الحلقة 19 من المشوه بقلم الشيماء محمد
او حاجة زي كده !
الولد فكر لحظة في يا باشا .. قدامك بعد يجي كيلو كده في مخيم اسمه مخيم البدو
ادهم باحباط اوعى تقولي خيم وجو زي ده !
الولد هو في خيم بس فيه اوض للسياح يا باشا والاوض اه شكلها من بره بدائي كده شوية بس من جوه فيها كل حاجة تتخيلها .. هتعجبك يا باشا صدقني بعدين دي للسياح
ادهم ابتسم وطلع بقشيش كبير وعطاهوله لما اخويا يجي
ادهم اخد مراته وراحوا على وصفه وبالفعل لقوا المخيم ودخلوا وهناك في اوض كتير فعلا زي اكواخ جنب بعض والعامل هناك فرجهم واتفاجؤا فعلا ان الاوض من جوه حاجة تانية خالص .. اه شكلها من بره زي اكواخ البدو بس من جوه عغلي أعلى طراز
العامل عجبتك الاوضه يا باشا !
العامل طيب اتفضل معايا الاستقبال نعمل لحضرتك دخول .. طبعا دي المدام مع حضرتك ومعاك بطاقتها وبطاقتك
ادهم معانا ما تقلقش واه دي المدام
العامل طيب تمام لو حضرتها عايزة ترتاح هنا براحتها
ادهم ساب ليلى وراح مع العامل يخلص اوراق دخولهم ويوريه اثبات شخصياتهم وانها فعلا مراته ورجعلها بعد ربع ساعة تقريبا
ليلى مفيش تكيف يا ادهم
ادهم بصلها مش عايز اقولك كلمة يا ليلى .. مش تحمدي ربنا ان في مكان زي ده هنا وبالنظافة دي ! وبعدين عندك مروحة اهو
ليلى كشرت ماهي بتجيب هوا سخن .. يعني مشروع ضخم زي كده ازاي ما يحطوش تكيفات في الاوض !
ادهم مش جو صحراوي ولازم تتعايشي معاه هو ده التعايش .. المهم ما تركزيش في الجو
ادهم قعد جنبها وبدأ يرغي معاها وشوية الجو فعلا حر
ليلى ضحكت ما تتعايش وما تركزش
ادهم هز دماغه طيب ايه !
ليلى بزهق مش عارفة .. علي المروحة دي يمكن
ادهم قام وخلاها على اخرها والله خاېف لتطير من السقف وتموتنا
ليلى ضحكت لا مش هتطير
لحد ما موبيله رن فكان يدوب بينام واتعدل رد بسرعة قبل ما ليلى تصحى
احمد استغرب نايم ! والله اترحمت من الحر ده المهم احنا في المخيم انت في اوضه كام ولا ايه !
ادهم اتعدل وبص لليلى اللي نايمة جنبه وابتسم للذكرى وقام احمد لحظة وخارجلك
لبس هدومه وخرج وراح لاحمد اخوه وعياله اول ما شاوفوه جريوا عليه وبيحكوا الاتنين اللي عملوه وركوبهم للحصان والجمل وابوهم سمعهم لحد ما خلصوا
ادهم ابتسم وفهم تلميح اخوه وهز اكتافه المهم هتعملوا ايه دلوقتي !
احمد في حمام سباحة هنا و انا حجزت اوضة جنبك و وصيت على غدا ..
ادهم تمام تمام
سهر ليلى فين يا ادهم !
ادهم نايمة .. هصحيها
سهر خليها شوية كمان شكلها كان تعبان
ادهم لا اسبقوني انتو وانا هجيبها واجي نتغدى كلنا مع بعض
احمد لو عايز تتأخر شوية نأخر الغدا
زياد وآية لا احنا جعانين
ادهم ابتسم اهم ردوا عليك .. بص لعياله هجيب ماما واجي
راح وصحاها براحة وهيا ابتسمت وهمست حبيبي
ادهم ابتسم روح قلب حبيبك
ليلى انت لابس ليه !
ادهم ابتسم علشان احمد والعيال بره ومستنينا نتغدا معاهم
ليلى اتعدلت وفتحت عنيها شوية وبصتله وبتفهم الكلام وبصت حواليها وبصتله العيال كويسين
ادهم ابتسم كويسين
ليلى سندت على كتفه طيب خليهم يتغدوا وخلينا انا وانت هنا ..
ادهم عيالك هيرخموا انتي عارفة واحمد مش هيعرف يسلك معاهم
ليلى اممم عارفة
