الحلقة الرابعة الشيماء محمد من حبيبي المجهول
انت في الصفحة 6 من 6 صفحات
كده بالعربيه تعال علي الكورنيش او اي حته هاديه
ادهم اي حته هاديه اممم اوك ماشي
فضل ماشي بالعربيه واهم بيرغوا ويتكلموا
واخيرا ركن في حته علي النيل والدنيا كانت ليلت وبقي الجو ظلمه وقف وطفي العربيه
ادهم بقي معجبكيش الكافيه وعجباكي العربيه غريبه انتي!!!
ليلي انا كده بتعجبني حاجات بسيطه
فضلوا يتكلموا شويه
ليلي هاه مقولتليش بقي انت بتحب ايه فيا
ادهم بصلها شويه يعني مش عارف عمال افكر مش لاقي اي اجابه نهائي
ليلي خبطته علي صدره
ليلي لا بجد بقي قولي بتحب ايه فيا
ادهم طب ما نعكس السؤال وتقوليلي
انتي بتحبي ايه فيا
ليلي بحبك انت كلك علي بعضك
بحب نظراتك دي ليا
بحب لما تعمل حاجه مش عجباك لمجرد انك تبسطني
بحب اهتمامك باصغر التفاصيل علشاني
بحب چنونك وعدم اهتمامك باي حد لمجرد انك تكلمني زي ما جتلي المحل او لما جيت لماجده وكل مره تتدبس في حاجات قد كده
بحب نرفزتك وهدوئك ليه وكل ما اقرب تبعدي!!
هيا المره دي حطت ايدها في ايده وهو ضغط عليها حست ان الضغطه دي علي قلبها مش ايدها
ادهم مسك ايديها الاتنين وشدها قربها منه قوي حطت وشها في الارض فرفعهولها
ادهم بوصيلي ما تهربيش مني
قرب ادهم منها قوي لدرجه انه كان
الجو كله بقي مشحون حواليهم هو بيقرب وهيا عقلها بيضرب صفارات انذار
ادهم فضل ضاممها للحظات بس هوعايز اكتر من كده فبعدها براحه عنه وحاول تاني انه
ليلي ارجوك لأ
ادهم لأ ليه
ليلي ادهم
ادهم بصوت عالي نعم!!! انتي عايزه ايه انتي لسه اهوه بتقولي بتحبيني!!!
ليلي ايوه بحبك
ادهم هو فين الحب ده باماره ايه بتحبيني وكل ما اقرب تصديني!
ادهم ايوه مش ده الحب عارف بس اللي بيحب حد بيحاول يريحه يفرحه يعمل اي حاجه تبسطه صح ولا ايه لكن انتي بتشوفي ايه اللي بيضايقني وتعمليه
ليلي اسفه بس قرب بالشكل ده لأ ما ينفعش
ادهم يعني ايه ما ينفعش حبني بس من بعيد لبعيد
ليلي مش من حقك
ادهم لا من حقي انا بحبك يبقي من حقي
ادهم هو ابتزاز ولا ايه هو الحب ملوش اي حقوق عندك
ليلي حقوقه اني ابادله الحب باكتر واني اصونه واحفظه واراعيه لكن اكتر من كده لأ
ادهم يا سلام ده اي منطق ده طيب انا عايز اتمتع بيكي عايز اخرج معاكي وامسك ايدك كمان عايزك كلك علي بعضك كده
ليلي وانا كمان عايزه كل ده بس كل اللي بتتكلم عنه دي حقوق الزوج مش الحبيب
الحبيب ملوش غير حق الحب وبس وانا بحبك
ادهم وانا مش عاجبني كلامك ده
ليلي وانا اسفه معنديش غيره
ادهم طيب خلاص ايه رايك احب فيكي واشوف واحده تانيه اعمل معاها اللي انا عايزه وخليكي انتي للحب الافلاطوني ده
ليلي بزعل والله يا ادهم انت حر حياتك وانت حر فيها لكن انا مش هقبل واحده تشاركني فيك انت سبق وطلبت تتجوزني واناوافقت اكتر من كده معنديش
ادهم وانا مازلت عند كلامي بس ظروفي حاليا ما تسمحش
ليلي خلاص وانا ما ضغطتش عليك وقولتلك براحتك
ادهم امال اللي انتي بتعمليه ده ايه مش ضغط ده مش ھتلمسني غير لما تتجوزني ده ايه ده
ليلي ده اللي اتربيت عليه
محدش
ادهم متلويش دراعي
ليلي انا ما بلويش دراعك افهمني
ادهم لا اسف مش فاهمك ولا فاهم وجهه نظرك ولا مقتنع بيها
ليلي وانا اسفه مش هتنازل عن مبادئ
ادهم انتي كده بتجيبي اخرها يا ليلي
ليلي لو ده اللي هيجيب اخرها معاك يبقي هاته انا اسفه انا بحبك اه لكن بالطريقه دي لأ
ادهم دور العربيه ووصلها لحد شغلها وهيا طول الطريق دموعها بتنزل بصمت وقف العربية ومستنيها تنزل
ليلي وبعدين
ادهم مفيهاش بعدين انتي بتحبي بطريقه وانا بحب بطريقه
انتي اثبتي ليا في كذا حاجه اننا غير بعض
طرقنا مختلفه اسف فرصه سعيده يا ليلي
ليلي ههه يعني يا تنفذ اللي انت عايزه يا يا تسيبني
ادهم لا مش كده
ليلي لا هيا كده بالظبط
ادهم خلاص هيا كده عايزه ايه
ليلي مش عايزه حاجه بس كنت
بااكد لنفسي اني اتمسكت بيك لاخر لحظه وانت اللي بعتيني علشان بس ما الومش نفسي
ادهم طيب ومستنيه ايه اتفضلي
ونكمل بكره
ياتري ادهم الصح ولا ليلي
هل الحبيب له حقوق ولا ملوش
الرغبه هتنتصر ولا الحب
ShiMoOo
