عشقك اهلكني الفصل الاول

تصدق رفق الله بها ...لقد تم قبولها لتعمل بشركة الشناوي للمقاولات ...تم قبولها كسكرتيرة لصاحب الشركة وهو قصي الشناوي ....كم فرحت بالأمر عندما تم قبولها ...كانت سعادتها لا تقدر بثمن ...تلك الشركة كانت معروفة ...وتمنت دوما ان تعمل بها ...
لذلك فعلت ما بوسعها لتنال إعجاب قصي ...عملت بجهد فعلي ....وبالفعل استطاعت الفوز بإعجاب قصي بسبب تفانيها واحترامها لذاتها...وعلى الرغم من الود الذي كانت تظهره للجميع الا أنها كان أيضا تعمل على وضع حدود مع ذكور الشركة ...فلم تسمح لأي حد بأن يتجاوز حدوده معها..
.......

أنا بصراحة مبسوطة أووي يا خالتو في الشركة دي ...باشمهندس قصي راجل طيب اووي ومش زي المدير بتاعي اللي كان بيذلني بالألف وميتين اللي كان بيدهاني دي ولا كأني بشحت منه ...وغير كده هو متواضع اووي ...بدرجة متتخيلهاش ...وبيحترم الست ويقدرها و....
بس بس خلاص ...
قالها خالتها مقاطعة كلمات ابنة اختها المتحمسة ...كان لا يعجبها هذا الحماس وخاصة بعد ما قاله لها ماجد. ..
عبست مياسة وقالت
فيه ايه يا خالتو!أنا قولت حاجة غلط ...
لا يا حبيبتي بس من أول ما جيتي وأنت واكلة دماغي بأستاذ قصي ده....متتكلميش عنه كتير بالشكل ده الناس هتفهمك غلط ..
ابتسمت مياسة بإحراج وقالت 
عندك حق يا خالتو اسفة ...
ابتسمت سناء وهي تربت على كفها وقالت 
بقولك يا مياسة ممكن يا بنتي افاتحك في موضوع كده...
هزت مياسة رأسها مبتسمة ....
ماجد يا بنتي ..
تلاشت ابتسامة مياسة لتتكلم سناء بسرعة وتقول 
أنت عارفة ان بعد ما مرات ماجد اټوفت وهو في حالة نفسية وحشة اوووي يا بنتي ...وماجد كلمني وهو بيحبك ولسه شاريكي ...ومن الآخر كده ماجد عايز يتجوزك وبيقول انه هينفذ كل طلباتك وهيحط الشرط اللي أنت عايزاه في العقد قولتي ايه !
يتبع
هل_أسعدك_قتلي
سولييه_نصار