نواضر الحلقة التاسعة و العاشرة و الاخير

ونخلص قولت لأ الترعة والناس هتفتكرها النداهة زي ابن شوادفي محيسن.. 
طلبه قال لها أنا كنت أعرف منين ان بنت الحړام دي هتظهر كده وتاخود بالها. أنا هتجنن هى عرفت ازاي ومنين 
مسعدة كانت قاعدة تخبط  بايدها  على صدرها شويه وعلى الحيطة شويه. 
اه ياناري حتى السحر محوقش فيهم ده أنا دافعة كيردان دهب في العمل ده 
طلبه قال أنا اللي مطمني أنها ضريرة ومش شايفه مين اللي عمل العمله دي.. 
فجأة لقوني قدامهم.. 
مسعدة كانت هتتشل وطلبه مش قادر يقف على رجله. 
تفتكر أني ضريرة يا طلبه! 
تفتكري أني كده يا خاله مسعدة ومكنتش شايفه ابنك وهو بيرمي العيال وأنتي مدارية له في غيط الدرة 
طلبه لسانه اتعقد ومسعدة ھتموت من الړعب.. 
طلبه كان جنبه فاس لقيته بيتسحب بشويش عشان يمسكها وطبيعي هيخبطني يقت لني.. 
كنت بقرا أفكاره وهو بيفكر يخلص مني ويدفن ي ورا في الزريبة.. 
مسعدة قامت وحاولت تبين أنها مش فاهمه حاجه كانت شايفه طلبه ابنها وهو ماسك الفاس وعرفت اللي ناوي عليه.. 
هى بتقرب وبتتكلم عشان تتوهني لحد ما تكتفني لابنها.. 
طلبه بيرفع الفاس وبدل ما هى تكتفني روحت بكل عزمي وقوتي مخلياها بيني وبينه 
نزل بكل قوته بالفاس على راس أمه شقها نصين.. 
طلبه شاف المنظر مصدقش نفسه 
نزل على الأرض يمسك أمه لقى راسها وقعت منها في ايده. 
طلبه جت له أزمة قلبية وقع راح 
بقوا جتتين جنب بعض.. 
جريت بسرعة ولفيت من ورا الدار ورجعت لدارنا زي ماجيت دخلت قاعتي 
كنت قاعدة ساكته مبنطقش من صدمة كل اللي حصل. 
معداش ساعتين تلاته والصوات والدنيا اتقلبت.. 
مسعدة مقت ولة ابنها خلص عليها ووقع راح.. 
أمي وأبويا دخلوا لي القاعة بعد ما قفلوا الدار كويس.. 
أبويا طلبه وأمه اللي كانوا عايزين يقت لوا أخواتك يا نواضر! 
أمي من حق الكلام اللي الواد سعد قاله ده يابتي!! 
كنت ضامه ايدي على رجلي وساكته وبعيط.. 
معرفش بعيط ليه يمكن عشان عرفت اللي أبو الطيب الأبيض وأمي مغازل ناوين عليه..! 
مسلسل_نواضر
الحلقة_التاسعة
هبةعبداللطيف
أبويا مجاهد وأمي نعمه كانوا واقفين قدامي في القاعه بيسألوني.. 
طلبه وأمه هم اللي رموا العيال في الترعة! 
رفعت راسي وأنا بعيط 
اه هم.. 
أبويا جري عليا قعد جنبي وأمي قعدت جاره.. 
الاتنين بيبصوا لبعض ومش مصدقين ليه كل ده بيحصل لهم من ناس من دمهم.. 
أبويا قالي اللي حصل لطلبه وأمه أنتي لكي يد فيه يانواضر! 
رفعت راسي وعياطي زاد وجسمي بقى يتنفض.. 
أنا معرفش ايه بيحصل معايا يا آبا أنا حاسه أني حد تاني.. 
مكنتش عايزه لا أتولد ولا أكبر ولا أكون اللي أنا عليه دلوقتي. 
طلبه ومسعدة مش أول مرة يخططوا اانهم يخلصوا من عيالك. 
من قبلهم أبوه وأنا اللي فسدت عليه تدبيره وليلتها صممت أنك تاخود أمي تولدها في المستشفى بعيد عن ايد مقبولة الداية اللي كانت متفقة مع أخوك أنها تكتم نفس العيل اللي هيتولد وكأنه ماټ بعد الولادة على طول.. 
ليلتها كانت أول مرة أتصرف بطبيعتي وأول مرة أأذي مخلوق.. 
مقبولة كانت تستحق الڤضيحة ربنا سترها مرة ورا مرة ورا عشرين. 
ولما اتفضحت كان بحاجه معملتهاش.. 
أخوك نفسه اللي الطمع نهش قلبه ربنا ستره مرة وعشرة وعشرين. 
ولما اتفضح بردو كان بحاجه معملهاش.. 
مسعدة اللي اتقت لت هى اللي عملت لكم السحر بتاع منع الخلفة واللي قعد سنين وسنين وكانت فرحانه