ليالي الزين... الفصل السادس والعشرون...

يبصوا البعض والكل فرحان بيهم
وبعديها نزل زين وهو حاضن لى لى والكل اتجمع على الفطار
لى لى
احنا لازم نحتفل ان جدو وصل بسلامه
مى بحماس
صح يا لى لى نعمل حفله صغيره النهارده
ناديه
تمام انا هجز كل حاجه بليل وبصت ل زين وخلى نادر ونهى يجوا نحتفل بجوازهم
الجد
هو نادر اتجوز
مهاب
اه يا بابا هبقى احكيلك بعد الفطار
سيف
احم بما ان فى احتفال النهارده انا بستاذن منكم انى اجيب المؤذون واكتب كتابى على مى
مى اتكسفت جدا ولى لى فرحت وصقفت
الجد بابتسامه
ماشى يا سيف نكتب الكتاب باليل
والجد شاف ان ده صح لانه قاعد فى البيت معاهم وحس انهم بيحبوا بعض جامد
ناديه بفرحه
وانا هعملك حفله النهارده محصلتش والكل فطر وزين نزل على الشركه واتصل ب نادر وعرفه بالحفله
ونادر وصل نهى الفيلا عند مى ولى لى عشان تكون معاهم وتجهز للحفله معاهم وطلع على الشركه ل زين
زين ونادر فى المكتب
ايه الاخبار طمنى صارحت نهى
نادر بفرحه
كله تمام طلعت بتحبنى زى مابحبها
زين
طب كويس الحمد الله المهم رفعت راسنا اصلك بقالك كتير معتزل الملاعب
نادر هههههه
لا يا خويا لسه محصلش حاجه رفضت امبارح انها تفضل فى الجناح بتاعى ولسه بجهز جناح جديد
زين
طب ليه حصل حاجه يعنى ولا هو مش عاجبها وعوزه تغيره
نادر
لا ابدا بس عشان ده كان جناح مريم وحكى لزين كل ال نهى قالته
زين بابتسامه
انسانه عندها زوق والله ربنا عوضك بيها يا نادر
نادر
فعلا ربنا عوضنى بيها انسانه هاديه ورقيقه وكفايه معملتها مع مريم معتبرها بنتها تصور الصبح مخلتش الداده تقرب منها وهيا ال خدتها وخلتها اخدت شور وغيرتلها وسرحتلها شعرها وفطرتها واى حاجه عوزاها مريم هيا بتعملها وكمان خدتها عندكم الفيلا معاها ورفضت تسبها مع الداده
زين
ربنا يوفقك يا صحبى المهم بقا خلصت الورق المطلوب
نادر
كله تحت السيطره والنهارده هنفذ
زين
خلاص اول ما نسرين تجى دلوقتى هطلب الورق تجيبه عشان عوزها تشوفه
نادر تمام
وفضلوا يتكلموا فى شغلهم التانى الاصلى وشويه والباب خبط ودخلت نسرين
صباح الخير
زين بابتسامه خبيثه
صباح النور وبص ل نادر وكمل كلامه ونسرين واقفه جمبه خلاص كده انا حطينا جميع البنود ال عوزنها فى العقد مع الشركه الفرنسيه
نسرين ركزت اوى عشان تفهم الصفقه دى
زين مكملا حديثه
طب يا نادر ابعتلى العقود اخر مره ارجعها قبل ما ابعتلهم الرد
تمام هبهتعالك وبص ل نسرين ممكن يا نسرين تجى تاخديهم لانى نازل المصنع دلوقتى وانا مش هامن ان السكرتيره تشوفهم
نسرين بفرحه حاولت تدريها
اه تمام
وهيا طالعه زين بياكد عليها نسرين اوعى حد يشوف الورق ده
نسرين بخبث
متخفش هجيبه من مكتب نادر واجى على طول
اماجاسر
من اول ما عشق لى لى وهو اتغير بطل سهر وانو يعرف ستات وحاول يتخلص من شركته مع عمه ونسرين وينضف من القرف ال بيعملوه عشان لى لى بعد كده متزعلش منه لو عرفت انه معاهم كل ده بيعمله