قصة بكلم دعاء احمد الجزء الثاني
يا حليمة ....
حليمة كانت واقفه بتبص لها پغضب بصت لهند اللي كانت ساكتة و حزينة و هي بتبص لأمها بعتاب
سابتها و طلعت اوضتها بمنتهى الهدوء.
في الجنينة
شهاب كان بيشرب النسكافيه بتاعه اخد نفس عميق و هو شامم ريحة عطرها غمض عنيه بضيق
غزال طلعت له و بصت له بعتاب أنه جاب لها الكلام من والدته... يمكن لو كان موجود كان هيدفع عنها لكن بسبب اللي عمله هم اتكلموا من البداية.
ممكن أفهم انت ناوي على ايه
شهاب رفع رأسه ليها و حط رجل على رجل بهدوء
اظن أنتي اللي لازم تقوليلي ناوية على ايه
و عايزاه مني ايه
غزال بصراحة و وضوح و هي تتحرك ادامه بسرعة و بتتكلم بتلقائية
عايزاه ايه! عايزاه احس انه حصل اختلاف
عايزاه احس إني ليا حد ېخاف عليا و يهمه أمري عايزاه احس أنك جوزي... او طلقني
بص يا شهاب أنا عمري ما حبيتك غير ك ابن عمي و مش الحب اللي ممكن تفهمه... أنا أقصد اني كنت بحترمك و بثق في قراراتك كاخ مش أكتر
بس انتم مدتونيش فرصة.... أنتم فجأة حطوتني أدام الأمر الواقع إني فعلا مراتك
شهاب قام وقف بحدة و بصلها پغضب مسك دراعها بقوة
تقصدي ايه
غزال بصت لايده اللي مسكه دراعها رفعت راسها و بصتله في عيونه بتركيز و قوة بدون خوف او توتر
هو دا اللي بيضايقني منك يا شهاب
أنا عاملة زي السمكه اللي متعرفش تعيش برا المياة
و أنت زي اطير اللي طاير في السما و مالوش ماسكه
اللي زينا هيتقابلوا فين!
بص يا شهاب أنا أول يوم اتجوزنا فيه قررت أكون مخلصة جدا لك مهما حصل... أنا لحد دلوقتي بحاول بس ميمنعش اني لسه بتوتر في وجودك...
أنت مش قادر تفهمني و أنا مش قادرة افهمك....
شهاب بتركيز
مكنش دا كلامك اخر مرة... فاكرة قلتي ايه
حقوقك انا اديتها لك و مش بمنعك تاخدها
فاكرة و لا افكرك....
غزال بحدة
و أنت محاولش تفهم قصدي ليه
ليه كل حاجة تفسرها على حسب ما أنت عايز
شهاب أنا بنت مش ولد يا شهاب بنت... و البنت مش زي الشاب.... لما بتوتر مش بعرف أعبر عن اللي جوايا... انت ليه مش عايز تفهمني...
شهاب
أنتى عايزاه ايه يا غزال
غزال معرفش.... و الله ما أعرف
شهاب و انا قصرت في ايه يا غزال
غزال اتنهدت بتعب من نفسها و منه
شهاب هو فيه عريس بيسيل مراته بعد فرحهم بعشر ايام و يفضل بعيد عن البيت كل دا من غير حتى ما يطمن عليها
هو أنت بجد مفكرتش في الكلام اللي بسمعه كل يوم منهم... أنت فاهم معنى اللي أنت عملته.... أنا اسفه دوشتك بالكلام معايا... أنا محتاجة انام...تصبح على خير
جايز لما تيجي بعد شهر تاني اكون مت و ترتاحوا مني خالص بس اقولك أنا خاېفه انام من كتر الحزن و الزعل اللي قلبي مصحاش تاني
الفصل الثاني عشر...
في المزرعة
شهاب كان قاعدة على مكتبه ماسك القلم في ايده
و هو سرحان في كلامها و في عيونها كأنه بيغرق فيها و في نظرة الحزن اللي جواها هي عندها حق في كل اللي قلته لكن هو هيعرف ازاي....
هو كان ڠضبان و متضايق من تصرفاتها و مش قادر يرجع البيت لكن غلط ميقدرش ينكر دا.
يمكن هو مقدرش يفهم التوتر دا لأنه مالوش تعامل كبير مع أي بنت و لو حصل بيكون في حدود أضيق بكتير من انه يفهم بيها ازاي بيفكروا.
لكن في كل الحالات غلط لما سابها و قرر يفضل في المزرعة.
فاق من شروده على صوت جده و هو بيتكلم بعصبية و ضيق
سرحان في ايه يا شهاب بقالي ساعه بنادي عليك..
شهاب بجدية و تركيز
و لا حاجة يا جدي.... أنا معاك اهوه كنت بتقول ايه
الحج محمود بخبث
شهاب أنت للدرجة دي پتكره غزال.... للدرجة دي كاره وجودها معانا و حياتها.
شهاب باستنفار و جدية
أنت بتقول ايه بس يا جدي..... أنت عارف إني بخاف عليها
الحج محمودمش باين يا شهاب... تصرفاتك الفترة الأخيرة بتقول أنك بتدبحها پسكينة تلمه من غير رحمة...
أنا فاهم أن فيه حاجة مضايقك منها و مش عارف تتعامل معها
و أنا كنت بقول يا محمود أصبر شوية و هيرجع لعقله و يرجع البيت شهاب ذكي و لا يمكن يسيب الناس يجيبوا في سيرة بنت عمه..... بس أنت لأول مرة تخيب ظني
