جوازة باظت بسبب تلاجة

جوازة اتفركشت ليلة الفرح عشان لما العروسة روحت شقتها مع العريس ملقتش التلاجة الجديدة بتاعتها اللي اهلها جايبينها ولقت بدالها تلاجة قديمة وطلعت حماتها خدت التلاجة الجديدة وحطتلها التلاجة القديمة ولما العروسة اعترضت وزعقت حماتها بهدلتها ومسحت بيها الارض وقالتلها انتي فاكرة نفسك ايه انتي جاية البيت دة خدامة ليا.. و دة بيت ابني آخد اللي انا عايزاه واعمل اللي انا عايزاه.. وشتمت العروسة بالأب والأم وبهدلتها والعريس واقف بجم مبينطقش.. 

واهل العروسة فوجئوا ببنتهم يا عيني راجعة لهم بفستان الفرح..
وحكتلهم اللي حصل.. وابوها جاب ناس برضو وراح اخد من الشقة كل الحاجات اللي هما جايبينها ودخل شقة ام العريس وخد التلاجة ڠصب وعمل محضر تبديد قايمة 
وحاليا العريس مسجون ومتبهدل وام العريس راحت لاهل العروسة ټعيط واتذللت ليهم وارحموا ابني وبتاع بس الاب كان صعبان عليه الألم النفسي وكسرة الفرحة اللي سببتهم الست لبنته 
وانها سړقت التلاجة ومرضيش يتنازل عن القضية.. ولما راحت تقول لابو العروسة ارحم ابني وحرام عليك وكدة.
. قال لها حرمت عليكي عيشتك وانتي مرحمتيش بنتي ليه وانتي عارفة ان اللي عملتيه دة هيكسر فرحتها وممكن وېخرب عليها!! وواضح انك كنتي ناوية تطلعي عينيها وتخليها خدامة ليكي زي ما قلتي وانا بنتي مش خدامة لحد..
يعني انا اضيع حياتي في اني اربيها واكبرها وتيجي واحدة زيك متسواش حاجة في سوق النسوان تعمل في بنتي كدة!! والله ما ارحم ابنك ابدا ومش هتنازل عن القضية.
. ابنك اللي وقف يتفرج على بنت الناس وهي بتتهزق من بهيمة زيك.. وطردها برة البيت بطريقة مهينة وقال لها لو شفت وشك تاني هسجنك انتي كمان.. عشان تبقي تفكري الف مرة قبل ماتستقوي على اي حد.. انتي استضعفتي بنتي بس مأخدتيش بالك إن وراها راجل ياكلك إنتي وابنك لحم ويرميكوا عضم يا كلا..
وطبعا كان الشارع كله تقريبا اتفرج عليها.
انه الاب ياساده فإما أن تعزها كأبيها او تتركها له