احفاد الچارحي الجزء الخامس من الفصل الحادي والعشرين حتي الفصل الخامس والعشرون بقلم آية محمد رفعت

انتي كده مش هتلحقي تدخلي المعټقل! 
جلست على المقعد المجاور لها وعدلت من طرف فستانها الأسود بعنجهية لحقت نبرتها المتغطرسة 
_أنا مستمرة وهستمر في قمح ظلم الرجال المستبدة اللي زيك وزي ولاد عمك لحد ما تلجئوا للتوبة الأكيدة وعلى ايدي بإذن الله. 
خرج عن رزانته فكاد بالسقوط بها للخلف وهو يصيح من بين اصطكاك أسنانه 
_والله محد مستبد غيرك.. اعقلي يا نور وفكك من شبح ريتشارد قلب الأسد اللي ساكن جواكي ده الشباب لو حطوكي في دماغهم هيكرهوكي في نفسك.. لو عدي فاقلك هيفرمك. 
دفعته بقوة للخلف وهي تصيح بانفعال نجح بجرف قدميها اليه 
_عدي مين.. احنا معانا الكنج يا حبيبي مكالمة واحدة لياسين باشا الچارحي يقعدكم في البيت. 
راقب الشباب ما يحدث بضجر وملل ينتابهم حينما يحاول أحد منهم التوصل لحل حيادي مع قوة زعامة النساء داخل نسل الچارحي فتدخل أحمد بينهما حينما قال بتريث 
_أيه اللي يراضيك يا نور وصدقيني مش هنختلف. 
ابتسامة واسعة تسللت على شفتيها فغمزت بمكر لعمر ومن ثم جذبت المقعد المجاور لها واتجهت لمنتصف الردهة وضعته وجلست عليه لتكون قبالتهم وجذبت ورقة وقلم واخذت تدون أشياء مجهولة زرعت القلق بالنفوس عما تخطط له ومن ثم قالت 
_نبدأ بالأكبر سننا فالأصغر... ومعانا ياسين. 
رمش بعينيه بذهو ومع ذلك بدى ساكنا بإشارة أحمد المتوسلة له فتابعت نور قائلة 
_والله يا بشمهندس سجلك نضيف لدرجة إني زعلانه وأنا بناقشك بالشكوة التافهة ديبس ما علينا..
وتنحنحت وهي تسترسل بصوت خشن
_ الزوجة تشتكي إنك أحيانا بتقصر بواجباتك كزوج وإنك بتخرجها كل فين وفين مع ذكر مميزات كتيرة تخلينا ممكن نتغاضى عن أخطائك. 
ردد پصدمة 
_اخطائي!! 
أشار له أحمد مجددا فرسم ياسين بسمة مصطنعة وهو يخبرها 
_حاضر يا نور هحاول أخد بالي من النقطة دي.. أي نصايح تانية 
هزت رأسها بالنفي وأشارت له وهي تمزق صفحته من دفترها 
_براءة. 
وجذبت ورقة أخرى ثم قالت 
_أستاذ احمد. 
كبت أحمد ضحكة كادت بالانفلات منه وقال بثبات 
_خشي في العيوب على طول يا نور انتي قريبة منهم وهتقدري تسمعي عيوب احنا منعرفهاش عن نفسنا.. فالافادة خيرا من المؤامرة. 
ابتسمت وهي تخبره 
_سجلك أبيض وبورد فوشيا. 
وضع يده على موضع قلبه بمرح 
_اللهم لك الحمد.
رفعت القلم تحذره 
_بس عندك ثغرة لازم تاخد بالك منها. 
ضحك تلك المرة وهو يخبرها 
_سامعك اتفضلي. 
قالت وهي تطوي صفحته 
_اسمع الولية وسامح يا عم.. ده رمضان داخل المسامح كريم وكل سنة وأنت طيب. 
وقبل أن يجيبها فتحت صفحة جديدة وهي تتطلع للشخص المقصود 
_الأخ رائد بقا ما شاء الله كل تاريخه أسود مفيش حاجة شفعتلك خالص. 
أشارت رانيا الى نور لتتوقف عن حديثها هذا فڤضحت أمرها حينما قالت 
_بتشاورلي ليه مهو ضعفك وحبك الزايد ده اللي مخليه شايف نفسه عليكي يا خايبة لو كنتي مشيتي معايا في جلسات علاجه وعملتي لنفسك قيمة وكاريزما كان زمانه الوقتي بيعض أصابعه ندما لكن من أول يوم بوظتي خططنا وراحة تتكفي على وشك قدامه بوظتي كل شيء!!! 
كز رائد على أسنانه فكاد بأن يجيبها بكلمات لازعة لولا اشارة أحمد المتحكم بانفعالات الجميع فقال ببسمة ساخطة 
_أوعدك اني هتغير. 
مزقت الصفحة وهي تردد بنزق 
_هنشوف ياخويا.. كل شيء هيتكشف ويبان. 
ودونت على الصفحة الاخرى قائلة 
_كابتن معتز بقا. 
قاطعها بتوعد 
_بلاش أنا يا نور عشان زعلي وحش. 
هدرت پغضب 
_على نفسك يا حبيبي قولت انا مسنودة من ياسين الچارحي... وبعدين انتوا محتاجين حد يواجهكم بعيوبكم عشان تفوقوا للجواهر اللي معاكم دول حياة رجال الأعمال دي متلزمناش انا بحارب عشان الغلابة دول! 
تطلعوا تجاه الفتيات بناء على إشارة اصبعها فوضعت كلا منهن بخاخة الشطة الحاړقة من يدها وتوسدن ملامح البراءة المصطنعة استرسلت نور قائلة 
_انت يا أخ معتز مش قادر تفرق بين كيان المرأة وبين طقم السكرتارية اللي محدش طايقك فيهم.. الكلام جايلي وأنا في قلب الحدث ومع ذلك مصممة اساعدك تتغير يبقى تاخد بالك وتلم الجلافي اللي ملهاش صاحب دي وتأخد بالك من الغلبانه اللي قررت تحارب عشان كيونة المرأة. 
_أيه! 
تساءل عمر بدهشة فقالت وهي تمزق صفحته 
_كيان المرأة يا دكتارة روق. 
اتجهت أعين عمر لنظرات الشباب المتوعدة له ولزوجته فقال پخوف 
_مستعد أطلق! 
رددت نور بصوت عالي 
_أستاذ جاسم. 
أجابها بنفور 
_مش موجود. 
تجاهلت ما قال وأخذت تدون وهي تردد بصوت مرتفع 
_انعدام المسؤولية. 
جحظت عينيه پصدمة فاسترسلت 
_مينفعش ترمي مسؤولية البيبي على مراتك طول الوقت دي بنت ناس اتجوزتك واتشاركتوا معا في عملية الانجاب كونك تخلع من مسؤوليتك بعد كده يخليك أب غير مسؤول بالمرة. 
أمسك جاسم معصمه حينما شعر بأنه على وشك مهاجمتها في الحال وهمس إليه 
_عدي المركب تمشي.. دي الريسة يا باشا. 
ابتلع ما تردد على لسانه وقال بهدوء زائف 
_ماشي يا نور.. هاخد بالي حاضر. 
مزقت الصفحة من أمامها ثم دونت الأسم التالي وهي تردد بضجر 
_حازم باشا انت صفحة واحدة لا تكفي العيوب اللي قدامي أنت عايز مجلد يمتد إلى ما لا نهاية أنا حقيقي والله مكسوفالك بكبورت شكاوي تم لصقه في صفحة شكواك لدرجة اني عاجزة اعاتبك عن أيه ولا أيه.
برق بعينيه فوزع نظراته بينها وبين زوجته التي تناطحه النظرات بكل