الحنانة الحلقة التالتة و الرابعة
زي عيون السمك
الحنانة.. هى هى أنا فاكره الشكل والابتسامه الشيطانية دي..
كملت صلاة
بسم الله الرحمن الرحيم
قلبي كان بيستنجد يارب يارب انجدني
وقفت تبص لي بكل جبروت وتشاور لي أروح معها..
رفعت راسي لقيت أمي على الكرسي بتاعها والحنانة واقفة وراها ماسكه راسها
كنت عايزه أصرخ هقطع الصلاة.. يارب يارب
الحنانة مدت ايدها على رقبت أمي....
لألأ...
كنت بكمل الصلاة وأنا ھموت م الړعب الحنانة واقفه قدامي وماسكه أمي. ايدي كانت كأنها هتتقطع. نقش الحنة الملع ون ده بيوجعني
السسس... لام..
ايه ده الحنانة اختفت. مفيش حد في الأوضة طلعت أجري على أوضة أمي لقيتها نايمه في سريرها.
كل اللي كنت متأكده منه أن فيه حاجه مخيفه مش منطقية بتحصلي مش فاهمه ايه السبب في كل ده
طلعت أفتح الباب لقيت خالتي واقفه قدامي..
ازيك ياحبيبة خالتك عامله ايه دلوقتي طمنيني عليكي يابنتي..
كنت بضحك من جوايا على كلامها
حبيبتك وعايزه تطمني عليا غريبة بجد
قلت لها اتفضلي ماما جوه بس نايمه
دخلت وبصت لي بتركيز واتلفت حواليها.. أبوكي هنا ولا فين
قلت لها مش عارفه راح فين صحيت ملقيتوش يمكن خرج على القهوة زي كل يوم ما أنتي عارفه يافي شغله يا القهوة يا فوق السطح
قالت لي كويس أهو يبعد عن هنا
قلت له يبعد مش فاهمه تقصدي ايه
قالت ولا حاجه يابنتي أنا داخله لأمك أطمن عليها
معرفش مكنتش مرتاحه لخالتي وحاسه فيه حاجه مش مفهومة وهى مخبياها
دخلت أوضتي وقلت أمسك المصحف وأقرا شويه
دورت على المصحف ملقيتوش.. أنا فاكره كنت حاطه مصحف هنا..
قعدت ادور في دولابي وعلى مكتبي إني الاقيه محصلش
طلعت أدور عليه في الصاله بره.. ملقيتوش.. قلت يمكن في أوضة أمي
قربت أفتح الباب.. سمعت أمي بتقول لخالتي
هو عذابي ده مش هينتهي بقا أنا مړعوبه على بنتي خاېفه ومش عارفه ايه هيحصل
سمعت خالتي بتقول.. انتي السبب في كل ده مسمعتيش كلامنا زمان وأهو بتدفعي تمن ده كله واحنا بندفعه معاكي لكن خلاص مش هسكت تاني كفايه بقا
أمي اټرعبت.. لأ أبوس ايدك كفايه كفاية ډم كفاية اللي حصل
رجعت ايدي من على اوكرة الباب وأنا مش مستوعبة ايه
