عودة الروح الجزء الثامن بقلم دينا النجاشي

ممكن تخليني ابعد
سوزان بدموع... حتي لو مبعدتش انا اللي هبعد لان من حقك يكون ليك اطفال وايان من حقه يكون ليه اخ او اخت الحب مش كل حاجه وهيجي اليوم اللي هتحس فيه بالندم لما تلاقي العمر عدا بيك ومفيش غير ايان وهتتوجع اكتر لما تفكر في ايان ووحدته
اسر بنفي... انا مكتفي ب ايان ومكتفكي بيكي ومش عاوز في الدنيا دي غيركم وبس
سوزان برفض ابتعدت عنه لتنظر له بدموع... انا مش هقدر ياريت متفتحش معايا الموضوع ده انا مبقتش حمل حاجه سيبني اعيش كده راضيه بنصيبي
اسر ... تمام يا سوزان وانا مش هجبلك سيرة الموضوع تاني ويلاه عشان اوصلك
شعرت سوزان بالحزن من طريقته التي تحولت واستنتجت ان هذا التغير بسبب معرفته بعدم انجابها في المستقبل فمتلأت عيونها بدموع وغادرت امامه اما اسر فكان يشعر بالحزن لا يعرف كيفية اقناعها وايضا يعلم بانها ستظل تأنب ضميرها طوال العمر لو تزوج بها فتنهد بۏجع وقرر فعل اي شئ حتي تتاكد من صدق مشاعره
_صعدت سوزان السياره وانطلق اسر ولم ينطق بكلمه واحده طوال الطريق وبعد وقت وصلت امام منزلها فترجلت دون كلمه وصعدت ودموعها تتسابق علي وجنتيها اما اسر فكان يتابعها الي ان اختفت فتنهد بحزن وغادر هو ايضا
وفي اليوم التالي وتحديدا في المقر الرئيسي لشركه كان يجلس شاردا بحزن فدخل عليه جاسر
_مالك يبني واختفيت فين امبارح
اسر بتنهيده.... مفيش المهم ايان قال اي لما مشيت
جاسر بهدوء... سال عليك انت وسوزان وقلتله انها اتاخرت وبابا راح عشان يوصلها فسكت ولعب مع اصحابه
اسر بحزن.... ان شآء الله هروحله النهارده
جاسر بجديه... مش هتحكي وتقول حصل اي
اسر.. مفيش حاجه عشان احكيها كل ما في الموضوع انها مش مرتاحه وخلاص
جاسر بتفهم... وانت هتسكت علي كده يبني دي بټموت فيك بس اللي مستغربه ليه رغم الحب ده كله مش عاوزه تدي لنفسها فرصه
اسر بالم تنهد بحرقه وقرر التحدث ربما يشعر براحه.... زمان حصلها حدثه وبسببها فقدت الرحم وشايفه انها كده هتظلمني وان ايان محتاج لأخ وانا هيجي اليوم اللي هندم فيه وهكون نفسي في اطفال
جاسر بحزن..... لا حول ولاقوة الابالله
اسر بتعب... اعمل اي عشان اقنعها اني مكتفي بيها هي وايان ومش عاوز غيرهم انا بجد بحبها يا جاسر انا لاول مره في حياتي اعرف يعني اي حب وبحزن لما اتجوزت حلا كان جواز صلونات وحبيتها حب عشره وكنت فاكره ان هو ده الحب لغايت ما قابلت سوزان فهمت يعني اي حب ويعني اي وجعه قبل كده كنت بستغرب دموعك علي حنين بستغرب وجعك اللي عايش فيه لما بعدت وحبك ليها ودلوقتي فهمتك وعذرت وجعك ولهفتك عليها
جاسر بهدوء... اكدلها حبك يا اسر ومع الوقت هي هتتفهم صدق مشاعرك وهتدي لقلبها
الحريه وساعتها مش هتقدر تبعد او ترفص لان الحب عڈاب ومهما حاولنا نتحكم فيه مش بنطول
اومأ اسر بحزن
فربت حاسر علي يده... ان شآء الله كل اللي جاي خير
عند سوزان استيقظت من نومها بتعب وقامت باخذ شاور وبعدها صلت فرضها وفي سجودها ظلت تبكي بۏجع وتحدث ربها عن كل ما تحمله من حزن وبعد الانتهاء بدلت ملابسها ووضعت ميكب خيف يخفي اثر دموعها وخرجت لروضه وفي طريقها ظلت تفكر في اسر وتحاول كبت دموعها... تفكر في حديثه ابتسامته التي احبتها فهي لن تنكر ان اسر هو حبها الاول.. ابتسمت من بين دموعها بغرابه فهي عشقته في فتره صغيره أغمضت عيونها بۏجع وفتحتها مره اخري فراته امامها لتتسع عينيها پصدمه... اي ده انا بقيت اتخيلك كمان
اسر بضحكه.... هو انا شاغل تفكيرك ولا اي
شعرت سوزان بالاحراج مما تفوهت به ليقترب منها اسر وينزل لمستواها وبهمس وحشتيني قلت اجي اشوفك
سوزان بتوتر ابتعدت خطوه للخلف.... احم هو ايان مش هيجي بقا
اسر بابتسامه... يعني ايان بس اللي وحشك طيب وابوه
سوزان بابتسامه قامت بإخفائها... احم انا لازم اروح الروضه لاني اتاخرت
اسر بهدوء... ماشي بس اعملي حسابك هخدك بعد ما تخلصي عشان عاوز اتكلم معاكي
سوزان بهدوء... اظن اننا اتكلمنا امبارح وانا وضحتلك كل حاجه
اسر ببرود... وانا هعتبر نفسي مسمعتش حاجه لاني بحبك ومش هفرط في حبي دا ابدا
ادمعت عيون سوزان ونظرت له فقبل وجنتيها وغادر دون كلمه اما هي فظلت مكانها تنظر لأثره وقلبها ينبض بسرعة ولا تعرف ما ستفعله لكن ما ما يجول بداخلها انها علي حق ولن تتحمل ۏجع مؤكد لو انحازت وراء مشاعرها