الحلقة 18 من المشوه بقلم الشيماء محمد الجزء الثالث
وبيسيبوه ويمشوا
ادهم پغضب قام ما يسيبوه انتي مالك !
ليلى بهزار فاتورة الكهرباء
ادهم فتح الباب وبصلها هو انا كنت اشتكيتلك ! ادخلوا ده انتو عيال فصيلة
زياد واية دخلوا جري وبعدها زياد بص لابوه ماهو هنا كمان حر ايه ده ! انتو مش مشغلين التكيف ليه !
ادهم بص حواليه وجاب الريموت وشغله اهو يا اخويا شغلته اقعد
ادهم هلم القزاز .. مش قولتلك ديما جايبالنا الكلام
آية قزاز ايه يا بابي !
ادهم الرف اللي سيادتك كنتي متعلقة فيه وقع كله واتكسر
ليلى كشرت عنيها وبصتله متعلقة فيه! وانا اقول ايه اللي وقعه ماهو مش معقول قزازة برفان توقعه كده !!
ادهم بص لبنته شوفتي ديما جايبالنا الكلام انتي
ادهم اهو ولا فطار ولا غدا يومي وعدى هتيجي بكرة تقوليلي يومك همسك في رقبتك
ليلى بصتله وانا مالي بقى ! هو انا قولتلك غدينا بره ! ولا انا قولتلك مش هحط فطار ! ده عرض وطلب يا حبيبي انت اتبرعت تسلم
ليلى ما انت اتغديت هيا حكاية غدا !
ادهم انا راجل طفس بقى وعايز اتغدي تعمليلي صينية بطاطس اللي بتعمليها باللحمة دي ومعاها صينية مكرونة بشاميل
ليلى شهقت وده من ايه ده ان شاء الله هاه !
ليلى يوووه بقى يا ادهم خلي العيال تلعب
ادهم بغلاسة عايز اتغدى يالا
ليلى بجدية خلاص بقى خلي العيال تلعب
ادهم خلاص ايه بالظبط
ليلى كشرت خلي العيال تلعب !
ادهم وبكرة ايه نظامه
ليلى هو احنا هننجم بكرة فيه ايه ! خلي بكرة لبكرة
ليلى ده انت رخم بقى
ادهم فوق ما تتخيلي
ليلى علي فكرة انت مكنتش كده ابدا
ادهم هز دماغه ايوه ايوه عارف انا الډخلة دي .. ايوه انا اتغيرت يالا علي البيت
ليلى كشرت وبعدين بقى يا ادهم
زياد اتدخل بينهم واتفاجؤا بيه بعدين بقى انتو الاتنين ! هنمشي ولا هنقعد ! عمالين تتخانقوا زي انا وآية ارسوا علي بر بقى ! نكمل لعب ولا هنمشي
ادهم قبل ما عياله ينطلقوا استنوا ! وبكرة
ليلى بغيظ يومى خلاص ارتحت
ادهم ابتسم وهيا اتغاظت فكملت بس العشا عليك النهاردة يا حلو
ادهم ضحك وماله انتي تشاوري ساندوتشين فول وطعمية وجبرت
ليلى شهقت نننننننننننعم ! فول ! مين دول اللي
