العاصفة الجزء الاول الحلقه ال12

أنا مش بلومك أنا بس عايز أعرف ايه اللي حصل في الليلة دي .. مش عايز كل شوية أتفاجيء بحاجة جديدة ... مش عايز ده يا أمل
أمل بجمود مسحت دموعها وبصتله اتفضل اسأل.
شريف بحيرة أنا مش عارف أسأل عن ايه علشان أسأل .. أنتي عرفيني ايه اللي حصل بالظبط ! ازي اتعشيتوا مع بعض ليه ! امتى ! طيب لما نمتي ازاي اطمنتي تنامي وأنتي في وضع زي ده ! ازاي حسيتي بالأمان ! وأسف أسف بس لازم أسأل عملوا ايه معاكي بالظبط ! وبعدها خرجتي ازاي ! لبستي تاني ازاي ! مين لبسك لما اتصابتي واتكسرت ضلوعك ! هو كريم ! السيناريو مش ظابط جوا دماغي يا أمل وهتجنن من التفكير وخصوصا من ساعة ما الكلب ده قال اللي قاله .. أنتي عارفه قد ايه صعب إن واحد يقول جملة زي دي عن إنسانة أنا هرتبط بيها ! مراتي أنا بتاعتي أنا غيري شافها عريانة ومش واحد واتنين دول اربعة.
أمل وقفت وهو سكت وبصلها
وهى بتتنفس بالعافية سميرة شافتها ومستغربة مالهم وقربت منهم وسمعت بنتها لو أنت صعب عليك قيراط فأنا صعب مليون قيراط عليا .. أنت بتتكلم عن ايه ها ! عن واحد بيحاول يغتصبني قطع هدومي ! وأنا اللي اتعرضت لده مش متخيل إحساسي أنا ايه ! بس هجاوبك يا دكتور.
أنا اه أكلت لأني كنت فعلا جعانة جدا واه خيطت ايده لأنه إنسان أنقذني من المۏت ومن كلاب ضالة وايده اتفتحت بسببي فأقل شيء إني أوقف ڼزيف ايده وأحاول أساعده ... واه نمت ساعتها كان بقالي يومين بذاكر للامتحان اللي كان عندي وبعدها طلعت على سفر كملت بدموع ونمت فعلا وصحيت على الكلاب دول مكتفين كريم وضړبوه قدامي پسكينة ووقع بېموت قصادي وضړبوني أنا .. ضړبوني لدرجة إني لحد الآن لسة بتوجع من آثار ضربهم..
قطعوا هدومي وكرامتي ودبحوني .. ولحد الآن أنا موجوعة من اللي عملوه .. واغمى عليا من الضړب ماقدرتش ومعرفش ازاي كريم قدر عليهم ومعرفش ازاي قام كل اللي أعرفه إنه قال إن الواد الثالث خاف وساعده لقيته بيصحيني وكنت في عربيته وهو پينزف وسايق ولبست هدومه هو حتى شعري غطيته بكوفية بتاعته وبعدها قالي إني لازم أسوق أنا لأنه وصل لآخر تحمله وبالفعل اغمى عليه وكان پينزف وبيموت وأنا من هول الموقف اللي أنا فيه معرفتش ولا حسيت إني متصابة ولا إن ضلوعي مکسورة أيوة مجوعة بس مش مستوعبة الألم اللي أنا فيه .. ومشيت لحد ما شوفت عربية واقفة والحمد لله إنهم كانوا أهله ساعتها انهرت أنا .. وأعتقد الباقي معروف ..
شريف أخد نفس طويل وباصص للأرض ومش عارف يتكلم ولا قادر يشرح وجهة نظره والاتنين اتفاجئوا بسميرة بتتكلم خلصت إتهاماتك ولا لسة عندك إتهامات تانية
شريف وقف مرتبك ست الكل أنا مش پتهم
سميرة زعقت امال سيادتك بتعمل ايه ها ! أنا أصلا مش عارفة ازاي أمل سمحتلك تتكلم !
بصت لبنتها ازاي بتسمحيله يتهم ويتكلم بالشكل ده ! هو مالوش عندنا غير دبلة اقلعيها وارميها في وشه
عبدالله خرج على صوتها العالي في ايه يا أم طه بتزعقي كده ليه 
سميرة بعصبية سيادته جاي يحقق مع بنتي ويتهمها
شريف اتدخل بسرعة والله أبدا ما پتهم أنا بس بحاول أفهم
سميرة زعقت تفهم ايه ها! بنتي أشرف وأطهر بنت في الدنيا كلها ولو عندك شك ولو واحد في المليون يبقى اتفضل من هنا
شريف بيحاول يبرر موقفه مش شك لكن أنا فوجئت باللي اتقال .. أنا كنت قاعد معاهم وفوجئت باللي اسمه كريم وهو بيتكلم عن العشا اللي اتعشاه معاها ! بقيت متنح ! عشا ايه الي بيتكلم عنه ده ! واحدة مخطۏفة وفي عاصفه وناس بيطاردوها وبتتعشى ! بلاش العشا .. الكلب اللي بيتكلم عن جسمها ويتسافل ... أنا بس كنت عايز أفهم ايه اللي حصل بالظبط ! أعتقد حقي.
سميرة زعقت لا مش حقك ومالكش أي حقوق أصلا .. ويكفي جدا اللي هي قالته وكان المفروض تكتفي بكلامها هي اتفضلت واتكرمت وقالتلك ومش مطلوب منها ده أصلا
عبدالله اتدخل