جميلة الجزء الاول الحلقه الثانيه
واوعي تخافي من حد او من امي او تخافي مثلا اني اتجوز من وراكي علشان اخلف انا بجد الموضوع ده مش في بالي .. انتي مش مضطره توافقي ..
ميس ابتسمت عارفه حبيبي بس انا ببص للصوره العامه مش ليا انا وانت .. انا موافقه
وليد بأسف نفس عقلانيه امي .. طالما موافقه يبقي بعد اذنك علشان المحامي تحت
سابها ونزل تحت وخلصوا كل حاجه وخلاص تم جوازه هو وجميله وشريف وعمها كان شاهدين علي العقد ..
بالرفاء والبنين زواج مبارك ان شاء الله
وليد رنت في دماغه كلمه البنين ... كل ده علشان الخلفه .. محدش بيرضي بنصيبه .. كله بيتحايل علي قدره ... هو راضي بنصيبه وراضي بحكم ربنا ليه امه وشريف مش زيه ليه مراته بتفكر بنفس طريقتهم !! ليه قدروا يقنوعها
شريف طلع لبنته شويه ومشي ووليد مكانه
وليد بص لامه عروستي فين
نبيله في اوضتها
وليد وفين اوضتها
نبيله هتكون فين يعني اوضه من اوض الخدم
وليد وانتي متخيله اني هروحلها اوض الخدم
نبيله وليد !! ملوش لازمه بكره نروح لدكتور وهو
قاطعها امي ... ناديها وطلعيها اوضه من اوض الضيوف .. انقليها لاحسن اوضه عندك اتفضلي
وليد بسرعه يا امي .. انا مش هروحلها في اي اوضه اتفضلي
نبيله نادت علي علية وجتلها بسرعه
علية ايوه يا هانم
نبيله طلعي جميله فوق لاوضه الضيوف اللي بتطل علي البيسين علي طول
علية نعم اطلعها ليه تنضفها يعني هيا نضيفه!!
نبيله طلعيها وبطلي رغي .. ده هتبقي اوضتها
علية نعم
نبيله مالك يا عليه في ايه
علية انا كنت فاهمه ان الجواز ده صوري
وليد لا مش صوري ده جواز بجد طلعيها يالا
علية مشيت مش فاهمه حاجه وطلعت جميله اللي ھتموت من الخۏف للاوضه فوق
جميله عامله زي اللعبه اللي كل واحد بيلعب بيها شويه لا ليها رأي ولا لها اي كلمه في حياتها ..
قلبها بيدق وهيقف من الخۏف مع سمعها لصوت خطواته بتقرب ...
بتتمني لو ابوها كان عايش كان عمره ما يوافق ان يجرالها كده .. عمها بيتحكم فيها وكأنها في زمن العبيد بس هيا مضطره علشان اخوها بدال ما يبقي نصيبه زيها .. علي الاقل كده هتضمن انها تعلمه وتحققله احلامه.. كفايا هيا ضاعت...حتي عمها كمان رباها هيا واخوها واهتم بيهم ايوه مش بحنيه الاب بس فتح بيته ليهم .. هو كمان يربي عياله كويس .. الجوازه فيه خير للكل
وليد دخل وفضل رايح جاي بيبصلها وهيا القلق والخۏف بيكبر جواها ... اخيرا وقف وبصلها
وليد اكشفي وشك ده وريني شكلك
كشفت وشها وبصتله من غير ما تنطق
وليد انتي عارفه انتي هنا ليه
جميله ما نطقتش بس هزت دماغها اه
وليد وموافقه علي ده
هزت دماغها تاني اه
وليد انتي خرسا ولا ايه ده اللي ناقص
هزت دماغها لأ
وليد اتنرفز طيب ما تنطقي
جميله بصوت مبحوح افندم
وليد هدي وحس بخۏفها انتي متجوزاني ڠصب عنك
جميله لأ
وليد يعني انتي موافقه
جميله ايوه موافقه
وليد موافقه علي ايه انتي عارفه انتي موافقه علي ايه
جميله اني اتجوز حضرتك
وليد وتخلفي وبعد ما تخلفي تمشي من هنا مالكيش اي حقوق
جميله عارفه
وليد وده شيء عادي بالنسبالك
جميله ما ردتش عليه ومعرفتش
