قصة حقيقيه
.
لواحده من المتابعين
انا متجوزة بقالي سنه.. والحمد الله عايشة بشكل طبيعي ومافيش اي مشاكل.. بس في حاجة بدأت تحصل معايا من تلات شهور بالظبط... انا حاسه ان في حاجة غلط بتحصل ومش فاهمه وجايه احيكلكم جايز حد يفهمني ويساعدني....
خليني اقولكم الاول ان جوزي شغال سواق على خط المنصوره والقاهرة....
الموضوع بدأ في يوم جوزي سافر وكان المفروض انه هيبات في الشغل اليوم ده ومش هايجي غير تاني يوم بليل... المهم اني اتفاجئة انه رجع ولما سالته حصل ايه قالي اتخانقت مع صاحب الشغل وسبت له العربية وجيت.. قلت له ماشي.. سهرنا مع بعض اليوم ده وقعدنا نتفرج ع التلفزيون.. وبعدها جوزي قالي انا شفتك بالقميص النوم ده كتير.. غيري والبسي غيره.. فعلا غيرته ولبست حاجة تانية... وبعديها بكام ساعة قالي تاني غيري القميص ده والبسي حاجة تاني.. عملت كده.. وبعدها قالي مفيش حاجة تتاكل.. قلت له اه هقوم احضر لك الاكل..
قمت وحضرت الاكل.. واكلنا وكانت الساعة سبعه الصبح وقتها.. نمنا وصحيت ع العصر.. صحيت ملقتش جوزي جنبي! استغربت انه صحي وطلع ومصحانيش عشان نفطر مع بعض زي ما متعودين! بعد دقايق من صحياني لقيت جوزي راجع! هنا قلت له انت خرجت امتى وليه ماصحتنيش جوزي ضحك وقالي انتي فيكي ايه بقولك ايه انا هلكان حضري لي الحمام اخد دش وهدخل انام.. انا مفهمتش ردت فعله.. فعدت السؤال تاني وقلت له انت صحيت ورحت فين قالي يابنتي انا مسافر المنصوره من امبارح وبيت زي ماتني عارفه ويادوبك لسه راجع!..
اڼصدمت من كلامه.. امال مين اللي كان معايا امبارح انا كدبته وقلت له مستحيل انت كنت معايا امبارح.. وحتى قلت لي غيري قميص النوم مرتين.. وسهرنا للصبح واكلنا مع بعض! ضحك وقالي انتي شكلك سخنه! فضل يحلف ويقولي يا بنتي انا كنت امبارح ف المنصوره ولسه راجع اهو!
ماصدقتوش.. وهو اتصل بالسواق زميله وفتح الاسبيكر وسمعته وهو بيقول انه كان معاه امبارح طول اليوم!...
انا محطتش ف دماغي وقلت يمكن مقلب منه وكبرت دماغي! بس اللي حصل بعد كده خلاني اڼصدم!...
بعد اسبوع جت لجوزي سفرية وكان هيغيب يومين.. فانا قلت له انا هروح لاهلي اقعد اليومين دول لحد ما يرجع
هو وافق فعلا.. ووصلني لاهلي وسافر.. لكن اتفاجئت في نفس اليوم اللي وصلني وسافر.
. جالي ع الساعة واحدة! لقيته بيخبط ع باب اهلي وفتحت له الباب.. قلت له احنا هنهزر ولا ايه!
انت مش قلت بايت بره ايه اللي رجعك لقيته اتعصب وكشر في وشي وقالي انا مقدرش ابعد عنك!...
وبعدها قالي يلا روحي جهزي نفسك عشان هنروح
