رواية المشوه الفصل الخامس والسادس

عايش فيها مش عارف يخرج منها زي ما تكون ذكرياته دوامه بلعاه ولا عارف يخرج ولا بېموت ويرتاح
تاني يوم اخر النهار وليلي خارجه من المدرسه من حصص التقويه اخر النهار لمحت ماكس ماشي ندهتله وهو راحلها
ليلي وحشتني ياتري صاحبك فين
بصلها وانتبه
ليلي انت فاهمني
الظاهر اني اټجننت وبتكلم مع بكلب
لو فاهمني خدني عند ادهم فاهم ادهم
هز الكلب ديله ومشي كام خطوه وبصلها
ليلي ايه مش فاهمه انت هتاخدني
رجع الكلب ليها وشدها من هدومها
وهيا مشيت معاه
دخل وسط الشجر اترددت وخاڤت لانها جبانه جدا والنهار في اخره وشويه والشمس هتغيب افرض الكلب جري منها ترجع ازاي
وقفت متردده والكلب مستنيها وفي الاخر حسمت ترددها ومشيت وراه ومسكت ديله علشان ميبعدش عنها
واخيرا لمحته قاعد بعيد وساند علي شجره ومديها ظهره
ادهم اخيرا ظهرت يا ماكس
ما اخدش باله من ليلي اللي وقفت مكانها تبصله من بعيد
واخيرا نطقت
ليلي ديما بتختار مكان بعيد وتقعد فيه
ادهم اتفاجئ بصوتها وقام وقف وبصلها نظره طويله وبيفكر جديا يجري ياخدها في حضنه او يخطفها من البلد دي خالص واخيرا عرف ينطق
ادهم انتي بتعملي ايه هنا
ليلي وحشتني قلت اجي اشوفك فماكس جبني
ادهم اممم وبعدين
ليلي بس يا سيدي قلتله ما ينفعش الكلام ده بس هو اصر
ادهم ضحك وهيا ضحكت
ليلي ايوه كده محدش واخد منها حاجه
ادهم رجع قعد مكانه وهيا جت وقعدت قصاده
ادهم ولو حد شافك وقال لابوكي
ليلي سيبك من ابويا دلوقتي
ادهم وبعدين
ليلي مكنتش اعرف انك جبان قوي كده
ادهم جبا... جبان ايه انتي متخيله اني خاېف من ابوكي او اهل البلد دي كلها انا خاېف عليكي انتي مش عايزك تتخانقي معاه او تزعلو من بعض بسببي
ليلي ولو اتخانقنا بسببك فيها ايه
ادهم مش عايز ده انتي متعرفيش قيمه الاب ومعشتيش من غيره فحاسه انه عادي انك تزعليه بس لو جربتي الحرمان مكنتيش قولتي كده
ليلي عارفه يا ادهم قيمه الاب كويس بس ده ما يمنعش اني يكون ليا حياه خاصه
ادهم اختاري حد مناسب ليكي
ليلي القلب اللي بيختار مش احنا
قربت منه قوي ومسكت وشه باديها الاتنين
وهو قلبه كان هيقف من قربها ده.
ليلي ادهم حاول توقف عقلك شويه مش كل حاجه بتتحسب بالعقل فكر بده وشاورت علي قلبه
ادهم انا معنديش قلب علشان يدق 
ليلي امم فعلا انت معندكش قلب خالص
ادهم ليلي انا ما انفعش
ليلي وليه متنفعش ومتقولش ابوكي.
ادهم بعيد عن ابوكي انا معرفش اصلا يعني ايه حب وعمري ما حبيت ولا اتحبيت قبل كده وعايش في عزله انا راضي بيها لكن لو حبيت وجربت الحب وجربت الاهتمام من حد وبعدها ارجع لوحدتي تاني مش هستحملها لاني دوقت طعم الحب.. لكن قبل كده ايوه عارف اني مفتقد الحب في حياتي.. اي حب مش شرط حب حبيبه.. حب اب او ام او اخ او صاحب بس مجربتوش فمتحمل وحدتي وراضي بيها لكن لما اجرب واعرف طعمه مش هرضي بالوحده تاني وهتعذب فوق عذابي..
ليلي انا مش حمل رفاهيه الحب يارب تكوني فهمتيني.
ليلي فهماك بس ليه مفترض ان بعد الحب هترجع لوحدتك تاني هو انا مش كفايه عليك
ولا انت عندك استعداد تحب بس مش انا وانا فارضه نفسي عليك ولا ايه يا ادهم
ادهم تاني فارضه نفسك دي ليلي انتي حلم معنديش الجراه اني احلمه افهمي
ليلي ليه انا اهو ماده ايديا الاتنين انت اللي رافض تمسكهم
ادهم لاني زي الغريق اللي بېموت وخلاص تقبل مۏته ده بس فجاه تتمد له ايدين فتديله امل واول ما هيمد ايده هتختفي الايدين