دعني احطم غرورك باقي الرواية بقلم منال سالم
مستعد أعمل اي حاجة عشان بس تحني عليا لكن انتي .. انتي مكونتيش أصلا شيفاني وكان كل همك عز وازاي توقعيه مهمكيش تدوسي ع مشاعري وتحرقيني كل شوية بكلامك عنه
دارين انت... انت
حازم ايوه أنا كنت بحبك وعملت كل حاجة كنتي بتطلبيها عشان بس أنول منك ابتسامة رضا لكن لاقيت كل اللي بعمله عشان خاطر البيه عز واني يدوب مجرد شخشيخة في ايدك فقولت وليه ماستفدش منك وغيري كمان يستفاد طالما المصلحة عاوزة ده
حازم يعني أخد اللي عاوزه منك وألبسلك لعز ماهو مش معقول ياخد كل حاجة فريش وع البيكو وأنا أخد فضلته
دارين ايه
حازم وحاجة قصاد حاجة انا كنت أول حد في حياتك وانتي خدتي اڼتقامك منه بس الصراحة متوقعتش انك تسلمي نمر بسرعة لرامز وكمان أنا من ساعة ماشوفت جانا مرات عز وانا .. أنا هتهبل عليها
حازم هي اه لوكال بالنسبالك لكن هي كنز كنز غالي أوي للي يقدره ... لأ و جامدة كمان كان نفسي أوي احړق قلب عز ع حاجة غالية عنده وانتي ماكونتيش فارقة معاه حتى ولا كان بيبصلك وزي ماهو خد مني حبي ليكي وخلاكي متحسيش بيا ولا كأني موجود فأنا كمان هاخد مراته من حضنه وهتبقى ليا
دارين حتى انت يا حازم
دارين وانا مش هسمحلك تحقق اللي انت عاوزه
حازم وقد أمسكها من شعرها يبقى تقولي ع نفسك يا رحمن يا رحيم أنا معنديش حاجة أخسرها واللي هيقرب من جانا هقتله حتى لو كنتي انتي .. جانا م الاخر بتاعتي أنا وبس
حازم يالا بقى اتمشي من هنا عشان انا خارج
دارين في نفسها هتشوف... هتشوف يا حازم هتشوفوا كلكم
مالم تكن تتوقعه دارين أن حياتها هي الاخرى قد تدمرت معهما فهي سقطت مرتين بسبب هوسها بعز والاڼتقام منه مرة مع حازم ومرة مع رامز ..... !!!
وها قد حان الوقت لتدفع ثمن أخطائها ................. !!!
٢٠١٢ ١١٤٥ م نودي قصة ... دعني أحطم غرورك !!
الحلقة الثالثة والستون
عودة للوقت الحالي
في فيلا يوسف الكيلاني
عايدة حصلت أمور عجيبة النهاردة يا جوو في المستشفى
يوسف وهو يقرأ كتابا ما خير يا ديلة
عايدة في واحدة جت اسمها سيلين..
يوسف نعم بتقولي مين
عايدة بقولك واحدة اسمها سيلين
عايدة طلعت مامت جانا وأل ايه جاية تسأل عليها بس جانا طردتها وكانت ڤضيحة
يوسف انتي هتكروتي الحكاية يا ديلة لأ احكيلي بالتفصيل
قصت عايدة ما حدث في المستشفى بين جانا وسيلين وكذلك سهير بالاضافة إلى زيارة حازم لجانا
يوسف حازم !!! وده ايه اللي جابه
عايدة مش عارفة بس أنا استغربت والغريب كمان انه يعرف اللي اسمها سيلين دي
يوسف كمان يعرفها لأ في حاجة غريبة في الموضوع
عايدة مش عارفة بس حتى أما طلبت أكلمه ع جمب رفض
يوسف بس مش ده .. ايوه .. مش ده اللي كان عز اټخانق معاه
عايدة مش عارفة
يوسف انا هسأل ياسين عن علاقة حازم بعز وهعرف ان كان هو اللي اټخانق معاه ولا لأ .. كمان لازم حسين يعرف بالتطورات دي.
عايدة أعتقد أن سهير زمانتها حكيتله
يوسف انا مش بتكلم عن اللي ما تتسمى سيلين أنا بتكلم عن الزفت التاني اللي اسمه حازم
عايدة بعدم فهم اها .. مع اني مش شايفة رابط غير انه عارف سيلين
يوسف ده لوحده كفاية انه يخليني أشك ان في إنا في الموضوع .. ششش الوقتي يا ديلة
عايدة حينما رأت عز ليه ... أها !!
عز مساء الخير عليكو
عايدة أهلا
يوسف مساء النور
عز مالكو
يوسف مافيش
عز طيب أنا أكلت بره هاطلع أرتاح شوية عشان نازل تاني أه ... بالحق أنا خليت دلال الشغالة تجيبلي حاجتي من الفيلا ومشيتها
يوسف براحتك
عز عن اذنكو
وبينما كان يتجه عز الدين للأعلى وهو يتفحص هاتفه سمع اسم يبغضه فتوقف عن الصعود وانتبه للحوار دون أن يدري كلا من يوسف وعايدة ....
عايدة بس الغريب ان جانا معرفتش حازم
يوسف يا سلام
عايدة أه والله كانت متفاجئة بيه وهو قال بالحرف انه يعرفها لكن هي لأ
يوسف باستغراب أما حاجة غريبة طب ليه جالها أصلا
عايدة مش عارفة بس أنا حاسة ان وراه حاجة من الزيارة دي
عز في نفسه راح يزورها !! هي مش عارفاه وأنا مالي بيها يولعوا...
.......
في منزل حسين الدمنهوري
حسين كويس أوي يا سهير اللي انتي عملتيه ده
سهير اومال يعني كنت أسيبها لوحدها وبعدين هي صممت تمشي من المستشفى عشان متشوفش وش المخفية
حسين أنا بستغرب الست دي جايبة الحقد والكره ده كله منين !
سهير الشيطان يا حاج حسين أما بيعمي الواحد
حسين استحالة في أم تعمل كده عشان الفلوس
سهير ربنا يهديها
حسين وجانا عاملة ايه الوقتي
سهير أعدة جوه في أوضتها والحمدلله نامت
حسين والبت دينا
سهير أعدة معاها .. بس بس !!
حسين خير يا سهير قولي
سهير يعني مكنش في داعي انك تفركش خطوبة البت الواد مالوش ذنب
حسين سهير قفلي ع الموضوع ده انا مش عاوز أي حاجة تربطني بالعيلة دي
سهير ده المهندس يوسف كان صاحبك وأخوك و...
حسين مقاطعا كان .. قبل ما ابنه يعمل عملته السودة ويطلق جانا ..
ثم دق جرس الباب
حسين شوفي مين يا سهير
سهير حاضر يا حاج
سهير مش معقول انت
يوسف ازيك يا سهير هانم أقدر أقابل حسين
حسين مين يا سهير
سهير ده ... ده !!
حسين وهو يرى من بالباب انت
يوسف مش هتقولي اتفضل يا سحس ولا ايه
حسين بضيق استغفر الله العظيم .. عاوز ايه
يوسف هنتكلم كده ع الباب
حسين اتفضل
حكى يوسف ل حسين عما توصل إليه من معلومات عن سبب الخلاف بين عز الدين وجانا الذي أدى إلى طلاقهم ووجود رابط قوي بين سيلين وحازم وعن ټدمير شركة عز الدين وما توصلت إليه المباحث في تحرياتها عن الجناة وعن ترك عز الدين للفيلا وجمع متعلقاته منها وطرده للخادمة .....
حسين كل ده مينكرش ان ابنك أذى بنتي
يوسف أنا بفهمك اللي حصل
حسين والمطلوب مني ايه الوقتي اروح أصقف لعز وأقوله برافو ع اللي انت عملته واديله كمان نيشان
يوسف أنا مش بقولك كده عشان تقولي الكلام ده انا بس بعرفك بالجديد واننا نحاول نفكر سوا في حل
حسين معدتش ينفع
يوسف يا حسين .....
حسين مقاطعا اشرب قهوتك اللي بردت وشرفت يا يوسف !!
يوسف ع العموم أنا مش هستسلم وهحاول أعرف تفاصيل أكتر وأبلغك بيها أشوفك ع خير
رغم ردود حسين الجافة وعدم رغبته في تصديق أن ما حدث بفعل مخ شيطاني إلا أن يوسف لن يستسلم في محاولة التوصل للحقيقة ....
............
بعد مرور شهر على ما حدث
في منزل حسين الدمنهوري
دينا ايه يا جوجو هتفضلي حابسة نفسك كده في الأوضة كتير
جانا سيبني يا دينا
دينا تؤ أنا هفضل لازقة بس بليز
