رواية كوز العسل للكاتب عادل عبدالله
انت في الصفحة 17 من 17 صفحات
ايه !!
لأ يابابا كان داري وحاسس لكن كان مش قادر يمنع نفسه .
اطلعي انتي يا مني بره الموضوع ده علشان انتي غالية عندي ومش عاوز اخسرك .
وتخسر ابنك وحيدك يابابا !!
اللي يبص لمرات ابوه يبقي مش ابني .
يابابا هو حلف واقسم كتير انه كان تحت تأثير قوة غريبة ميعرفهاش اكيد يابابا الرجل الساحر اللي روحتوله اللي اسمه ابو الخلا ده .
يابابا يعني هتخسر ابنك الوحيد !!!
اللي يدوس علي شرفي اخسره حتي لو كان ابويا .
يعني مش عاوز حمدي يرجع البيت هنا تاني
لأ طبعا بيتي ده متحرم عليه خلاص .
واستمر حمدي قاعد عند اخته اكتر من شهر ورغم محاولات نعمة ومني لكني كنت رافض رجوع حمدي نهائيا .
اشتريت بيت جديد واتنقلت اعيش فيه مع هدير .ونعمة صممت علي الطلاق .
هدير راحت للدكتور اللي اكدلها انها حامل .
اول لما سمعت الخبر فرحت اوي لكن بسرعة معرفش ليه قلبي انقبض وفكرت ان ممكن يكون الحمل ده ......
اول لما سمعت الخبر فرحت اوي لكن بسرعة معرفش ليه قلبي انقبض وفكرت ان ممكن يكون الحمل ده يكون من حمدي او ممكن يكون من ابو الخلا !!!
ظنيت ان ممكن يكون ابو الخلا عمل حاجه اثناء هدير ما كانت تحت تأثير سحره وتكون خاڤت تقولي او ممكن يكون حصل الحمل اثناء محاولة حمدي الاعتداء عليها ويكون اعټدي عليها فعلا وخاڤت تقولي .
وفضلت في حيرة ايام وهدير كانت مندهشة من سكوتي الدائم وتفكيري المستمر وجلوسي لوحدي ساعات طويلة .
بعد ايام كانت نفسيتي تعبت جدا من التفكير وروحت لشيخ المسجد بعد الصلاة وقولتله بالله عليك يا فضيلة الشيخ كنت عاوز اتكلم معاك في موضوع مهم اوي .
انت واضح عليك يا ربيع ان عندك مشكلة كبيرة .
ايوه مشكلة كبيرة اوي .
يا عم الشيخ انا اتعملي سحر انا ومراتي الجديدة هدير و روحت لواحد اسمه ابو الخلا طلع ساحر و دجال وبدل ما يعالجنا طمع في هدير و زود السحر علينا .
اعوذ بالله وبعدين كمل يا ربيع .
استفرد بهدير وكان عاوز يعتدي عليها بعد ما سيطر عليها بالسحر .
مع قراءة القران قدرت هدير تهرب منه .
الحمد لله اللي انقذها .
لكن انا جوايا شك ان ممكن يكون عمل معها حاجة قبل ما تهرب منه .
استغفر الله دي من وساوس الشيطان هو اللي بيوسوسلك بكده علشان يفسد عليك حياتك .
واعمل ايه يا عم الشيخ في الشك اللي هبموتني ده
تستعين بالله وتستعيذ بالله من الشيطان يبعد عنك الوسواس الخناس .
كمان ابني من مراتي الاولي اتسحر هو كمان واټهجم علي هدير و كان عاوز يعتدي عليها لولا ستر ربنا .
استغفر الله العظيم ولا حول ولا قوة الا بالله ما انت اللي غلطان يا ربيع .
ليه يا مولانا
علشان مينفعش تتجوز واحدة من سن عيالك وكمان تقعدها مع مراتك وابنك الشاب اللي من سنها في بيت واحد !! دا انا سمعت انك كنت هتخطبها له في البداية !!!
فعلا يا عم الشيخ لكن هو مش رضي يتجوزها فاتجوزتها انا .
ودي تصرفات حد عاقل يا ربيع
اصلها حلوة اوي يا عم الشيخ دي كوز عسل .
طيب اتحشم شوية يا ربيع بردو انت اللي غلطان .
يعني انا اللي غلطان و هو مش غلطان
لأ طبعا هو غلطان غلط كبير جدا لكن الغلط الاول بسببك انت .
واعمل ايه دلوقت يا مولانا
تبعد الڼار عن البنزين .
حصل و اشتريت بيت جديد لهدير
طيب ما انت حليت المشكلة خلاص .
لكن انا مش قادر اسامح ابني ولا قادر ابص في وشه .
تبقي غلطان يا ربيع اولا هو عمل كده تحت تأثير السحر فلازم تسامحه لأن ولا دي اخلاقه ولا تصرفاته وانت طبعا تعرف ابنك اكتر مني .
المشكلة الاكبر اني خاېف يكون عمل معها حاجة
انت الشيطان بيوسوس لك وسيطر علي تفكيرك يا ربيع .
واعمل ايه يا عم الشيخ
تستغفر ربنا وتبعد عن تفكيرك كل الافكار والوساوس دي .
طيب انا دلوقت عرفت ان هدير حامل وخاېف ان يكون الحمل ده من ابو الخلا او من حمدي ابني !! ومن ساعة ما عرفت انها حامل وانا مش عارف انام وھموت من التفكير والشك .
لا لا انت كده وساوس الشيطان اتمكنت منك ولازم تقرب من ربنا اكتر وتستعين به يبعد عنك كل الوساوس والهموم دي .
حاضر يا عم الشيخ لكن بالنسبة للسحر والراجل اللي اسمه ابو الخلا اعمل ايه انا خاېف يدمر حياتنا .
فيه معالج اعرفه كويس جدا بيعالج بالقران هروح معاك عنده وان شاء الله ربنا يعينه ويكون سبب في شفائكم من الاسحار دي وفعلا تاني يوم روحت مع الشيخ عند معالج بالقران ولما قعدت معاه وبدأ يقرأ القران عرف كل السحر اللي اتعملنا وبدأ يسألني انت عرفت ازاي انك اتعملك سحر
لما شوفت مراتي في شكل قردة ده غير مشكلة الاتصال مع زوجاتي .
ايوه ايوه فاهم و روحت ازاي عند الراجل اللي اسمه ابو الخلا
عن طريق واحد صديق ليا .
للاسف الرجل ده ساحر ومشعوذ وله ضحاېا كتير ستات ورجالة وشباب وبنات اخد فلوسهم ودمرهم و دمر حياتهم .
فعلا من ساعت ما روحنا عنده وهو بيطاردنا في احلامنا وفي حياتنا وكل ما حد يكون في مكان لوحده يظهر له .
طيب انت علاجك انت واسرتك مبني علي شقين الشق الاول ان ربنا يوفقني في اللي هحاول اعمله لكم من تحصينات لكم من الاذي تحصنكم بأذن الله من أذي الشياطين واتباعهم ومنهم الرجل ده والشق التاني متوقف عليكم انتم لازم تقربوا كلكم من ربنا وتداوموا علي الصلاة وقراءة القران والطهارة طوال الوقت .
وبالفعل بعد ايام قليلة كل السحر اللي كان معمولنا اتفك و اختفي ابو الخلا نهائيا من حياتنا بلا عودة .
ورغم كل ده لكن الشك والوساوس جوايا من ناحية حمل هدير كانت بتزيد كل يوم لحد ما قررت اني لازم بعد الولادة مباشرة لازم اعمل تحليل علشان اتأكد ان المولود ابني .
وفي نفس يوم الولادة طلبت من الدكتور اخذ
عينة مني ومن الولد وعمل تحليل DNA .
كنت عاوز اعمل التحليل بدون علم هدير حفاظ علي مشاعرها وخوف من زعلها لكن للأسف هدير عرفت .
بمجرد ما عرفت هدير اشتعلت نارها وطلبت مني الطلاق مباشرة خاصة بعد ثبوت ان المولود ابني !!!
اعتذرت لهدير كتير وقولتلها سامحيني يا هدير لازم تعذريني بعد كل اللي حصل .
اعذرك في ايه ولا ايه اعذرك في الپهدلة اللي شوفتها من يوم ما اتجوزتك ولا اعذرك في السحر اللي عمله اولادك ليا ولا اعذرك في شكك فيا وفي ابني منك انا اسفه يا ربيع لازم تطلقني .
معلش يا حبيبتي نعتبر كل اللي فات حلم وحش ونبدأ من جديد .
مش ممكن ابدا خلاص حياتنا مع بعض انتهت وانا اللي غلطت من البداية لما افتكرت ان جوازي منك ههرب به من فقر اهلي لكن الحقيقة اني هربت من فقر اهلي لپهدلة عمري ما توقعتها ابدا انا اسفة يا ربيع انا مش هينفع اعيش معاك تاني .
لكن انا بحبك ومتمسك بيكي .
ارجع لمراتك نعمة ولعيالك انتوا هترتاحوا مع بعض اكتر . واعتبرني اني كنت حلم جميل حلمته وطلعت منه بالطفل الجميل ده ده اخر كلام عندك
ايوه ده قراري الاخير .
انتهت .
