الحلقة 18 من المشوه بقلم الشيماء محمد الجزء الثالث
كلها نازلة وبعصبية بتلمهم وهيا مخڼوقة من ادهم اللي بيسمح لآية تعمل اي حاجة حتي لو هتضايقها
بترص العلب مكانها بعصبية فقزازه البرفان بتاعت ادهم بتحطها بعصبية وعڼف علي الرف فالرف كله وقع واتكسر وقزارة برفان اتكسرت وكل العلب في الارض وهيا واقفة مكانها مذهولة من اللي حصل ..
ادهم بعد ما ليلى طلعت لفوق حس انها هتعيط فابتسم انها هيا كمان زيه بتفسر الأمور علي مزاجها واكيد دلوقتي افترضت ان هو ما بيحبهاش ورجعلها علشان عياله وبس .. وزمانها فوق بټعيط ..
ادهم ابتسم نفسي افهم ام المثل ده معناه ايه ! يعني ليه كحلي ! ليه مش وردي ولا سماوي ليه لون كحلي ! يعني ليلة سودا علي دماغ الكل
احمد سودا مين يا عم انت ! اعتقد ان معناه ان الليلة كانت طويلة والسهر كتير فالواحد تاني يوم ما بيقدرش يقوم من النوم فيقولوله ناموسيتك كحلي المهم سيبنا من ام المثل وقولي ايه اخبار سهرتكم !
احمد بتهريج وبعد ما السهرة خلصت المفروض بقى تكون سهرت سهرة ملوكي في البيت بعد العزومة دي !
ادهم بتريقة وان مكنتش قايلك اننا في فترة خطوبة دلوقتي !
احمد ننننعم ! خطوبة مين بعد العزومة والسهرة دي ! لا بجد !
ادهم ابتسم لا والله فعلا احنا ماشيين بيبي استيبس حاليا .. فربنا يسهل كده ونتجوز
احمد قلبي معك .. يالا اسيبك انا
ادهم استني بقولك
احمد قول
ادهم بما اننا مخطوبين فايه رأيك تجيب سهر وتيجوا هنا تاخدوا معانا يومين .. هيعجبك الجو هنا جدا ..
احمد سكت شوية بجد !
ادهم بحماس طبعا بعدين فرصة انا مأجز .. تعال انت بس
قفلوا مع بعض وادهم طلع لمراته فوق وهو داخل من الباب سمع الكركبة وصوت التكسير فجري بسرعة ناحية الحمام فتح الباب بس مقفول من جوه فخبط ليلى انتي كويسة في ايه حصل افتحي
ليلى بصت للباب ودموعها نزلت من تاني لانها مكنتش عايزاه يعرف انها عيطت او اتأثرت
ادهم ليلى .. في ايه اتكلمي طمنيني عنك
ادهم سمع صوتها المكتوم المخڼوق بالعياط ليلى في ايه مالك ! افتحي
ليلى مسحت دموعها وبصت للسقف واتنفست وبتعمل شهيق وزفير علشان تعرف تتكلم انا كويسة ممكن تنزل للعيال !
ادهم بيفتح في الباب يا بنتي افتحي قوليلي ايه اللي اتكسر عندك ومالك فيكي ايه !
ليلى بعصبية الرف وقع
