زهرة الربيع تمت بقلم M B

صمم انه يعمل العمليه
ابو زهره
طب هو هيخرج امتى يا دكتور
الدكتور
هو هيتنقل العنايه المركزه هو كمان وهيفضل موجود فيها 48 ساعه لغايه محلته تتحسن
ام زهره بدموع
طب ينفع نشوفهم يا دكتور
الدكتور
لما يخرجوا من العنايه المركزه ان شاء الله تقدر تشوفوه بعد اذنكم
زهره وربيع كل واحد دخل العنايه المركزه وبعد 48 ساعه زهره فاقت واتنقلت اوضه عاديه اما ربيع حجزوه يومين كمان
زهره بتعب
بابا مين اللي عمل العمليه مين اللي اتبرع لي ماما فين
ابو زهره بحزن
انا وامك معاكي اهو يا زهره ما تخافيش يا حبيبتي الف سلامه عليك يا ريت كان في انا وانت لا
زهره
ما تقولش كده يا بابا امال مين اللي عمل العمليه
ام زهره بحزن
فوقي بس انت يا حبيبتي كده وبعدين ابقى اعرفي مين اتبرع لك وعمل لك العمليه
زهره
بتقولي مش عايزين تقولوا لي دلوقتي وتعرفوني في ايه ما تقولوا لي يلا مين اللي تبرع لي
ابو زهره بحزن
احنا ظلمنا ربيع يا زهره ظلمناه جامد ربيع ما بعكيش زي ما كنا فاكرين هو عمل كده لسبب
زهره باستغراب
مش فاهمه حاجه ما تفهموني في ايه وايه السبب اللي غير رايكم قوي كده
ام زهره
ربيع مش بيخلف علشان كده بعد عنك علشان ما يخليكيش تخسري احساس الامومه ويسيبك تتجوزي وتعيشي حياتك بس احنا اللي ظلمناه اه هو غلطان وكان لازم يعرفنا ويعرفك وانت ليكي حريه الاختيار بس هو ضحى وبعدين ما اتجوزش ولا حاجه كان بيضحك علينا وهو كمان اللي اتبرع لك يا زهره
زهره پصدمه
وانتم ازاي تسمحوا له بحركه زي دي ازاي تخلوه يعرض حياته للخطړ بالطريقه دي وهو عامل ايه دلوقتي كويس
الاب والام بصوا لبعضهم بحزن وزهره عيطت وقالت
انت مش بتردوا ليه ما تقولوا لي حصل له ايه اتكلموا هو كويس مش كده علشان خاطري قولوا انه كويس
ابو زهره بحزن
هو كويس يا بنتي بس يعني حصل له
زهره پخوف
الو يا بابا ما تتكلموا يا جماعه انتوا كل شويه هتنقطوني بكلمه
ابو زهره
شلل نصفي ما يقدرش يمشي تاني على رجله بعد ما تبرع لك بالنخاع
زهره عيطت جامد وقالت
ما كانش لازم توافقوه على حاجه زي دي ما كانش لازم تخلوه يتبرع انا خلاص كنت عارفه مصيري ليه تدمروا شباب وحياته بالمنظر ده
ابو زهره
يا بنتي صدقيني احنا حاولنا نقنعه اكثر من مره حتى الدكتور نفسه هو اللي صمم ورفض ان حد غيره يعمل العمليه دي ده غير ان انت فصلتك نادره ومش ومستحيل نلاقيها بسهوله وكنا هنخسرك يا زهره وهو علشان بيحبك ضحى بنفسه علشان خاطرك
زهره بدموع
انا عايزه اشوف يا بابا ارجوك
ابو زهره
انت ما ينفعش دلوقتي ده في العنايه مركزه ما ينفعش تدخلي له وبعدين انت لسه تعبانه ما ينفعش تتحركي انت عامله عمليه كبيره انت كمان علشان خاطري يا بنتي
الدكتور ايمن دخل وقال
حمد لله على سلامتك يا انسه زهره
زهره بدموع
لو سمحت عايزه اشوف ربيع واطمن عليه
الدكتور بهدوء
ربيع كويس الحمد لله بس ما ينفعش تدخلي تشوفيه ولا تتحركي اصلا انت كمان عامله نفس العمليه والعمليه دي اي حركه غلط ممكن تضيع كل اللي عملناه لو سمحتي
زهره بدموع
طب هو كويس يعني حالته كويسه فاق ولما هو حالته كويسه ليه سايبينه في العنايه لغايه دلوقتي
دكتور ايمن
لازم يفضل في العنايه لانه عامل عمليه خطيره انت الحمد لله اتحسنتي قبله فخرجناك في اوضه الافاقه وهو ان شاء الله بكره الصبح هيتنقل اوضه عاديه المهم انك ترتاحي دلوقتي وما تفكريش في اي حاجه
زهره بعياط
ارتاح ازاي وحبيبي تعبان بسببي