ذئاب الجبل الجزء الثاني والاخير الكاتب حماده فاروق هاشم

هتسميها.... 
يقف صلاح وهو بيعدل نضارته ويروح ناحية بثينه ويحط ايده علي خدود الطفله ويقول.... 
انا هسميها...... ياسمين..... 
ترد ام حاتم... 
الله... ياسمين.... اسم حلو اوي.... 
وتبص بثينه بصة الشك لصلاح وتقوله.... ياسمين..... 
واشمعني ياسمين ان شاء الله.... 
يعدل صلاح نظارته ويقول.... 
ايه يا بثينه في ايه.... يعني لو كنت سميتها رشا... كنتي هتقولي واشمعنا رشا..... 
ياسمين يا بثينه.... ياسمين... اسم... 
اسم وعجبني.... 
والجميع متابع الحديث ويضحكو.... 
.............................. 
المشهد.... اسكندريه...... البدري... 
البدري قاعد في البيت بالروب وماسك سماعة التليفون وعمال يتصل ويقفل ويكرر المحاوله..... 
نورا تلاحظه وتقرب منه.... 
نورا.... 
مالك يابدري.... بتتصل بمين وقلقان ليه كده.... 
البدري.... 
غريبه يانورا..... 
عمال اتصل بالمكتب ومفيش حد بيرد.... 
المفروض الدكتور حاتم موجود النهارده.... 
نورا.... 
طب ما تتصل بالبيت وتساله يمكن تعبان ولا حاجه.... 
البدري.... 
منا فعلا عملت اكده ومفيش حد عيرد برضك..... 
نورا.... 
يمكن عند باباه ومامته.... 
البدري يقوم... ويقول... 
برضك اتصلت هناك ومفيش حد بيرد عالتلفون.... 
نورا.... 
غريبه دي..
البدري..... 
اني لازم اقوم والبس واروح بنفسي واشوف فيه ايه يانورا..... 
ويتحرك البدري والتليفون يضرب.... 
يرجع البدري ويمسك التليفون... 
الوووو.... 
مين.... دكتور حاتم.... 
فينك يا دكتور... 
عتصل عليك من بدري....... 
ايه.... عتقول ايه.... 
لاه... الف الف مبروك.... 
وتقرب نورا من البدري وبتحاول تفهم فيه ايه.... 
والبدري لسه بيتكلم.... 
طب انتو في مستشفي ايه.... 
طيب..... طيب..... 
ماشي يا دكتور.... 
ساعة زمن واكون عنديكم...... 
ويقفل السماعه وتبادره نورا بالسؤال.... 
ايه يابدري.... 
يبص البدري لنورا وهو مبتسم.... 
مراة البشمهندس صلاح ولدت النهارده يانورا..... 
انا هروح اغير خلقاتي واروح اشوفهم.... 
وتمشي وراه نورا وهي بتقول.... 
طب استني خدني معاك.... 
................................. 
المشهد.... بهتون..... 
الخاله لبيبه قاعده جمب دبور وبتبوس ايديه وهي پتبكي... 
ونعمه بتحاول تسكت فيها..... 
الخاله لبيبه.... 
كان مدسيلك فين ده بس ياولدي... 
ومين اللي عمل فيك اكده.... 
مين الظالم اللي ميعرفشي ربنا.... 
حسبي الله ونعم الوكيل 
حسبي الله ونعم الوكيل 
نعمه.... 
استهدي بالله ياخاله لبيبه 
استهدي بالله..... 
تبص الخاله لبيبه لنعمه وتقولها.... 
طيب يا بتي اني هاخد دبور ونعيش لحالنا.... 
نعمه.... 
كيف ده يا خاله لبيبه.... كيف... 
انتي هتقعدي معانا اهنه..... 
انتي ودبور.... محدش هيفارقنا.... 
لبيبه.... 
يابتي كفايه اللي انتي فيه.....
نعمه.... 
لاه يا خاله انا فاهماكي زين.... 
انتي عشان علوان..... 
علوان خلاص يا خاله..... 
علوان معادش زى الاول.... 
اقعدي يا خاله لبيبه.... ابوس يدك... 
الخاله لبيبه.... 
عيني عليكي يابتي... عيني عليكي... 
ايه اللي بيجرالنا ياناس..... 
الله يرحمك يا شيخ بدار..... 
الله يرحمك يا ياسين...
................................... 
المشهد..دار علوان...... 
علوان واقف قدام المرايه وعروسته الجديده بتلبسه العبايه وهو بيبص للمرايه وبيبرم شنبه وهو مبتسم.... 
العروسه.... 
علي فين يا علوان.... 
هتروح عند مرتك القديمه... صوح... 
علوان يبص ليها وهو مبتسم ويقول..... 
وووووه عتغيري عليا يابت ولا ايه.... 
ويضحك ضحكته المعهوده..... ويروح ناحية الباب وهو بيقولها.... 
يابت متنسيش ان دى مرتي القديمه يابت يعني خلاص..... بقت عاده.... 
هطل عليها بس وتني معاود طوالي...... 
تمشي العروسه ورا علوان..... 
وتقول.... 
طيب اياك تبيت اهناك يا علوان.... 
متسبنيش اكده وحدى بين اربع حيطان.... اني مش متعوده علي اكده..... 
يبص علوان ليها ويقولها.... 
ابيت بره..... لاه... لا ممكن يحصل يابت.... برضك ده كلام..... 
افوت القمر ده يبيت لحاله..... 
لا يابت.... هو بس سواد الليل ومعاود علطول.... 
جهزيلنا بس انتي عشوه مليحه من ايديكي اللى زي الملبن دي.... 
ويمسك ايديها ويبوسها وهي تتكثف وتشدها وتقول.... 
كفاياك عاد يا علوان.... 
..................................... 
المشهد.... نقطة بهتون.... 
الظابط عصام قاعد علي المكتب وقدامه نفادي..... 
الضابط عصام.... 
انا قولت مية مره يا نفادي مفيش اجازات الايام دى خالص انتي مش شايف اللي احنا فيه..... 
نفادي.... 
يابيه..... يابيه..... 
ده فرح بته الوحيدة يابيه ولازمن ايكون معاها يابيه.... 
الضابط عصام.... 
ايوة مقولناش حاجه ده لو يوم واحد... 
لكن ليه يغيب اسبوع بحاله..... 
نفادي.... 
يابيه مش الفرح محتاج حاجات ومحتاجات وبعدين ده ابوها يابيه ومتقلقشي واصل يابيه.... 
اني بنفسي هسد بكانه.... 
الضابط عصام..... 
لالا ولا تسد مكانه ولا مكان حد..... 
حيث كده بقي ادى الكل اجازه علشان محدش يتحجج علشان الايام اللي جايه دي داخلين علي شغل كبير..... 
نفادي.... 
ايه.... الكل يابيه.... ادى الكل اجازه.... 
ايوة.... بس تسيب اتنين تلاته كده يحرسو النقطه والاستراحه مش عاوزينها تبقي هو..... 
نفادي.... 
طيب يابيه.... ربنا يبارك في عمرك يا بيه.... ربنا يبارك في عمرك..... 
........................ 
المشهد تاالت يوم بالليل.... المطاريد. 
سبع الليل واقف قدام ابو دبيكي وبيقول..... 
عندى اخبار حلوة قوى قوى ليك يابو دبيكي..... 
ويرد ابو دبيكي.... 
اخبار..... قول.... قول ياسبع الليل... 
كنها فورجت..... 
سبع الليل.... 
الا فورجت يابيه.... 
دى فورجت... وفورجت... وفورجت للصبح.... 
ابو دبيكي.... 
ايه يا سبع الليل.... شوقتنا.... قول.... 
سبع الليل.... 
الطير بقي لوحده يا بو دبيكي 
ومفيش غفير يوحد ربنا في كل شوارع البلد.... 
ابو دبيكي.... 
صوح.... كيف... ده..... 
سبع الليل.... اياك يكون كمين..... 
سبع الليل.... 
لاه يابودبيكي...لاه.... اطمن واصل.... 
اني ادليت بروحي وسالت واطقست وعرفت ان كل الغفرا والعساكر خدو اجازه كام يوم.... 
فيشي بس غير كام غفير اكده اكلاب حراسه.... 
عالنقطه.... وعلي الاستراحه.... 
ابو دبيكي..... 
بس المره دى لازمن ضربتنا تصيب يا سبع الليل.... 
لازمن نتوكد ان الطير في العش.... 
سبع الليل.... 
اطمن قوى يابو دبيكي.... اطمن.... 
ابو دبيكي.... 
طب جهزو نفسكم يا رجاله..... 
جهزو نفسكم وسلاحكم.... 
هندلو البلد..... 
..................... 
المشهد استراحة بهتون....... 
الضابط عصام قاعد علي السرير بتاع وماسك كتاب بيقراه..... 
وبره فيه غفير قاعد علي الارض قدام باب الاستراحه.... 
وحاطط براد شاي علي الحطب... 
وبيغني ويدندن..... 
وشويه يظهر كام واحد ملثمين وشهم ويروحو من ورا الغفير ويضربوه علي وشه والغفير يغمي عليه....... 
ويدخلو من الباب.... 
والضابط عصام قاعد علي سريره لسه بيقرا الكتاب ومش حاسس باللي بيحصل حواليه.... 
ويدخلو المطاريد الاستراحه وابودبيكي متقدمهم وماسك سلاحھ ومغطي وشه ويقرب من الاوضه اللي فيها الضابط عصام ويمسك اكرة
الباب عشان يفتحها ومسك الاكرة ولسه هيفتحها... وووووو.... 
........ 
وتنتهي الحلقه علي مشهد ساخن ويا