رواية جميلة من الحلقة التاسعة حتي الثانية عشر بقلم الشيماء محمد
انت في الصفحة 1 من 18 صفحات
رواية جميلة من الحلقة التاسعة حتي الثانية عشر
الحلقه التاسعه
بقلم shimooo novels الشيماء محمد
اخر الليل قرروا يرجعوا تحت ضغط من جميله علشان وليد مايتخانقش مع حد ومع الحاهها وافق وفعلا رجعوا واول ما دخل البيت سمع اصوات فاجئته جدا فوق ما يتخيل ويدوب خطي خطوه جوه البيت
اخيرا ظهرت كنت فين سيادتك
وليد بص وراه بتوتر بس عرف ان جميله ما دخلتش
مش هترد ولا ايه للدرجه دي رجوعي صډمه ليك
وليد مفاجأه مش صډمه ... تعالي يا روح قلبي وحشتيني جدا
جريت ونطت اتعلقت في رقبته بحب
وليد مقولتيليش ليه انك جايه كنت استنيتك في المطار
وليد روح قلبي انتي معلش حقك عليا
نبيله هات اختك وادخل يا وليد هتفضلوا كده كتير علي الباب
ندي تعال ندخل يالا اكيد راجع تعبان
وليد راح للباب يقفله ويشوف جميله فين بس مش لاقيها
ندي بتبص علي ايه في حاجه
يدوب قفل الباب وبيدخل لمح جميله واقفه في الطرقه جوه بتوريله نفسها انها دخلت علشان ما يقلقش عليها فابتسملها ودخل متطمن
ندي كويس ان ميس مش هنا الليله
وليد اشمعني يعني
ندي كانت هتاخدك مني ..
وليد مش للدرجه دي يعني ... المهم راجعه قد ايه ولا خلاص هتعقلي وتستقري
وليد حمدالله علي سلامتك يا قمر
ندي المهم احكيلي كل حاجه حصلت من ساعت ما سافرت لحد دلوقتي .....
فضل هو واخته كتير يرغوا مع بعض لحد ما اخته نامت منه .. قام وراح اوضته بعد ما اطمن ان جميله كمان نايمه ...
الصبح فطر هو ومامته كعادتهم وبعد ما مامته خرجت هو دخل يطمن علي جميلته قبل مايمشي
وليد الله يسلمك .. كويس انك عرفتي تدخلي .. قلقت عليكي
جميله عارفه وعلشان كده اول ما دخلت جيت اوريك نفسي
وليد وحشتيني الليله دي .. تيجي نعملها تاني انا وانتي
جميله لا ربنا سترها مره ... المهم اطلع بقي لاحسن حد يشوفنا
وليد قربي مني الاول تعالي
وليد ما تسكتي بقي ايه سي وليد سي وليد اسكتي وقربي ...
جميله خاېفه ست ميس تيجي
وليد ميس في اسكندريه .. وبعدين معاكي يا جميله بقي
جميله انا بس مش عايزه اعملك مشاكل
وليد يبقي تقربي وانتي ساكته
حطيت ايديها حوالين رقبته وعاشوا مع بعض لحظات مسروقه ومره واحده شالها ورايح ناحيه اوضتها...
ندي صحيت لبست هدومها ونازله مبتسمه تستقبل يوم جديد .. ما لقتش حد .. السفره جاهزه بس محدش عليها ومامتها مفيش .. دخلت المطبخ تشوف علية فين بس ما لقتش حد نهائي والدنيا ساكته وهدوء .. كانت خارجه بس سمعت صوت ضحكه .. وكلام .. ايوه مش عالي بس في حد بيتكلم .. راحت وكان الصوت طالع من اوض الخدم
واتفاجئت انها سامعه صوت اخوها .. لا اكيد مش هو وليد مالوش ابدا في علاقات مشبوهه وعمره ما يخون ابدا ... بس حتي لو ده مش اخوها في حاجه مشبوهه بتحصل جوه .. مقدرتش غير انها براحه تفتح الباب واټصدمت من المنظر اللي شافته .. اخوها في السرير مع الخدامه !!!
كانت صډمه عمرها لان طول عمرها وليد مثلها الاعلي في كل شيء ... وليد وبس اللي ما بيغلطش وليد هو كل حاجه ... مقدرتش تشوف اكتر من كده
ندي مش ممكن
وليد بص بسرعه للباب واتفاجيء باخته فشد الغطا عليه بسرعه وهيا جريت .. نادي عليها بس ما ردتش .. قام بسرعه يلبس هدومه
جميله سي وليد
وليد بس يا جميله خالص دلوقتي لازم الحقها
في خلال دقيقه كان لابس وطالع وراها حافي
لحقها في الجنينه قبل ما تركب عربيتها شدها ووقفها ودموعها مغرقه وشها
ندي ابعد وسيبني .. سيبني خالص ما تلمسنيش
وليد طيب اسمعيني
ندي اسمع ايه هتبررلي عملتك دي بإيه غير انك استغليت ان محدش في البيت وبتستعبط مع الشغاله .. الشغاله يا وليد .. عمري ابدا ما تصورتك من النوعيه دي .. انت اكبر من كده .. انت مش كده .. مش انت الراجل اللي يستغل سفر مراته علشان حاجه زي دي .. ارجوك قولي انك مش كده
وليد خلصتي كلامك ولا لسه
ماردتش بس دموعها مستمره وصوت عياطها
وليد جميله مش شغاله
ندي ضحكت بتريقه هاه
وليد جميله مراتي يا ندي ... مراتي علي سنه الله ورسوله
ندي بصتله پصدمه اكبر والدموع جمدت في عنيها
ندي يااااه يا وليد ... يا ريت كانت مجرد شغاله وانت في نزوه معاها
وليد انتي بتقولي ايه بقولك مراتي
ندي سمعتك .. مكنتش متخيله انك منهم
وليد انا مش فاهم حاجه .. من مين
ندي من الرجاله
