الحلقة 18 من المشوه بقلم الشيماء محمد الجزء الثالث
اسمحوش ! كده أوفر قوي
هالة ليلى دي حياتك وده جوزك .. مش كل خطوة هتكلميني وتاخدي رأيي فيها ! انا حطيتك علي أول الطريق كملي خطواتك .. تصبحي علي خير
قفلت ليلى الفون وهيا محبطة من كلام هالة ومبقتش عارفة ايه الصح ! بس هل بعد ليلة زي دي تقدر تبعد أدهم عن حضنها ولا هيا نفسها تبعد !
هالة قفلت وابتسمت يارب يا ليلى تبطلي تفكري بعقلك انتي وهوه وتسيبوا عواطفكم هيا اللي تتحرك ! سيبوا حبكم يتنفس بقى .. مفيش حاجة اسمها قوة ارادة بين اتنين عشاق .. ازاي قدرتوا تبعدوا عن بعض كل ده ! للدرجة دي حطيتوا اسوار عالية بينكم مش قادرين تخطوها ! لازم تهدوا بقو الاسوار دي ومفيش حاجة تبعدكم عن بعض بالشكل ده ! معقولة انتو الاتنين سمعتوا كلامي بمجرد ما قولتلكم تبعدوا عن بعض بعدتوا ! ربنا يهديكم ويخليكم لبعض ! ربنا يهديكم
الصبح صحيت وبصت حواليها كان ادهم جنبها بهدومه فابتسم بنعاس وضمھا وكملوا نومهم للظهر صحيوا علي جرس الباب ودوشة العيال ..
ليلى بنوم ادهم الباب
ادهم فتح عينه للحظة وغمضها تاني افتحي لعيالك
ليلى بغيظ النهاردة يومك علي فكرة !
ادهم بدون ما يفتح بقولك ايه عيالك وابوكي يا تفتحيلهم يا تخليهم يخبطوا لحد ما يمشوا انتي حرة مش قايم
عم محمود اعذريني يا لولا بس القرود دول اصروا يجوا لدرجة كانوا هيجوا لوحدهم وحتي رنيت عليكم بس موبيلك مقفول وجوزك ما ردش
ليلى لا يا حبيبي عادي ولا يهمك تعال ادخل هنتكلم علي الباب !
عم محمود لا يا حبيبتي ادخلي ارتاحي انا يدوب ألحق الظهر علي اذان .. لو عوزتي حاجة بلغيني
لبابي ده هيفرح قوي لما يشوفكم بس اوعوا تقولولو ماما قالتنا نطلع لاحسن يزعل منكم ويقول مش عايزين تشوفوه غير لما انا اقولكم انتو اطلعوا
العيال بهيصة طلعوا جري عند ابوهم و
دخلوا يتنططوا عنده وهو بس بس وبعدين في ايه !
ادهم كشړ الكلام ده مش كلامك يا بت مين اللي بعتك !
زياد هو علشان انت واحشنا يا بابا يبقى حد باعتنا ! احنا بنحبك قوم بقى اقعد معانا .. امبارح مقعدتش معانا خالص يبقى النهاردة تقعد معانا قبل ما ترجع من اجازتك
ادهم بتعب طيب انام شوية
ڠصب عنه قام معاهم
ادهم انزلوا هصلي الظهر وانزل
زياد ببساطة هصلي معاك
ادهم اتوضى وخرج صلي الظهر هو وابنه
ادهم اختك يا تري راحت فين !
زياد اكيد بتلعب في كريمات ماما
