المشوه واحد و عشرين الشيماء محمد

المشوه الجزء الثالث 
الحلقة ٢١
بقلم الشيماء محمد
شيمووووو
ادهم بص لأخوه بلوم وبص للرجالة ورفع اله حاده وبتريقة عندكم الجراءة تقفوا قصادي ولا هتخافوا ! 
الرجالة اتنرفزت وكل واحد فيهم منهم اللي رفع عصاية واللي رفع اله حادة واللي معاه كازلاك وادهم ساعتها شد اقرب واحد له وزقه على اللي وراه وقعه والثالث ھجم عليه مسك ايده اللي فيها الكازلاك ساعتها الرابع قرب فادهم وجه الكازلاك اللي في ايد الراجل لصاحبه اللي بيهجم فخلص عليه وبعدها زقه بعيد في وش الخامس واللي كان واقع وقف ادهم بس حاول يفادي الضړبة اللي كانت هتيجي في كتفه بس رجع 

لورا بسرعة وبعدها جه تاني بس ادهم مسك ايده ولفها 
احمد حذره حاسب يا ادهم 
بص وراه كان اللي وقعه وقف وراه بس لف الراجل اللي في ايده جت فيه وبعدها هو اخر واحد وكلهم بقوا حواليه في الارض راحوا وادهم بص لأحمد اللي عنده ذهول هو وزينب لان كل اللي حصل ده تقريبا اخد دقيقتين 
ادهم نتحرك بقى 
احمد بيشد زينب اللي اتسمرت مكانها 
احمد يلا نخرج من هنا 
زينب بۏجع مش قادرة 
احمد مش وقته يلا 
ادهم اتحركوا 
هنا سمعوا صوت زي مياة بتنزل على الارض والصوت ناحية زينب فبصولها 
احمد باستغراب ايه ده ! المياة دي ايه !
ادهم لعڼ في سره سيادتها بتولد 
زينب سابت ايد احمد اخرج انت واخوك من هنا وسيبوني 
أحمد باصرار انا وعدتك انتي وابنك هتعيشوا حياة افضل من كده 
أدهم احنا مش هينفع نفضل هنا لازم نتحرك والا محدش فينا هيخرج 
زينب حاولت على قد ما تقدر تمشي معاهم والاتنين بيساعدوها وادهم شاور على عربيته ويدوب هيركبوا 
ادهم زعق اركبوا بسرعة 
زينب احمد ركبها ورا وادهم واحمد ركبوا قدام وادهم طار بعربيته بس في خمس عربيات اتحركوا وراه 
ادهم اتصل بمديره اللي سمع وزعق انت مفيش مرة تستنى رجالتك ابدا 
ادهم بيزعق هما فين واتأخروا ليه !
المدير على وصول اكيد .. حاول تأخرهم على قد ما تقدر .. 
ادهم بص لاخوه امسك دركسيون العربية 
احمد ببلاهة هاه 
ادهم زعق امسكه 
احمد مسكه وادهم فتح باب عربيته وبص وراه ومسدسه في ايده بالظبط في كوتشات العربية اللي وراه وهنا العربية لفت حوالين نفسها واللي وراها اتخبطت فيها و واحدة فيهم اتقلبت وادهم اتعدل واتحكم في العربية من تاني عليهم مستمر لدرجة زجاج العربية اللي ورا اتكسر كله .. وحتى الزجاج اللي قدام عند ادهم بقى كله شروخ .. ادهم بص لاخوه ولزينب اربطوا حزاماتكم بسرعة وخليكم تحت وامسكوا نفسكم كويس 
الاتنين نفذوا بدون سؤال بسرعة اما ادهم رفع فرامل اليد وهو على سرعته فعربيته لفت بسرعة حوالين نفسها وفي اللحظة اللي هو مواجه العربية اللي وراه ضړب رصاصتين تانيين واحدة فيهم جت في سواق العربية اللي وراه والعربية خرجت عن الطريق واتقلبت اما ادهم سيطر بسرعة من تاني على عربيته بس من كتر الړصاص اللي بيضرب عليهم الكوتشات اتضربت وهنا العربية بدأت تلف حوالين نفسها وبعد كذا لفة ادهم قدر يوقفها .. حالة صمت عدت عليهم ..
عربيتين وراه وقفوا ونزل منها اكتر من ٧ او ٨ رجالة 
ادهم بصلهم وبص لاخوه اللي سأله رجالتك فين !
ادهم رجالتي زمانهم وصلوا هناك مش هنا 
احمد هنعمل ايه ! 
قاطعهم تأوه زينب اللي حالتها بتسوء شوية بعد شوية والاتنين بصولها 
ادهم بص لاخوه قلتلك سيبها وهرجعلها ماسمعتنيش .. 
زينب بۏجع ما تسيبونيش .. هيخلصوا عليا 
ادهم بصلها محدش هيسيبك .. احمد خليك جنبها .. محدش هيلمسكم 
احمد مسك ايد اخوه هتعمل