الحنانة الحلقة الاولي و الثانية

عارفين لو حكيت لكم قصتي دي محدش هيصدقها هتقولوا مچنونة ولا بدعي لكن للأسف اللي حضروا القصة دي معايا وشافوا بنفسهم شاهدين عليها.. 
أنا باختصار كانت علاقتي بالعالم الآخر معډومة وكنت بفكر كل ده قصص وتأليف تسلية يعني زي الأفلام كده  لكن لو كان حد أقسم لي إن اللي حصل لي ده هيحصلي كنت قلت دجال ولا بيخوفني للأسف الواقع مرعب عن الخيال مليون مره. القصة بدأت لما كنت بجهز ليوم حنتي زي أي عروسة واتفقت أنا والبنات صديقاتي نعمل حفلة حنة عندي في البيت ونفرح كلنا كنت بشوف اللي بيرسموا حنه بأشكال ونقوش جميلة وبصراحه بحب ده جدا. فقلت أشوف ناس متخصصة يجوا ونعمل الحفلة وألبس زي الهنود كده ساري هندي والحنانة تنقش لي على كفوفي وأفرح أنا والبنات مكنتش أعرف حد متخصص لكن خالتي لما عرفت من بنتها أني بدور على حد للحفلة دي لقيتها بتقولي لأ الحفلة دي عليا أنا هدية ليكي مني. بنت خالتي كانت في نفس سني وكنت بحبها جدا وكانت من ضمن الشلة بتاعتي 

كنت فرحانه وعرفت خطيبي إني هعمل حفلة حنة وفيه حنانة هتيجي لنا البيت قلت أخليه يعزم أخته وصحباتها كمان. كلنا كنا فرحانين جدا 
يوم الحفلة الصبح لقيت الباب بيخبط ماما فتحت لقت الناس اللي مع الحنانة كانت فرقه ب دي چي وملابس بصراحه انبهرت وقلت أكيد خالتي دفعت مبلغ كبير عشان تفرحني 
فات كام ساعة ووصلت الحنانة كانت ست طويله وجسمها ممشوق أوي متعرفش تديها سن كانت خمرية البشره وعليها نظرة مكنتش مريحاني ليه معرفش 
قعدنا وابتدت الحنانة تجهز شغلها. ندهت لي وقعدت قدامها بصيت لي بصة غريبة وقالت هاتي ايدك وريني 
اديتها ايدي لقيتها فردت كفي ومسكته وبصت فيه بتركيز وعنيها فجأة بقت تلمع أوي. 
بصت لي وقالت مبروك ياعروسة يلا نشتغل. 
مسكت ايدي وطلعت ادوات الحنة وابتدت تنقش رسومات غريبة رسومات مشوفتهاش قبل كده. كانت مبهرة خرافية. كنت مبسوطة جدا وهى كانت بترسم وهى بصة كل شوية ليا ومبتسمه. 
مسكت كل البنات عشان ترسم لهم بس اللي لاحظته مكتش فيه ولا بنت اترسم لها زي رسمتي كلهم رسم تقليدي 
كنت برقص وفرحانه وقضيت أنا والبنات يوم جميل كله فرح وسعاده مكنتش أعرف أنها أول ليله في مشوار عذابي.. 
خلصت حفلة الحنة ودخلت أنام حسيت بتعب في ايديا الاتنين مكنتش عارفه في ايه. 
شوية ولقيت خيال أسود جري من جنبي. قلت تهيوؤات من التعب والسهر وتجهيزات قبل الجواز طبيعي قلة النوم تعمل أكتر من كده 
جسمي كان بيسخن وايدي ورمت وبقت شكلها مخيف صدري كان مخڼوق وحاسه روحي بتنسحب مني 
مكنتش قادره أنادي حد يلحقني. الأرض نفسها لما كنت