زهرة الربيع تمت بقلم M B

بين ايدين ربنا وهو احن مني ومنك عليها بس انا عندي فكرة كويسة وممكن تجيب نتيجة بس التنفيذ يكون بسرعة لأن أي تأخير مش في صالح زهرة.
أبو زهرة. الحقنا بيها يا دكتور انا في عرضك .
الدكتور إحنا ننزل منشور في موقع اخباري كبير ومعروف نطلب حد متبرع وطب يكون عنده نفس فصيلة ډم زهرة وننشر مع الخبر نوع الفصيلة وعنوان ورقم المستشفي وطبعا ناكد علي المتبرع أن ده هياخد قصاده مقابل مادي بس ده لازم يتم في اسرع وقت وغير كدة هيكون مكلف .
أبو زهرة مش مهم التكلفة يا دكتور بس انا راجل كبير ومفهمش في الحاجات اللي بتقولها دي ولا ليا في الاخبار ولا غيرها.
الدكتور متقلقش سيب الموضوع ده عليا انا ليا صديق عزيز هو اللي هيقوم بالمهمة دي .
أبو زهرة ربنا يكرمك يا دكتور.
يذهب الدكتور الي المكتب الخاص به وفي تلك الأثناء يأتيه تليفون من شخص مجهول .
الشخص المجهول ازيك يا دكتور ايمن واخبار حضرتك اي.
الدكتور انا بخير وعملت اللي اتفقنا عليه 
والنهاردة أن شاء الله خلال كام ساعة هيكون الخبر في أكبر موقع في البلد .
الشخص المجهول انا مش عارف اشكر حضرتك ازاي يا دكتور ايمن وزي ما أكدت علي حضرتك انا عايز الموضوع يمشي زي ما خططناله ويبان كأنه مش متخطط له ولا اي حاجه واول ما الخبر ينزل في الموقع هتلاقي شخص من طرفنا بيقولك أنه هو المتبرع ومش هينفع يذكر اسمه وأنه كمان عايز يتبرع في اي مستشفي غير إللي فيها زهرة لانه فاعل خير وبعدها ننقل أكياس الډم لمستشفى حضرتك الخاص عشان تنقلها لزهرة وأنا مش هنسالك الجميل ده يا دكتور ايمن.
الدكتور متقولش كدة يا معالي الباشا ده اقل حاجة نقدمها لحضرتك والموضوع هيكون في سرية تامة.
الشخص المجهول . شكرا ليك يا دكتور ايمن وانا هكلم الصحفي اللي اعرفه ينزل الخبر بكل التفاصيل بس طبعا هتعرف أهل مريم أن حضرتك اللي قمت بكل ده.
تنتهي المكالمة بين بين الدكتور أيمن والشخص المجهول ويخرج من مكتبه
يرفع الدكتور أيمن سماعة التليفون ويتصل بالدكتور شوقي ويطلب منه تقرير مفصل عن حالة زهرة .
أبو زهرة اطمني يا ام زهرة بنتنا بين ايدين ربنا وهو ارحم واحن عليها مننا انا هبيع الكام قيراط اللي حيلتي في البلد انا كنت شايلهم لوقت عوزة واهه وقتها جه ومافيش عندي أغلي من زهرة.
ام زهرة وانا كمان هبيع الدهب اللي معايا وعلي سعر الكام قيراط اللي هتبيعهم ربنا هيتم علينا ستره.
الدكتور شوقي مساء الخير يا دكتور ايمن
الدكتور أيمن مساء الخير يا دكتور شوقي اتفضل اقعد ها جبت التقرير!!
الدكتور شوقي. طبعا يا دكتور بس حضرتك كان معاك التقرير وغير كدة انت عارف كل حاجة عن حالة مريم لأن حضرتك المتابع الأول لحالتها .
الدكتور أيمن. اه اه مانا عارف بس مش عارف التقرير كان فين وقلت اكلفك بالمهمة دي نيابة عني أنا عارف شطارتك في إعداد تقارير الحالات المړضية الحرجة اللي بتيجي المستشفى
الدكتور شوقي دي شهادة اعتز بيها يا دكتور ايمن بس في حاجة أنا مستغرب منها !!
الدكتور أيمن بتوتر حاجة اي!
الدكتور شوقي. انا بقالي 8 سنين مع حضرتك في المستشفى واول مره تتعرض عليا حالة زي حالة زهرة وخصوصا أن فصيلة ډمها نادرة جدا ومش من السهل أننا نلقاها غير بمعجزة وطول فترة خدمتي في مستشفيات تانية انا مصادفنيش غير حالة واحدة مشابهة ليها