساعدك اكتر
نهي .. طمنت قلبي الله يطمن قلبك .. خلاص مادام حضرتك موافق يبقي ماما اكيد هتوافق انت عارف انها بتسمع كلامك جدا
حسين
.. متقلقيش انا هكلمهالك
نهي .. لا مش دلوقتي يا خالوا .. لما اكلمها انا الاول ولو عصلجت معايا هخليك تكلمها انت
حسين .. وهو كذلك يا نهي
وتعود نهي الي المنزل تنادي علي امها فلا تجيب
نهي.. ماما.. ماما .. انتي فين !!
نهي تبحث عن امها في كل مكان
